👑ဘုရင့်မူပိုင်👑
Segment 👑24👑
နှစ်ယောက်သားရန်ဖြစ်မဲ့အကြောင်းတွေ စကားတွေ
ရှောင်ရှားရင်းမှ တစ်ယောက်နဲ့တစ်ယောက်
ဖေးမကာ စာလုပ်ရင်းမှ လပတ်စာမေးပွဲရောက်လာ၏။
ကိုကို့အာဏာနဲ့ဘုံတို့နှစ်ယောက်တစ်ခန်းထဲ
ကျတဲ့အပြင် ဘေးချင်းကပ်ရပ်.....
တစ်ယောက်နဲ့တစ်ယောက်ကြည့်လိုက်ဖြေလိုက်နဲ့
ကျက်ထားတာတွေအသုံးဝင်ကာ နှစ်ယောက်လုံး
အောင်မြင်စွာဖြေဆိုနိုင်လေသည်။
“ကိုကိုဘယ်ဘာသာအားနည်းခဲ့လဲ...."
“အကုန်ရတယ်...."
“ဘုံလဲတူတူပဲ....."
နှစ်ယောက်သားအဖြေတွေပြန်တိုက်ရင်း
တူကြတာမို့ ကြည်နူးရပြန်၏။
ကိုယ်ယောင်္ကျားနဲ့ကျောင်းတူတူတက်ရတာ
ဘယ်လောက်တောင်ပျော်စရာကောင်းလိုက်သလဲ??
စာလဲအတူကျက်လို့ရ...အဖြေလဲတူတူတိုက်လို့ရ!!
ဆရာ ဆရာမတွေအကုန်သူတို့ကိုဘာမှ
မပြောတာမို့ ငွေရှိခြင်းရဲ့အကျိုးကိုခံစားမိသည်။
တစ်ဆက်တည်းဆုတောင်းလိုက်မိတာက
ငွေနဲ့ပတ်သတ်ပြီးကိုကိုနဲ့ဟိုနေ့ကလို
ရန်မဖြစ်ရပါစေနဲ့တော့!!!!
👑👑👑👑👑
နှစ်ယောက်လုံးအဖြေကောင်းထွက်တာမို့
မုန့်ပုံးတွေဝယ်ကာ ဆရာမဆီရောက်လာခဲ့သည်။
“သားနဲ့သမီးတို့ လာ...."
“ဆရာမဖို့ပါ....."
ဒီတစ်ခါတော့ဘုံကပဲ မုန့်ပုံးနှစ်ခုလုံးကို
ဆရာမရှေ့ရွှေ့ပေးလိုက်လေ၏။
“ဒါတွေမလိုပါဘူးကွယ် ဘာလို့ယူလာရပြန်တာလဲ...."
“ဆရာမကပညာပေးပြီး ဘုံတို့ကဘာမှ
ပြန်မပေးတတ်လို့ပါ ဒါကြောင့်မုန့်ကိုပဲ
လက်ခံပေးပါနော် နောက်ဆိုဘုံတို့
ဆရာမကိုအနှောင့်အယှက်မပေးတော့ပါဘူး...."
“အိုကွယ် အဲ့လိုပြောစရာမလိုပါဘူးသမီးရယ်
သမီးတို့နှစ်ယောက်ကိုသင်ပေးလိုက်ရလို့
ဆရာမရဲ့အသိတွေလဲလျော့ပါးမသွားပါဘူး
ဆရာမဆိုတာ ကျောင်းသားတွေကိုတတ်သည်အထိ
သင်ပေးနိုင်ရမယ် ဒါကြောင့်
ဆရာမလဲသမီးတို့နှစ်ယောက်
အခုလိုအောင်မြင်သွားတဲ့အတွက်ဝမ်းသာပါတယ်...."
YOU ARE READING
👑ဘုရင့်မူပိုင်👑 {Complete}
Romanceကျန်တာတွေမလိုတဲ့ကိုယ့်ဘဝမှာ မင်းရှိရင်ရပြီ ကိုယ်ရဲ့မူပိုင်လေး💞💞
