زاواج الاجبار "بالهجة الجزائرية "🇩🇿

صباحوو

كنت لابسة شورت و بوستي و بديت نبكي و انا نقول "يااا ربي وش درت ؟؟ يووو رافد حنا ملازمش نبقاو كيف كيف ... حت ولو مش تشوف فيا مي تبقى حرام عليا نتا طلقتني قبل ما تروح ... و طحت نبكي في الأرض جاني و حكمني و نا نبعد عليه حتان شدني بالسيف و قالي منتفكرش إني قلتلك راكي طالق !!! صح تفاهمنا بلي كي نرجع نطلقو رسمي مي هذاك الوقت مقلتلكش هذيك الكلمة فاص | فاص كي قلتيتي نطلقو بالفم قلتله إيه مي مطلقتکش و روحت سقسيت الإمام

قالي مدام مقلتهاش راكي طالق بالذمة يسما مطلقتهاش ..."

كنت نشوف فيه ونبكي كالطفل الصغير قلتله "بصح..." مكملتش هدرتي قالي "لا" بصح لا والو إذا بغيتي نروحو منبعد للإيمام و بردي قلبك هذا إذا مبغيتيش تطلقي" و ضحك .. خبطتو لراسو و قلتله بلع" قالو نطلقو نخليك لهذيك المصفارة تديك "

قالي ايه نديها هي و كان مديتهاش نزوجها كزوجة ثانية ... يهدر و يضحك و انا نغلي أيا حضني و قالي "هيا

لعندي ... متبكيش اصغيرة نتاعي منتزوج عليك ما راني ناقص وجع رأس واحد اوخر "

"صافي أنا وجع رأس ..."

نتي وجعو و نتي دواه❤️

تمعشقنا مليح عل الصباح و من بعد خرجت كانو كامل

فرحانين و أنا باينه عليا كتر ناضت نور فضحتني قدامهم ليوم ترقدي ساكتة صرعتيني بالبكي نتاعك كل ليل .." و جماعة كامل تفلقو بالضحك و انا وجهي حمااار ولا فراز مش طماطم

و رافد كان قاعد مقابلني و غير يشوف فيا و يبتسم للحظة حسيتو رجع يغزر عينيه كانو في عينيا إكزاكت بقيت نشوف معاه و مشوكيا

فاتو أيامات و داني رافد للإيمام باش نبرد قلبي....

عرفت بلي رافد بقى في فرنسا بلعاني باش كي يرجع شوف ردة فعلي و ردة فعلي كانت لي يحوس عليها ههههه عرفت بلي كان دايما يسقسي عليا و هو لي يبعثلي في لي كادو و الشيكولا و هذوك لعفايس و يقول ليماه متقوليلهاش بلي انا لي بعثتهم كان عارف عليا كلش بالتفصيل ، و انا في بالي نساني