زاواج الاجبار "بالهجة الجزائرية "🇩🇿

زوجي

قتلت مرتي بيدي و زدت كملت على إبني ... هي كانت مس كيفك خلاص كانت تحب غير مصلحتها تحب غير الدراهم و اللبسة ومعلا بالهاش بيا خلاص كانت تخون فيا و مقدرتش نفضحها ... نهار لي درنا فيه الاكسيدون كنت مرجعها لدارهم باش نطلقها و دابزنا في الطريق حتان صرا لي صرا ... قد ما كنت نحبها قد ما كرهتها في هذيك الدقيقة ... و قد ما كرهتها قد ما راني نحس بالذنب بلي انا لي قتلتها و ذركة ختمتها بزينو ... و راح نكمل عليك نتي ... رجلي صرالها هكا من لاكسيدون كل ما ترجعلي نتفكر هذاك النهار و نحس بلي انا أسوء عبد في الكون ....

انا تشوكيت في هدرتو من جهة قطعلي قلبي و من جهة أخرى حسيت بتأنيب الضمير بعدت عليه حكمتو من وجهو نمسحلو في دموعو رافد إسمحلي ... مكانش قصدي مش بيدي كنت في حالة هستيرية

و زيد هذا الشي كامل مكتوب ربي مش بيدك ... زينو داه ربي هو و يماه و انا جامي لا شفتك إنسان مش مليح عل عكسي لي سمعت مني غير الكلام القاسي ....

قالي "نتي من حقك تسبيني ... تعايريني .... و إذا بغيتي تروحي عليا تاني من حقك بسكو أنا بلا فايدة ... وش يجيك من واحد ميشوفش !!" بعدت عليه حسيت بالإهانة بقلبي تزعزع مقدرتش نوصف شعوري مي هدرتو بلوكاتني

بقيت نشوف فيه قلتله حقي إني نهتم بيك و نحترمك و فوق كل هذا نبقى معاك للمامات و هذا الشي كامل بلا مزيتي..."

حكملي وجهي بيديه و قربلي و قالي "شهد باغي نشوفك انا الدم حبس في جسمي آخر حاجة كنت نتوقعها منو معرفتش اصلا وش نقولو ... حكمتلو يديو و بديت نوريلو في ملامح وجهي مرة لعينيا مرة لنيفي و مرة لخدود و شعري و آخر حاجة لفمي ... بعدت يدي من عل يدو و بدأ هو يتحسسلي في وجهي بيديه للزوج و انا دموعي غير يطيحو باسني من جبهتي و منبعد لفمي و انا مشوكيا و حاسة قلبي راح يحبس من الخبيط كي بعد عليا قالي نحبك | شهد نحبك ..." !!......... يتبع

(إنك تشوف إنسان قريب ليك و لا إنسان تحبو في أقصى حالات الضعف و ما تقدر ديرلو والو تحس بلي نتا هو الاسوء و نتا هو السبب في كلش صرالو)   رايكم ؟