" ආදරණීය ප්‍රාර්ථනා.. " [ completed ]

31 කොටස

පහු වෙනිදා පාන්දර ඒ කියන්නෙ අද ඉරිදා උදේ හයටම ඇහැරුණ මම කාටත් කලින්
බාතෲම් එකට පැනල උදෙන්ම නා ගත්තේ අද දවසෙ මැදක් වෙනකොට ඉතුරු චිත්‍ර පහත් ඇදල ඉවර කරන්න ඔන නිසා.

මොකද මට තව අදින්න fabric paints වගයක් Wood carving වැඩ වගෙකුයි , බැජස් හදන්නයි , තව mask හදන්නයි හෙන වැඩ ගොඩක් එහෙමම තියෙනවා..

ඒ වැඩ ඔක්කොම කර ගන්න ගෙදර ඉන්න කට්ටියත් මදි වෙයි වගෙ මෙහෙම ගිහිල්ලා.. ආර්හ් තව වැඩ ඉතුරුයි දෙයියනෙ....

වෙනදට මොන වැඩෙ කරත් මුලින්ම කෑම කාල ඉන්න මම කෑමවත් මොකවත් නැතුව එහෙමම ඇදුමක් දාගෙන ගියේ උඩ තට්ටුවෙ ඊයේ අර බඩු ටික අරන් තියපු කාමරේට...

ඒ ගිහින් තිබ්බ බඩු සේරම ආයෙම අරන් ගිහින් පූල් එකට ටිකක් එහායින් වෙන්න ඊයේ මන් ඉදපු තැනින්ම අටවගෙන ඉද ගත්තත් හරි ආයෙ මන් නැගිට්ටෙ ඉතුරු චිත්‍ර පහත් ඉවර කර ගෙන හරියටම හවස 2 ට...

උදේ 7 විතර ඉදන් හවස 2 වෙනකල්ම කෑමටවත් කතා කරාට ගියෙපු නැති නිසාම මන් ඉදියේ ඇත්තටම හොදටම හෙම්බත් වෙලා.. බඩගින්න ලොකුවට නැති උනත් අත නම් සෑහෙන්න රිදෙන්න අරන් තිබ්බෙ..

" ඒ ශාකී මල්ලි වරෙන් දැන්වත් කාපන් කොල්ලො...... "

" මන් ටිකකින් කන්නම් සුබී "

" මෙ ගුටි කන්න හදන්න එපා චුටී.... !! "

" මගෙ ඇගේ හැම තැනම පාට මෙව්වා හොදගෙන කන්නම් මන් හිමීට... "

" උදේ ඉදන් තාමත් කාලා නෑ තව පාට පාට ගගා මග අරින්න නෙවෙයි කො එනවා අයියා ලගට මන් කවන්නම්.... "

" හා කවන්නකො.... "

සාහිත් අයියා උඩ පූල් එක ලග තනියම චිත්‍ර ඇද ඇද ඉන්න මාව හොයා ගෙන ඇවිත් මට කන්න කිය කිය වද දීලා අන්තිමට එයාටම කවන තැනටත් පත් උනාට පස්සෙ මමත් හා කියලා හිනා වෙලාම කිව්වෙ මෙ වෙලාවෙ අතින් කන්නවත් මට පන නැති නිසා..

ඉතින් සාහිත් අයියා කෑම ප්ලෙට් එකකුත් අරගෙන හිටගෙනම මන් යන යන පස්සෙන් ඇවිත් කෑම එකම කවලා ආයෙම සැරයක් ගිහින් තව පාරක් කෑම ප්ලේට් එකක් අරන් ඒකත් ඉවර වෙනකල්ම කැව්වා..