" ආදරණීය ප්‍රාර්ථනා.. " [ completed ]

67 කොටස

ටිචර්ස්ලා , ගෙස්ට්ලා , ඉන්වයිටර්ස්ලා ඔක්කොමලා ග්‍රවුන්ඩ් එකට ඇවිත් ඉවර උනාට පස්සෙ ග්‍රවුන්ඩ් එකෙ භාගයක් වෙන්න වගේ සෙනගින් පිරිලා ගිහිල්ලයි තිබුණේ..

ඒ එක්කම අයියලා එකතු වෙලා ස්කොලේ ග්‍රේඩ් සික්ස් ටු තර්ටීන් කොල්ලො ටිකත් අවුරුදු බැජ් ගස්සවලා හැඩ කරලා නවයට විනාඩි පහලොවක් තියලා ග්‍රවුන්ඩ් එකට පැක් කරලා දාලා දුන්න නිසා මමයි මගෙ යාලුවො ටිකයි මයික් ටික පැත්තකින් තියල එහෙමම ගියේ අයියලා ගාවට..

මොකද මේ වෙද්දි අපේ නැකත් චාරිත්‍ර වැඩ පටන් ගන්න වෙලාව ගොඩක් ලං වෙලා තිබුණේ...

අපි කලින් ඇදගෙන ඉදපු ඇදුමම ඇදගෙන මෙතනට එන්න හැදුවත් නිමෙ අයියා ඇවිත් ආයෙම අපිට අලුතින්ම චෙන්ජ් කර ගන්න කිව්වට පස්සෙ මන් ඇන්දෙ කහ කලු මික්ස් වෙච්ච බතික් කිට් එකක්...

ඇදලා පැලදගෙන මන් කෙලින්ම ආවෙ අපේ ආරච්චි මහත්තයයි , හාමි මහත්මියයි ඉදපු තැනට...

එතනින් ශනල් අයියා ගැම්මට කලු කිට් එකක් හැදලා බොරු රැවුලකුත් අලවගෙන හැරමිට්ටක් වගේ පොල්ලකුත් අතේ තියාගෙන ඉද්දි මට යන්න ආපු හිනාව මන් එහෙමම බඩ ඇතුලට දා ගත්තේ මට කලින් හිනා වෙලා අකිත් අයියගෙන් ගුටි කාලා ඉදපු දේශ්ගේ ,  කුණු වෙච්ච ලූණු ගෙඩියක් වගේ තිබ්බ මූණ දැකලා..

නෑ සිරවටම ශනල් අයියනම් මොකක් හරි කියපන්කො ඒත් අකිත් අයියා ඉදපු විදිහ දැක්කාම මට නැති චූ බරකුත් ලොඩ් වෙලා බඩත් එක්ක කොර වෙලා ගියා උට්ටො..!

සුදු පාට අත් දිග ලේස් හැට්ටයක් ද මොකක්ද මන්ද එකකට කහ පාටට හුරු චිත්තයක් ඇදගෙන ඉදපු අකිත් අයියා තව මදිපාඩුවට කනට ඇහැල මලකුත් ගහගෙන තමයි ඉදියේ... පපුව හරියට පොල් කටු දෙකක් තියලා

ම්ම් හොදට පිම්බිලා තිබ්බා....

ඔය ඔක්කොමත් හරි අපේ ගැමි ගෙදර කපල් එක එතන දහ අට සන්නියම නටලා ඉදියේ... ගැනී මිනිහයි වෙන්නෙ කවුද කියන එක බෙදා ගන්න බැරුව. අන්තිමට ඒකෙ ප්‍රතිපලයක් විදිහට ගමරාල අලෝක අයියා විදිහටත් ගම හාමිනේ අභි අයියා විදිහටත් තමයි අභිශේක ලබලා තිබ්බේ...