زاواج الاجبار "بالهجة الجزائرية "🇩🇿

حبيبي

- كنت في أقصى حالات التعب فطنت في نص ليل كي

حسيت بواحد غطاني أنا في بالي نور بسكو خطرات تجيني في نص ليل ترقد معايا في الريحة لي شميتها كان عندي قریب عامين ماشميتهاش

غمضت عينيا و كنت نتمنى إني مش نحلم عاودت فتحتهم للأسف كانت الدنيا ضلمة في الريحة قريبة ليا بزااف مع جيت نايضة باش نشعل ضو نتاع الفيوز حكمني و قالي متشعليهش .... و أنا الدم هبطلي لركبيا حسيت بالسخانة

في جسمي حكمتني لفشلة دموعي بداو يهبطو وحدهم هزيت يدي و انا نرعش نمس فيه حتان لحقت لوجهو ليوم برك حسيت بيه كي كان يحاول يلقى وجهي باش يحكمو و بسيف باش يلقاه ليوم صرالي كيفو إكزاكت......

حكمتو من وجهو و أنا نرعش قلتله "هذا نتا را افد؟"

قالي "أي..." قبل ما يكمل هدرتو تلحت عليه و حضنتو و انا نبكي صح وليت نشهق و هو زاد كمل عليا كان معنقني و يمسحلي على راسي و يقولي صايي ني هنا متبكبش ..." و نزيد انا نقوا بالبكي ونضرب فيه تكرهني ... متحبنيش و هذيك الهدرة نتاعك كلها كذب في كذب ... روحت و

خليتني ... مسقسيتش حت عليا ... نكرهك ... في النهار نكرهك ألف مرة .... جا راح يبعد عليا باش يهدر مخليتوش كنت لاصقة فيه كالطفلة الصغيرة

شغل كنت انا فوق السرير و هو قاعد في الأرض بجنب السرير كي عنقتو لصقت فيه بيديا و رجليا كنت خايفة لا يزيد يروح و يخليني توحشتو بزااف و مش باغية نزيد نخسرو صاي تعبت

أيا وقف و هو هازني هكاك قعد فوق السرير و انا وليت شغل قاعدة في حجرو حكمتو من وجهو نبوس فيه من كل جيهة و هو يضحك عليا و انا كي نسمعو هكاك تزيد تغيضني روحي نوض نبكي كثر وكثر و أخيرا شدني من وجهي و بدأ يدعي على روحو يعطيني ضربة و نحا من الدنيا

يعطيني تكسيرة كثر من لي تكسرتها وعميا كثر من لي راني فيها و ... مکملش هدرتو و بستو من فمو باش نسكتو بسكو حسيت قلبي تقطع من هدرتو ...

نضت الصباح صبت رافد حذايا و قاعد يشوف فيا إبتسمت أنا والغريب إنو إبتسم معايا بقيت مشوكيا حسيتو شغل راهو يشوف فيا حتان قالي يخي علابالك غير تتحركي نعرف وش بيك وينك يا كي تنوضي ولا ديري كاش

عفسة .." ضحكت أنا و قلتله ناس تقول صباح الخير .... قالي "شكون لي ناض ذركة أنا ولا نتي ؟"

"إهيييه وجهك صحاح اه ... كن عرفت فرنسا تخليك تولي هكا راني مخليتك تروح "

جبدني ليه و قالي و كن عرفت نروح و نرجع نلقاك هكا ني روحت هذاك العام " و باسني بخطفة

و حنا هكاك نتمعشقو حتان بعدت عليه بخطفة و هربت من السرير روحت نلبس في عبايتي و نرعش...