☆ سأقتلك حبا ☆
#الغالي
Part 4 ♤
وقف الطبيب قدام البياص فوق منه جثة مرمي فوقها ايزار ابيض... ضار عندها و اشار ليهم يقربو
دفعات جهان الشاريو فيه المعدات باش يتم استئصال بعض الاعضاء من جسمه التأكد من سبب الوفات واش ناتج عن الرصاصة لي في راسو او الكوكوكاين لي مرتافع
قربات رقية باش تبداء توكلات على الله وقفات جانب طبيبة شير ليها الضوء باش تشعله مركزة حتى شير لها باش تفتح ليه عينه مدات يديها تشوف عينه وتقيد ملاحضاتها حتى ..!!!
حتى كانت الصدمة فين حطت عينيها عليها.. سرطات ريقها ودنيها سمعات فيهم صفير قوي وقلبها زدح بجهد عينها عليها هو نفس شخص لي تعرض ليها لبارح وطاح جثة قدامها نفس الشخص لي حلمات بيه بقات مشوكية
حتى سمعات طبيب كايغوت على هفوتها وقام بطردها دفعاتها جيهان هي تخرج عينها مغرغرين عامرين بدموع خرجات كاتتنفس بجهد دنيا ضايرا بيها خرجات كاتجري من الغرفة ضغطات على سانسور باش تطلع الفوق كاتنفس بجهد حتى طلعات كاتجري دازت من الكولوار مكاتشوفش قدامها ذفعات باب طواليط حطات يديها على الاڤافووو كاتتنفس بجهد فتحات لماء يديها كاتتترعد
حطاتها على جبينها نطقات بشوية :
هووو هووااا هووااا لا لا ميمكنش ياربي ميمكنش
بقات هكاك مستريسية ومعصبة ولات حالتها حالة ... كانت معولة تجي تخدم بكل حب وطاقة ايجابية
تا كتاب عليها المكتوب وطاحت في مشكيل ما دراتو لا بيديها ولا رجليها
دازت ساعة من الوقت حتى كملات المهمة لي بقات جهان في بلاصة رقية بعدما خرجها طبيب وخداو العينة لي محتاجين ، ورقية دازت عند صديقتها خدمت في بلاصتها بينما قدات الغرض ديالها وتجي ...
وقفات في لاصال كتجود ليها شاريو وتقاد دوايات والإبر لي تحتاج المرضى ديال صحبتها، نقاتو هو الأول بالمعقم هو والبلاطو ميديكال
حتى جاها أبيل من الغرفة رقم 111 ..
وسط الغرفة بعد مرور الوقت لي داز بسرعة البرق جالسة وسط الغرفة فاتحة عينها وجهها صفر وتحت عينيها زرقين، ساكتة جنبها مها وعبير لي جالسة كاتهضر في تلفون
صفاء : (كتهضر والتعب واضح فعينيها) خخرجوني من هناااا ..
عبير ( قطعات الخط) هاهو جمال غاذي يجي دابا نمشيووو
حليمة : (باست يدين صفاء ) بنتي نتي لاباس ياااك مكايضرك والو
حركات راسها بلاء هيا تفتح لباب كلهم دارو بان ليهم لغالي داخل نطق بحدة : خرجو خليونااااا
عبير ناضت تبعاتها حليمة هو يقرب ليها دوز يذيه على شعرها برفق وقال بشوية : لاباس ألحمامة !!!!
أنت تقرأ
زوجة الغالي🪻مكتملة🪻
Romance💎مكتملة💎 > ✎ لريام الغزلان تحت إشراف : ريم داني التقديم: يقال أنه ليس كل مايلمع ذهب" قد يكون ألماس 💎 شخصان كالسواد و البياض كا بعد السماء عن الارض كالجحيم في غيباته و الجنة من نعيمها لاهيا ليه ولا هو ليها هو حكم بحك...
