زوجة الغالي🪻طور التنزيل🪻

🪻الجزء 13🪻

سأقتلك حبا ☆

#زوجة_الغالي
Part 13🍷

مقدراتش تهضر ولا حتى تتنفس خوفها كيفاش كاينهج و صدرو كايطلع و ينزل بينما عينه لي خارج منهم شرارة مقدراتش تكمل الشوفة فيهم ....

شافها صقلات مزادش حرف ولا حركة ديمارا سيارة هو كايغزز شنايفو . مفضل يسكت حتى هو لحقاش الا زاد هضر غدي افوت فيها شي دقة يرجعها ماهيا حية ما هي ميتة ... جبد گارو و بدا كايكمي، سف اللول و زاد الثاني هيا لبسات تلافيست دياله وحطات راسها على زاج مراقبة طريق و في داخلها حاولات تبلع الغصة لكن كانت قاسحة بلعتها مقدراتش حسات بوجع في يديها طلتت عليها لقاتها منفوحة العروق كايضربو عرفاتهم الاعصاب نزلو دموعها هيا مراقبة طريق ناس غاديا جاية وسيارت وطريق كبيرة ندمات علاش حطات رجليها في هاد البلاد واش داها تجي لها واش قربها

شقهات بصوت مسموع شاف فيها بجنب عينه هو يضور كمل طريقو حسات بضيم والحكرة ماليها لا حنين لارحيم في ليلةة ونهار رجهات مرات راجل محكوم عليها تمشي كيف بغى هووو يعني بسيف عليها

حسات به بلاصة الطموبيل طلعات عينها بانت لها ڤيلا كبيرة طويلة عريضة نطق بأمر : نزلي (بحدة) سلمي عليهم مانسمع حسك جابدة معاهم الملاغية وضحك سلمي طلعي لبيتك

حركات راسها بالايجاب فتحات لباب هيا تخرج وقف حداها شد ليها يديها هو يتم داخل حسات بقلبها غدي يخرج ضار عندها كايتأكد كلها مخبية مباينش صدرها حتى تأكد مزيان هو يتم داخل وسط الدار كانو كلهم مجموعين على الغدا مشافوهش

بتاسم هو ينطق : مكاينش ترحيب

طلعو راسهم كلهم ضارو عنده الخدامة كانت واقفة غير بانت ليها رقية هيا طلق القرعة من يجيها تفرشخات الارض نطقات بشوية : زينب
كلشي مصدوم كلشي مشوكي فيها كلشي الا جوج الام لي كانت جالسة كاتتفرج في كلشي ساكت كايطلع في رقية وينزل ، شافو يدين لغالي وكيفاش شاد فيها و الخاتم لي بين صباعها ، نطق بشوية مفيقهمن استغرابهم و راوي تساؤلاتهم بكلامو : احممم نقدم ليكم المدام

كلشي بتاسم باش يلطفو الجو مايبقاش مشحون ناضت وحدة من لبنات كانت الاصغر فيهم في عمر 17 سنة بنت سمراء البشرة قربات ليها و مدت يديها : سلام مرات خاي انا سلوى

طلق من يديها يلاه غادي تسلم عليها حتى تسمع صوت الغووات الفوق

في الغرف في جناح الفوق كاتحاول تتنفس كتنهج بصوت عالي شادة وجهها اللي تنمل بقوة التمرميقة ، حس بالش.م.تة عمره تصور ان مراته يجوه صور عليها كاتشطح الزوافرية

نطق ساااخط وجهو كله عرقان : هادي هي الدار ابنت الق.حـبة !!!! هاااااادي هياااا داااار

(بخوف بغات تهرب منه لكن محاصرها هز سمطة ) مم..اشي اناااا مماااشي انااا...

: سكتيني قطعييي حسك حق ربي و ما اعبد نقتلك ومايجب خبارك حدد