☆سَـــأقْـتُـلُـكِ حـــباً ☆
#الــغـالــــي
𝑷𝒂𝒓𝒕 : 59🍷
كانو عيونها فارغين من الحياة عقلها باقي ممتقبلش اش كتاشف...طلق من يدها و دور دراعه على خصرها محوطها بتملك يلاه غتحرك حتى كتقفز مني تكبو عليهم الصحافة كصورو ... درقات وجها بسباب الفلاش كتصمع بزاف ديال الكلام منه و أسئلة مقدراتش تفرزها جاو لكارد كيفرقوهم و خواو الطريق باش يدوزو تمشات جنب الغالي هاربة منهم حتى وقفات مسمرة مني قدرات تفرز واحد من الأسئلة لدخلها في دوامة أخرى من الحيرة و الشك
الصحافي 1 : مدام زينب كنا كنتوقعو عمرك باقي ترجعي بعدما دار فيك دكشي كامل
الصحافي2 : واش رجوعك كان رغبة منك ولا رجعك بزز حيت ميمكنش بعد دكشي كامل ترجعي
كانت واقفة كتسمع اصواتهم و أسئلتهم لكانت كتنطق بزربة بلعت ريقها شافت فيه بستغراب و أسئلة كتيرة في دماغها ... حرك راسو مخنزر فيهم و جرها معاه داخليه كيتمشى بملامح ممحية دون أي تعبير ...
تقدم ناحيتهم راجل في الخمسينات من عمرة راسم على وجهو ابتسامة هادئة يرحب بيهم
الراجل : مرحبا بسي الغالي عندي شرفتيني بمجبتك
الغالي ( سلم عليه ) : شكرا اسي جواد مبروك عليك الزواج
جواد ( ضحك ) : كتقولها بطريقة في شكل شنو زعما منستهلش نتزوج رني باقي شاب
الغالي ( حرك راسو بسخرية نطق ) : اه باقي شاب باقي
جواد ( نقل عينيه ليها كيطلع و ينزل فيها شد يدها بشوية و داها لفمو باسها ) : مدام زينب مرحبا بيك عندي
الغالي جرها عندو حتى نترت يدها و شافت فيه مخنزرة بسباب صباعو لتغرصو في خصرها ... جواد ضحك حيت قدر يوصل لاش بغا و ستفزو كيف دار هو ... فتح ليهم الطريق مأشر على الطبلة
جواد : هدي الطبلة ديالكم مرحبا مرة أخرى( غمز رقية ) استمتعوا
عطاهم بالظهر و هو يضحك على ملامح الغالي لكان قريب ينفجر لولا المكان لهما فيه كان كلام أخر ... شافت فيه مخنزرة و نترت يدو من خصرها
رقية : ( مخنزرة ) رني لحم و عظم ماشي حجرة بحالك مكنحسش
دورات عينيها من عليه كتشوف في الحفل لكان راقي الكل بملابس راقية أنيقة ركزت عينيها على لبنت لكانت في العشرينات من عمرها لابسا غوب ديال العروسة واقفة جنب جواد كتضحك ... بتسمات بسخرية كل واحد و همو في هد الحياة و همها هي تبعد من هد أنسان لجنبها ... داز الوقت و طول السهرة و هي جالسة كتدور في عينيها مكتهضرش أما هو كان واقف قريب ليها كيهضر مع رجال أعمال بكلام قليل كيف عادتو و مرة مرة يرمي عينيه ليها واش باقا في بلاصتها ... رشف من كاسو مجوب على سوأل واحد من الرجال
أنت تقرأ
زوجة الغالي🪻مكتملة🪻
عاطفية💎مكتملة💎 > ✎ لريام الغزلان تحت إشراف : ريم داني التقديم: يقال أنه ليس كل مايلمع ذهب" قد يكون ألماس 💎 شخصان كالسواد و البياض كا بعد السماء عن الارض كالجحيم في غيباته و الجنة من نعيمها لاهيا ليه ولا هو ليها هو حكم بحك...
