☆سَـــأقْـتُـلُـكِ حـــباً ☆
#الــغـالــــي
𝑷𝒂𝒓𝒕 : 52🍷
أشرقت الشمس معلنة على بداية يوم جديد ... قلوب منهارة و غارقة في حزنها و قلوب متفائلة كتسعى لبداية افضل و حياة احسن ... واقفة وسط بيتها بعدما وجدات راسها هازة بين يديها وراق مختوم عليهم لاصق فيهم تصويرتها و صورته ... بتسمات بحب و هي كتمرر اناملها فوق وجهو ... معندهاش استعداد ترجع لجحيم الماضي كلام عدنان قواها و خلاها تعرف و تتأكد انه انسان خبيث و مريض يقدر بصح رجعها ليه ... خدات قرار انه تقوي نفسها و تكمل حياتها مع لبغاه قلبها واخا يوقف في وجهم العالم بأسره المهم يكون هو معاها ... فتحت الباب بعدما سمعت الكلاكسون نزلات كتجري كالفرشة فرحانة و البسمة مزينة تغرها ثواني و تلاشات و و قفت مكانها بعدما شفتها جنب الباب و السوارت في يدها
الجدة : ( بغضب ) فين بالسلامة شتك سبتي و رجليك طوالو نهار على خوه خارجة اش غيقولو علينا الناس
بخثة ( بغضب ) : مكيهمنيش ا جدة بسباب كلام الناس شوفي فين وصلت ( قربت منها ) جدة انا كبرت مبقتش بنت صغيرة حياتي مع داك السيد كانت جحيم في جحيم عمري مافرحت ولا رتاحيت معاه عافك فهمني
الجدة : واش غتلقاي راحتك في الحرام ا بنتي
بحثة : ( بتاسمات و وراتها الوراق ) مكينش الحرام شوفي ره غنتزوجو قدام ربي و عبده غنكون مراته ( باست يدها ) عافك رضاي عليا و باركي لينا حياتنا متعلقة ببعض انا هو واحد كنبغيه بزاف و فرحتي معاه
لمعو عيونها بالدموع و هي كتعبر على ما في قلبها ركزات نضرها على جدها و هي كتفتح الباب هنا وسعت ابتسامتها بعدما فهمت جوابها ... ضمتها بقوى و الأخرى بدلتها العناق بعدت عليها و باست يديها و راسها كتطلب رضاها قبل ما تعطيها بالضهر قاصدا مبتغاها ... كان في قمة اناقته لابس سروال توب و قميجة بيضة مع نضرات على عيونه مبتاسم و فاتح يديه باش يعنقها ... طال عناقهم عاد بعدها كيشوف فيها و داك الفستان لكان موتيها لدرجة الخيال حال ليها بابا السيارة باش تركب يلاه غترمي رجلها حتى كيوقفها صوت جداتها
الجدة : افين غادا بالسلامة ؟
جابر غمض عينيه ضاغط بينهم مبغيش يتعصب في نهار بحال هدا ... اما بخثة شافت فيها بستغراب ياك يلاه كانت مزيان
بخثة : جدة مالكي ؟
الجدة ( بحزم و جدية ) : اش كتديري كين شي واحد كيتزوج بلا والي عليه واش معرفاش تقاليدنا انه خاص البنت يكون معها والي عليها
ضحكات بالجهد و عيونها عمرو دموع في حين هو بتاسم بخفوت كيناضر ضحكتها و عيونها اللمعة من شدة الفرح شاف فيهم و نطق
جابر : الله يا ودي ا لحاجة مرحبا بيك
الجدة : ( ميقت فيه قبل ما تركب ) : مكنتشاورش معاك اداك بو راس مكينش لاش ترحب بيا
أنت تقرأ
زوجة الغالي🪻مكتملة🪻
Romance💎مكتملة💎 > ✎ لريام الغزلان تحت إشراف : ريم داني التقديم: يقال أنه ليس كل مايلمع ذهب" قد يكون ألماس 💎 شخصان كالسواد و البياض كا بعد السماء عن الارض كالجحيم في غيباته و الجنة من نعيمها لاهيا ليه ولا هو ليها هو حكم بحك...
