زوجة الغالي🪻مكتملة🪻

🪻الجزء 75🪻

☆سَـــأقْـتُـلُـكِ حـــباً ☆

#الــغـالــــي

𝑷𝒂𝒓𝒕 : 75🍷

حرك راسو بتفهم و شاف ناحية اسماعيل لعاقد حجبانو معجبو حال : كون هاني هدشي لقلتي غادي يكون بالحرف شحال مدة العلاج و أيمتا ممكن يوقف تاني

الطبيب : المدة اسي جابر على حساب تقبل جسم لعلاج و هد التقبل داخلة فيه رغبة المريض باش يبرى و إلى كان جميع الشروط متوفرة ره في غدون شهر أو أقل ره غادي يوقف على رجليه بإذن الله

شرح ليهم كلشي و فهم كيفية التعامل معه قتارح عليهم ممريضة لكن صفاء رفضات قالت هي تكلف برجلها هد اخير لطول كلامها متحاشي النضر فيها مشمئز من وجودها محملهاش مرجع لومة كاملة ليها ... تعاون جابر و الطبيب باش جلسوه فوق كرسي متحرك و جا وراه دافعو قاصدين لباب طول الطريق ساكت معجبه حال كحس براسو دمية محركينها كيف بغاو الضعف لهو فيه محملوش ... ركبو في لوطو ديال جابر صفاء قدام و هو امه لوراء زادت حدت تخنزرتو وهو مراقب الطريق لغدين فيها زفر بسخط و قال

اسماعيل : بغيت نمشي لداري و هدي ماشي طريقها

جابر ( خنزر فيه ) : انا ماشي شيفور عند جدك ( بستهزاء ) محدك في ديك لحالة غتمشي على المود لباغي انا مزيانة هدي؟

خنزر فيه نرجع انضارو لطريق مركزة في السياقة مكانش باغي يقلل منه اولا يفكرو في شلل ديالو و عجزه عن الحركة لكن معجبوش لحال حيت مني دخل لاحظ نظراته لصفاء و تعامله معاها حس بيه كرها و محملها دنب كبير فوق كتافها ... أما هو عض على شفيفو مخرج فيهم حر الفقصة تمتم بصوت خافت سمعتو غير لمعنيا بيه

اسماعيل : وصلتي لأش بغيتي قدرتي تدخلي لديك لفيلا و تسكني فيها الطمع طاعوني ا ميمتي

سعدية ( بابتسامة باهته ) : ميمتك تفديك بروحها اولدي كل ما كندير فيه غير على قبلك

___________

سترجعات وعيها بعد ساعات طويلة فاقت كتحس بجوع و شاهية كبيرة لحب الملوك كتحس بمداقو في فمها عارفة هدشي كيعني انها بدات في مراحل الوحم ديالها لكن لا الزمن ولا المكان يسمحو ليها تشهى ... وقفت بزز عضامها كدروها عقلها مبلوكي حاليا ما بغاش تفكر في شي حاجة من غير ولدها قصدات لحمام و هي كتمشي بشويا عليها قدات حاجتها و طرفات حالتها بعد مدة خرجات و فتحت باب لبيت ستغربات كيفاش ممغلوقش واش مخيفش تهرب كان جواب في رمش العين مني طلات من شرجم في الكلوار كيطل على برا كان بزاف ديال رجال ديرين بالدار ... تنهدات بأسى على حالها يلاه غتحط رجلها في الدروج حتى كتغوت مني تجرات بقوى حتى تقسحات

ناجم ( بخوف ) : مالكي واش وعتك سمحي ليا ا حبيبة ديالي مقصدش عافك سامحيني

رقية ( نترات يدها بشويا ) : انا بخير عافك متبقاش تقيسني