زاواج الاجبار "بالهجة الجزائرية "🇩🇿

...

ناض حط يدو على وجهي و قالي علاش راكي تبكي ؟"

نحيتلو يديه من وجهي وقلتلو:

رافد إسمحلي مي منقدرش نكمل معاك ... طلقني ....

صعيبة إنك تعيش مع واحد و ضميرك يأنب فيك في النهار ألف مرة و الأصعب إنك تروح وتخليه التأنيب يضاعف إلى أضعف من لمرة لولا ....

كانت أصعب كلمة قلتها و أصعب قرار نديرو في حياتي مكنتش عارفة العواقب كيفاش راح تكون

هذاك النهار قالي تجازيني بهذي الكلمة !" انا سكت ملقيت ما نقول ... قالي معليهش براحتك مي على الأقل تفوت العشرين يوم برك ... باش نطلقك هكاك و ترجعي لداركم مستحيل تصرا و زيد دارنا كن يسمعو يكرهولي حياتي و حياتك ... أصبري نلقى حل مقنع و نقنع روحي و نديرلك رايك "

حسيت روحي جرحتو و في الحقيقة ايه جرحتو و جرحت روحي معاه ... فاتو هذوك العشرين يوم كالمرار هو كان ساکت و انا کتر منو كنت سيعات نسمعو في الليل يصلي و يبكي يدعي في ربي يفرج عليه وعليا و سيعات نسمعو يبكي كان ضعيف لأقصى درجة و أنا السبب !!

يعني علاش ما عشتش معاه نورمال و منبعد نوالف بيه و يوالف بيا !!! انا كان راسي ياااابس حجر و خرية كبيرة دايما نحطم نفسي بنفسي و نحطم معايا الناس

كي راح يدير في الكونترول طلع مزال لعضم مرجعش لبلاصتو و قادر يمرضلو اللحم ويخمج يولي في حكاية وحدة اوخرة يعني لازماتو أوبيراسيون

نطقلو رافد قالو نروح نديرها في فرنسا مدام لمرة لولا درتها ثما ... و بما انو الطبيب هذا صاحبو يعني جاه كلش

ساهل ... و هذا الشي كامل طاح بسبتي انااااا .

كي رجع للدار و قالي هذيك الهدرة حسيت نص عمري ضاع حكمتني لفشلة خليتو في الصالون و روحت للكوزينة بديت نبكي علاش معرف !!!؟

حسيت بيه جاي و يكركر في رجلو روحت نجري لعندو اقعد ملازمش تمشي ... حكمني و قالي غير ما تبكي مش نتي هي السبة من بكري انا مريض بيها "

"بصح انا لي زدت كملت عليك "..... قلتها و انا نشهق عنقني و قالي.....