زاواج الاجبار "بالهجة الجزائرية "🇩🇿

فرنسا

حکمتو و بسیف باش وقفتو ديتو للدوش باش نغسلو خرجت نجيبلو في قشو نسمع فيه يتقيا دخلت لعندو كان وجهو أصفر كالقارص و قلبو راح يخرج من القيا بديت نغسلو في راسو و حالتي يرثى لها ايا خرجتو من الدوش قلتلو ذرك نبدل حوايجي و نديك للسبيطار بلاك كاشما صرالك ... حكمني من يدي و قالي "متعبيش روحك ذرك نكلم محمد يجيني " شفت فيه و بعدت يدي من عندو قلتلو خسرت زینو مش باغية نزيد نخسرك نتا " و خرجت

ديتو للسبيطار لقاو البروش لي في رجلو تحرك دارولو وحد العفسة حكمولو بيها رجلو كامل وقالي الطبيب ملازمش يتحرك بزاف بعد 20 يوم يرجع وبالزهر كان هذاك البروش يرجع لبلاصتو إلا مرجعش نديرولو اوبیراسیون

ما صبت ما ندير طاح في جرتي جرت النحس كن ما سیحتش الما راهو ما طاحش رجعنا للدار و بالسيف باش هبطتو من فوق الكروسة للسرير بسكو ملازمش يمشي خلاص بدلتلو تريكوه و جاب ربي كان لابس تريكو دخلاني تالي راني انصدمت خخخخ و غطيتو و جيت خارجة نكمل الشغل و نديرلو كاشما يأكل

في هذيك الليلة بعدما حطيتلو يأكل و درتلو دواء نتاعو و غطيتو باش يرقد طفيت الضو نتاع الفيوزة و جيت خارجة حكمني من يدي معليهش تبقاي معايا ليوم !!" قلبي بدأ يخبط في الميتين معرف علاش حكمني توتر قلتلو "مكانش ..." مكملتش هدرتي جبدني ليه و حضني "علابالي مکانش زینو و مکانش محمد و مکانش مشاعر إتجاهي و مكان حت حاجة تخصك عندي مي على الأقل شوية شفقة ايه أعطيني شوية برك من الشفقة نتاعك ،

مدام طلبت الشفقة ما بقى والو نزيد نطلبو ..." كان حاكمني و يزير عليا خايفني لا نهرب بعدت عليه بسيف شفت فيه و دموعي يطيحو على وجهو على صدرو كان يبكي أول مرة نشوفو يبكي حسيتو طفل صغير قلبي تقسم عل زوج كي شفتو هكاك

حضنتو محمد صح راح و زينو كيف كيف مي بقيت نتا ذرك معندي حت واحد من غيرك رافد انا منقدرش نحبك حب نتاع شفقة ..."

ضمني ليه و قالي "ميهمش مدام مش نفاق مدام مش خدع ومش مصلحة و طمع ... ميهمنيش كيفاش لمهم ميكونش من هذوك الصفات ... بسكو تعبت و نا نسنى فيك تعبت و انا كل مرة نسمعك في الليل تهمسي في إسم خاطيني تعبت و انا منقدرش حت نمسك تعبت و انا منقدرش حت نعيطلك

بإسمك ... تعبت و انا منقدرش حتى نشوفك .. شفتي مني غير الجوانب السيئة ... مقدرتش حتى نهتم بيك كزوج..