زوجة الغالي🪻مكتملة🪻

🪻الجزء 73🪻

☆سَـــأقْـتُـلُـكِ حـــباً ☆

#الــغـالــــي

𝑷𝒂𝒓𝒕 : 73🍷

أما عندها هي ناعسة فوق السرير وجها شاحب فمها ناشف حركات يدها بشوية شيء لخلا البنت لمعاها تلاحظو و تقدمات عندها مبتاسمة و هي مراقبة حركة عيونها استعدادا باش تفيق ... عقدات حواجبها مقربة منها مني بدات كتنطق بصوت خافت

رقية : المـ ا بغـ يت نشر ب

حركات راسها و تمشات بزربة هزات لقرعة كانت في طبلة بعيدة عليهم كبات ليها ما و رجعت عندها معونها تجلس تاخد راحتها باش تشرب ... شربات و غمضات عيونها كتسمع لداك الصداع لكنهش فيها راسها و ضلوعها مدكدكيين تأوهات بألم مني رفعت يدها

البنت : متحركيش بزاف رك باقي مبرتيش كليا يدك فيها هرس خفيف ره تجبر مع الوقت غولي بخير

رقية ( بستغراب كتدور راسها على البيت ) : شكون نتي و اش كندير هنا ( غمضت عيونها كتحاول تفكر ) اشنو وقع ليا ؟

البنت : انا طبيبة ديالك مسؤولة على حالتك في هد لمدة سميتي كريمة و نتي تعرضتي لحادتة والحمد لله سلكتي منها

وسعات عيونها مني جاها لحضة ادراك و تفكرت كل ما وقع حطات يدها على كرشها و تمتمت بصوت فيه غصة

رقية : ولدي واش وقعت ليه شي حاجة؟

كريمة ( مبتاسمة ) : ولدك قوي قدر يتحمل و نجا منها رغم انه مكنش تبابت في بلاصته لكن الحمد لله ره بخير

رقية : الحمدلله ولدي باقي خفت بزاف ( شافت فيها ) فين هو لغالي واش غير جابك هنا و مشا هدي ماشي دارنا

بلعت ريقها و شتتات نضرها عليها مخليها تشوف فيها بستغراب مترقبا جوابها ... لكن كان جوابها الباب لتفتح و دخل منه قابض روحها و شافت آخر وجهة شافتو قبل ما تغيب كانت كتقنع راسها بلي ديك لحضة بسباب الضربة لتلقات كانت غير كتوهم لكن دبا تأكدت بلي كل ما عاشتو كان حقيقي ... أما هو غير لمحها وجات عينيه عليها توسعات ابتسامته قاصدها بلهفة يتلمس فيها فرحان

ناجم : اخيرا فقتي اخيرا رجعتي ليا ا حبيبة

رقية ( كتحرك راسها بالرفض عيونها عمرو دموع) : ميمكنش هدشي ياربي يكون هدا غير كبوس و غنفيق منو

ناجم : ( ضحك ) شنو لايمكنك احبيبة ديالي؟ واش تفجئتي بوجودي كنتي كتسنايني بزاف واش تعطلت عليك

شافت فيه بعدم فهم عقلها وقف عيونها كيسيلو بالدموع و جسمها حكمتو رجفة قوية قرب منها معنقها و نطق بصوت حنين : تهدني واش فيك لبرد انا غادي نضفيك غير تهدني انا معاك

شافت فيهم مركزة عينيها على رقية كيفاش جامدة و عيونها شلال من الدموع تنهدات بحسرة على حالتها حتى سمعت اشنو قال و هي تبتاسم بستهزاء ناطقة في نفسها