☆سَـــأقْـتُـلُـكِ حـــباً ☆
#الــغـالــــي
𝑷𝒂𝒓𝒕 : 53🍷
مشاعر كتيرة في هد اللحظة كل واحد و علاش كيعبر " الغضب . الصدمة . الخوف . اللامبالاة و الفرح " شخص واحد في هد المجمع لفرحان لهدشي لكيشوف بتسمات بسعادة و تقدمت ناحيتهم خطفاها من بين يديه ضامها ليها بقوى
رقية : بخثة رجعتي مرحبا بيك ( شافت في جابر ) مبروك عليكم
بتاسم ليها محرك راسه : الله يبارك فيك ا مرت خويا
هز عيونه في هد اخير لكان وجهو ممحي بدون تعبير رجع عيونه ليها مني نطقات
رقية : الترحيب ماشي هكدا خاص يكون ( عيطات على لخدمة بصوت شبه مرتفع ) مريم جيبي صينية ديال التمر و الحليب دغيا
غير كملات كلامها حست بيدها تجرات رفعات عيونها فيه كان مخنزر و هضر تحت سنان
الغالي : خليك بعيدا متدخليش في لما كيعنيكش
تنترات منه ناطقة بحزم : علاش زعما ؟ واش ماشي من حقهم يعيشو جوج ديال الناس كيبغيو بعضهم حاربو باش يكونو بزوج ماشي من حقهم يفرحو ؟ ( بغل ) على أقل هو إنسان كيبغي و يتبغا حارب على قبلها و خلاها ليه ماشي حربها و بعدها عليه ، انسان في قلبه و عينيه غا وحدة مكينش لتشركها فيه
جزء كبير من كلامها كانت كتعيه هو بيه ... كلامه ليلة البارحة مقدراتش تنساه ... صعيب انك تكوني مع راجلك وسط المعاشرة وباسم غير ينطق ... طول فيها الشوفة قبل ما يطلق من يدها مخليها تدير لبغا ... جات الخدامة بين يدها صينية بتاسمات ليها رقية مادا يدها لكن كان هو اسرع منها ضربها حتى طاحت و الكيسان تهرسو و الزاج تناثر على الأرض ... شهقات راجعة بالخلف مني شافت ثور هائج انسان مجنون قدامها قصد خوه شانق عليه كيغوت
عدنان : كيفاش مراتك؟ كـــفـــاش ؟ هي ديالي انا ( ضربو ) سمعتي حاجتي عمرها تكون ليك
بعد يديه من عليه و دفعو حتى طاح و يده تجرحات بفعل الزاج لمشتت ... نفض حويجه و نطق ببرود الكون
جابر : عمرها كان ولا غتكون ليك ، هدي ديالي و رجعت ليها
نزهة ( تتنوض في ولدها ) : يا بنت لحرام رجعتي لداري باش تخربيها و تفرقي لخوت يـ
جابر ( قاطعها بحدة ) : هدي دارها حتى هي و دوك الخوت علاش كتهضر عمرهم كانو مجموعين باش هي تفرقهم ( نعت فيه ) و هداك خينا هو سباب كلشي ماشي هي
كان مراقب كلشي و ساكت حتى سمع صوت الهاتف كيرن جبدو من جيبو وخرج لجردة مدوز الخط
نهيلة ( جالسة فوق السرير و جنبها شانطة كبيرة ) : سلام لغالي لباس
الغالي : ( ضغط بين عينيه ) اش تـم مالكي ؟
نهيلة ( تنهدات ) : الغالي قلت ليك قبل غنسافر برات البلاد
أنت تقرأ
زوجة الغالي🪻مكتملة🪻
Romance💎مكتملة💎 > ✎ لريام الغزلان تحت إشراف : ريم داني التقديم: يقال أنه ليس كل مايلمع ذهب" قد يكون ألماس 💎 شخصان كالسواد و البياض كا بعد السماء عن الارض كالجحيم في غيباته و الجنة من نعيمها لاهيا ليه ولا هو ليها هو حكم بحك...
