☆سَـــأقْـتُـلُـكِ حـــباً ☆
#الــغـالــــي
𝑷𝒂𝒓𝒕 : 88🍷
سما الله و عونوه الدراري بجوج حتى تبت ليه الحولي عاد دوز عليه ... النسا بداو يصليو على النبي و يزغرتو الموسيقى خدامة و كلشي كيشطح بحكم كانو غير هما مع بعضهم ما معاهم حتى واحد غريب خداو راحتهم ... جابر واقف كيشطح مع بختة و يغمز فيها و الغالي كان غير كيخنزر في رقية و هي كتلعب بشعرها تشطح و تفقص فيه ... في حين صفاء جالسة بين يدها ولدها كتشوف فيهم كيفاش فرحانين بيها و دارو هدشي كامل على قبلها تنهدات و تلفتت ناحية إسماعيل لكان بدوره كيشوف فيهم كيشطحو و هو مبتاسم ... دار بعفوية لعندها حتى لقاها ساهية فيه على غفلة منها خطف قبلة من شفيفها و بعد بسرعة مخليها تخرج عيونها
صفاء : واش حمقيتي ره غادي يشوفنا شي حد
إسماعيل : يشوفو سوقي انا مراتي حر فيها
صفاء( ميقات فيه ) : ره واخا وافقت لبارح على عرضك رني ممقتنعاش بيه
إسماعيل( ضحك ) : الموافقة خديتها و كلامك زديه فيه ا مدام إسماعيل
بتسمات مدورة راسها عليه مخلياه كيشوف فيها ملهوف عليه نطق على غفلة مخليها تخرج عيونها : دبا خاص نتسنا أربعين يوم عاد نحو يك
طرقات عيونها فيه من هول صدمتها مخليه يضحك على رد فعلها ... فجأة وقفت الموسيقى و كل الأنضار توجهات لباب كينظرو جوج أشخاص داخلين منه بشوية ... كانت جية و قلبها كينبض بسرعة خيفة من رد فعلهم و متلهفة للقائهم ... دارت رقية مخرجة عيونها و نطقات بفرح
رقية : عبير رجعات
تحركات بسرعة تحت انضار الكل متاجهة ناحيتها معنقها بقوة خاشيها فيها بكترة الشوق ليها ... لحقو عليها النساء العائلة سلمو عليها كاملين حتى وسلات لمها لعنقتها كتبكي
نزهة : توحشتك ابنتي توحشتك بزاف دار خوات بلا بيك ضلامت
بخثة ( كتمسح دموعها و نطقت بطنز ) : حنا الضو عندنا خافت مكانش مضوي عليك
نزهة ( ضحكت و جرتها معنقاها ) : كل وحدة فيكم و ضوها الله يخليكم ليا ديما مضوين عليا
شافت فيهم عبير بتفاجئ كيفاش ولاو قراب بهد القدر تلقتات لخوتها و سلمات على جابر هو أول : توحشتك اخويا بزاف
جابر ( عنقها مطبطب عليها ) : حتى خوك موحشك واخا باقي هاز في قلبي كلما بغيت نشوفك كترفضي و ترجعيني
عبير ( بعدات عليه مبتاسمة ) : مكنتش بغيتك تشوفني في ديك الحالة هنا رجعت و وليت بخير دبا شوفني حتى تعيا
جابر ( قبل جبينها ) : الحمد الله على سلامتك
حركات راسها و تلفتت ناحية الغالي لكان مرقبهم بهدوء خاشي يدو في جيابه تمشات عندو بخطوات متردد و نطقت بصوت متوتر : خويا انا رجعت
أنت تقرأ
زوجة الغالي🪻مكتملة🪻
Romance💎مكتملة💎 > ✎ لريام الغزلان تحت إشراف : ريم داني التقديم: يقال أنه ليس كل مايلمع ذهب" قد يكون ألماس 💎 شخصان كالسواد و البياض كا بعد السماء عن الارض كالجحيم في غيباته و الجنة من نعيمها لاهيا ليه ولا هو ليها هو حكم بحك...
