زوجة الغالي🪻مكتملة🪻

🪻الجزء 49🪻

☆سَـــأقْـتُـلُـكِ حـــباً ☆

#الــغـالــــي
𝑷𝒂𝒓𝒕 : 49🍷

الصورة مبقاتش واضحة ليه فقد السيطرة في راسو يديه كاتترعد ضغط نزل ليه انفاسه ضاقت عليه بدات عينه كااتسد ونصه الايسر حس بيه ثقيل

سمع صوت مجهد من رموك قدامه ستفاق بزربة هو يميل غمض عينه كايتسنى ايمتا يطيح جثة هامدة الارض مااال بسكوتر خارج على طريق صاحب رموك معرفش كيفاش يسيطر على الوضع شد الفران بواحد القوة كامو بجوج في نفس الاتجاه

مزدوح على كرشو عينه حمرين وراسو محمي بسباي الكاسك لي لابس لكن يديه ورجليه باين مهرسين دم خارج من فمو بسباب الضربة لي جاتو الصدر من حر الضربة وقف محاسش براسو تحرك جوج خطوات هو يطيح الارض فاقد الوعي

فور ماطاح الارض خرج صاحب الرموك و ناس لي تماك كلهم نجمعو عليه دم هاد المرة خرج حتى من نيفوووو

كايفتح عينه بشوية يرجع يسدهم حتى بداء يتخايلها قدامه بتاسم بشوية نطق بصوت خافت : نهـ يـ لة ... نـ نــهـيـلــة

سد عينه بشوية كلشي تخلع مقدروش يقربو ليه حتى نطق واحد منهم : إن لله وان اليه راجعون

هضرو بحصرة : الله يرحمو ياربي مسكين شاب صغير

كلهم واقفين عليه ضايرين قرب ليه واحد غطاه كله بإزار ابيض متحصرين على لي واقع ليه حالو كيفاش مرمي تماك نزلو عينهم الصورة لي طاحت من بين يذيه صورة بنت بشعر اسود

خمس دقايق الشرطة حوطات المكان كله حطو شريط صفر يمنع المرور على السيارت والناس

في دار عند سعدية في الكوزينة واقفة كاتغسل لماعن حتى طاح ليها كاس وتهرس حسات بنغزة في قلبها خرجات منها نفس طويل جلسات في الكرسي هيا تشد اتجاه قلبها : ياااريي سلامة ياااريي

في مكان الحادث مزال مرمي على الارض ودم عمر في الازار الابيض تسمع تلفون كايصوني مرمي حداه شرطي هزو هو يجاوب

صفاء : اووووو سماعيل هانا عند طبيب راه مشيت عندو عااافك دوز من ورايا ملي تسالي (سكتات شويا تسمع جوابه ) عااافك صافي راه لبيبي معذبني

كانت كاتتسناه هو يجاوب حتى وصلها صوت غير صوت سماعيل خلها تخرج عينها بصدمة نطق بحدة : نتي مراتو

قرنات حجبانها بستغراب : اه شكوون معايا فين سماعيل

هضر بشوية : عطاك عمرو دار اكسيدون

خرجات عينها فتحات فمها بصدمة هيا توقف مخرجة عينها : كـ كيفاااش كاتتفلا

الشرطي : واش ناس كاتتفلى في الموت ان لله وان له راجعون