زاواج الاجبار "بالهجة الجزائرية "🇩🇿

إحساس

بعدت يدي من عل يدو و بدأ هو يتحسسلي في وجهي بيديه للزوج و انا دموعي غير يطيحو باسني من جبهتي و منبعد لفمي و انا مشوكيا وحاسة قلبي راح يحبس من الخبيط كي بعد عليا قالي نحبك | شهد نحبك ..." !!

دإنك تشوف إنسان قريب ليك و لا إنسان تحبو في أقصى حالات الضعف و ما تقدر ديرلو والو تحس بلي نتا هو الاسوء و نتا هو السبب في كلش صرالو..»

هكذا كنت نحس و انا نشوف فيه و هو راقد طلع يحبني و انا كنت دايما نجرح فيه قولولي شكون الراجل لي يقبل يبقى مع وحدة تحب واحد اوخر ؟؟

أسوء مني مكانش خليتو يحس بلي هو بلا فايدة بلا والو

قريب عامين و هو عايش معايا هكا و انا لا علاقة بيه قالي لشهورة لي بعدت فيهم عليك كنت تعبت كنت حاس روحي نعمر في قرعة مثقوبة قلت نبعد بلاك يهديها ربي

قالي مكنتش نشوفك مي كنت نحس بيك نشم ريحتك قبل ما توصلي للبلاصة لي راني فيها نعرف بلي راكي جاية ... كي تجي و تبقاي حذا باب الشمبرة ومتدخليش نحس بيك و نعرفك بلي راكي حذايا مي ندير روحي معلا باليش....

كي كنتي تجي تغطي زينو و تبوسيه و تزيدي تجي لعندي كنت نبغي نعنقك و منخليكش تروحي مي كبريائي ميسمحش حسيتك كسرتيلي رجولتي

هدرتو قاستني بزاف حسيت روحي صح كسرتلو رجولتو مش ساهلة غير نتخايل بلي هو يحب أخرى و انا متزوجة بيه نحس قلبي يتقطع وينك يا هو راجل

انا محمد نسيتو صح أزمة و بسيف باش فاتت مي ذركة صاي قدرت نفوتو نتفكرو سيعات كي نسمع إسم محمد مي مش كيما بكري

رافد باش نحبو مش قادرة ولا معلاباليش وش هو الحاجز لي مخليني كل ما نجي نتقرب منو و نحبس ؟؟؟ كي حكالي عل خيانة مرتو الله يرحمها تفكرت تقي خوه و وش دار فيا حسيت بالخيانة و بالغمة كنت راح نقولو مي مقدرتش يا ربي خفت لكاشما يصرى و في نفس لوقت كن منقولوش علابالي راح نبقى نعاني من تأنيب الضمير .