Reckless Romances

Chapter 34 - Endgame

Warning: This chapter contains strong language, depictions of violence and abuse. Reader discretion is advised.

Mahapdi na ang parehong palapulsahan ko dahil kanina ko pa sinusubukang pigtasin ang cable tie na nakagapos dito. Hindi ako makababa sa amoy sigarilyong kama na kinauupuan ko dahil nakatali rin maging ang mga paa ko. Hindi ako makasigaw dahil sa tape na nakatakip sa bibig ko, pero mag-isa lang ako sa maliwanag na kuwarto—wala si Scarface. Ito na ang pagkakataon para makatakas ako.

Pinilit kong makalapit sa may ulohan ng kama. Gigil na gigil kong kinuskos sa kanto ng bakal na headboard ang cable tie, nagbabakasakaling mapigtal ito. Hingal na hingal na ako, pero hindi ako huminto. Pulang-pula na ang palapulsuhan ko, pero hindi ko ininda 'yon.

Nanlalabo na ang mga mata ko dahil sa mga nagbabadyang luha, paulit-ulit kasing sumasagi sa isip ko si Mama. Okay lang kaya siya? Si Gabriel? Alam kaya niya kung nasaan ako? Darating kaya siya?

Tumingala ako para pigilan ang pagbagsak ng mga luha ko. Wala akong oras para umiyak. Kailangan kong makaalis dito.

Uuwi ako sa 'yo, Gabriel. Uuwi kami sa 'yo.

Nagitla ako sa malakas na pagbagsak ng pinto. Napahinto ako saglit sa ginagawa ko nang marinig ko ang pagtawa niya.

But I didn't look at him, I gulped to collect myself and then I continued with what I'm doing.

"Ano'ng ginagawa mo, Stephanie?" Halos umalingawngaw sa buong silid ang nakakakilabot na boses niya.

Mahinang lumagitgit ang kama. Naramdaman ko ang bigat ng pag-upo niya sa kutson. Mariin akong napapikit.

"Tatakas ka? Iiwan mo ako?"

Hindi pa rin ako dumidilat. Binalewala ko ang mga tanong niya.

"Lumabas lang ako saglit para bilhan ka ng pagkain. I bet you're hungry. Hindi mo nakain 'yong ulam na dala ng nanay mo kanina," he said with his hoarse voice.

I flinched when I felt his hand on my left leg but I managed to kick it away.

Humagikgik siya na para bang natutuwa pa siya sa ginawa ko. Unti-unting bumilis ang tibok ng puso ko.

"Ang kinis mo pa rin talaga! Bagay talaga sa 'yo kapag nakapalda..." bulong niya habang nakangisi.

Muli niyang hinawakan ang binti ko at hinila niya ako papalapit sa kaniya. Napahiga ako sa kama dahil sa lakas ng paghila niya. Hinawakan niya ang magkabilang balikat ko at pabalagbag niya akong isinandal sa headboard ng kama. Impit akong napadaing.

He harshly removed the tape from my mouth and then he held my jaw. He moved his face closer to mine. I wasn't looking at his eyes but I could see his lips smiling as he sniffed my face like a dog.

"F-Fuck you... Fuck you!" Nanginginig ang boses ko pero buong lakas kong isinigaw 'yon sa mukha niya. Hindi man lang siya nasindak, ni hindi man lang nga niya inilayo ang mukha niya. Mas lumapad pa ang ngiti niya.

"Oh yes, Stephanie! Fuck me!" Humalakhak siya. "Huwag ka masyadong excited, kumain ka muna para may energy ka mamaya..."

Humigpit ang paghawak niya sa panga ko na halos bumaon na ang kuko niya sa balat ko.

"Open your mouth, Stephanie..." he instructed playfully. "Open wide..."

Umilig-iling ako habang pinipilit kong iyuko ang ulo ko.

"Ayaw mo kumain, ha?!" gigil niyang inangat ang mukha ko. Bakas ko sa boses niya ang inis. Kusa akong pumikit dahil ayokong makita ang mga mata niya.

"Ayaw mo ba rito sa bahay natin?" Biglang naging malambing ang tono ng pananalita niya. "Ayaw mo na ba talaga sa akin?" pabulong niyang tanong habang lumuluwag ang paghawak niya sa panga ko.