زاواج الاجبار "بالهجة الجزائرية "🇩🇿

وداع

متخافيش راني والفت بهذا الشي و زيد وعدت إني طبقلك رأييك مي إسمحيلي منقدرش نطبقهولك كامل ..." بعد عليا بقيت نشوف فيه و كمل هدرتو صح" نطلقك بصح حتان نجي من فرنسا نطلقك رسمي ذركة ابقاي هنا مع دارنا ذركة يجو يقعدو معاك ....

قلتله "شغل طلقني بالفم !!!"

ايه و كي نرجع نطلقو بالوراقي و ذركة تقدري تسجلي في قرايتك ديجا راكي راطيتي عامين ... اقرأي مدام مكان حت حاجة تهتمي بيها ..... و راح و خلاني بلا رأس

راح رافد لفرنسا و بقيت في الدار مع يماه و باباه و نور .... كان واحد معلابالو بلي راهو طلقني و أنا كنت كل يوم نزيد نتوحشو إيه بديت نفتقدو .. نرقد في بلاصتو سيعات نلبسلو بيجامتو دايما نتفكرو في أي حاجة نجي نديرها ... كي نعود راقدة دايما نسناه يجي يغطيني كيما موالف يدير مي ما يجي حت واحد ... تقريبا دايما نرقد نبكي ...

سجلت في الجامعة و رجعت نقرأ و حمدت ربي و شكرتو إنها جامعة جديدة و بلاصة جديدة و عباد جدد تالي راني كرهت حياتي..

وحد النهار دخلت روطار للدار كانت الشتا تصب والبرد يقتل لمهم روحت بدلت حوايجي و خرجت باش نروحنتعشى كانت الدار كامل ظلمة انا جرت قلت شبيهم رقدو

بكري روحت للصالون بسكو دايما نلقاهم فما مع شعلت الضو و يفلقو عليا هذوك الفلمبو نتاع الورق ولا وش اسمهم و بداو يغنو جواني زاني فاغزاغ ..... انا طحت في بلاصتي من الخلعة و نور ميتة عليا بالضحك ... كانو مزينين الصالون و لاطارت و دنيا مقلبة كلينا لاطارت وصورنا ... شكرتهم لي تفكرو عيد ميلادي لي هي انا و نسيتو

کملت السهرة دخلت الشمبرتي و تمنيت كن جا رافد معانا و لا كن حت تفكرني بميساج من النهار لي راح محكيناش كنت ميتة نسمع صوتو ....

ايا مع قعدت جات يماه و هازة معاها دي بواط كبار حطتهم حذايا و قاتلي "هذا لكادو نتاعك ...

شفت فيها وقلتلها "هذو كامل ؟؟!"

ایه و مش خسارة فيك .