زوجة الغالي🪻مكتملة🪻

🪻الجزء 87🪻

☆سَـــأقْـتُـلُـكِ حـــباً ☆

#الــغـالــــي

𝑷𝒂𝒓𝒕 : 87🍷

طول فيها الشوفة مخنزر مزير على يديه لمح بتسامة مستهزئة ترسمات على تغرها و نطقات بسخرية: كمل أش كتسنا

دوز يدو على شعره منرفي و هو ينطق بحدة : غادي دير بحساب حالتك و انك عاد والدة طبيعي تدخلي و تخرجي في الهضربة ( قرب عندها محوطها بين يده مع السرير و قال بنبرة هادئة برشتها ) ما عليا فراق عليك انا متيقتش لقيتك و بغاني نبعد مستحيل

رتجف صوتها عيونها تجمعو فيهم الدموع نطقات بصوت منكسر : رفضتك ياك قالت كرمتها فوق كلشي حتى تخلات عليك عاد بنت ليك انا

فتح عيونه بالصدمة و جلس جنبها مركز فيها بعمق فهم لاش لمحت و عرف انه سمعات أش قال لكن الضاهر ماشي اغلب الكلام و هدا سباب نفورها منه في هد لحضة ... بتاسم بهدوء مدوز يدو على شعرها متنهد

إسماعيل : علاش كتطيري مني سمعتي البداية علاش مبقيتيش حتى كملت كلامي هاه وصلك غير الخاوي العامر و المهم عطتيه بالضهر و مشيتي

صفاء ( تنترت منه ) : هد لهضرة لخاوية طلعها معاك بعد مني ا سيدي اصلا كنا متافقين من الأول نفرتكو هد لمجمع كون راجل و دير بكلامك

إسماعيل ( بتاسم ) : غنكون راجل و غندير بيه كوني هانيا

طولات فيه الشوفة متنهدة وزاحت نضرها عليه ناحية الباب لدخلت منه الممرضة هازة بين يدها طفل في ݣماط ديالو لابس حويج كان ديجا جابهم إسماعيل...تقدمات بشويا و حطتو لصفاء فوق صدرها هد اخيرة لطلقت سراح دموعها مخلط بالفرح بقدوم ابنها و الحزن بفراق معشوقها ... عونتها البنت حتى جبدت تديها باش ترضعو ورتها الطريقة الصحيحة و هي كتضحك معاها ... في حين هو واقف متكي على الحيط كيشوف فيهم مبتاسم متأمل منظرهم راق ليه و حرك احساس زوين فيه عارف انه أمور ممشاتش كيف بغا و لقدر لعب بيه كان في حال أضحى في اخر ... بعدات الممرضة مخلياه يقرب ليهم و جلس جنبها كيقيس راس الولد و يبتاسم ركز شوفة فيها و نطق

إسماعيل : اشنو باغا تسميع

صفاء ( بتسمات بحنان كتمرر اناملها فوق ضهرو) : غنسميه أنور غادي يكون هو النور لضوي عتمت حياتي ( ضحكت ) أنور حبيب ديال ماماه

إسماعيل( قبل يدها لفوق ضهر ولدها ) : و حبيب باباه

رفع عيونها فيه بسرعة مستغربة منه و من أفعاله يلاه غادي تنطق حتى حط ابهامو فوق شفيفها و قال بنبرة خافتة بطريقة حنينة : صفاء كنقسم ليك كلام لسمعتي مكملش عارف راسي غاطت و كنعتدر منك خلينا نبداو من جديد زواجنا مكنش بإختيارنا لكن دبا عندنا الحق نختارو واش نكملو و انا باغي و راغب فيك بغيت نكمل معاك حياتي انا و نتي و ( بتاسم ) ولدنا حيت كنبغيك اصفاء كنبغيك بزاف