زوجة الغالي🪻مكتملة🪻

🪻الجزء 86🪻

☆سَـــأقْـتُـلُـكِ حـــباً ☆

#الــغـالــــي

𝑷𝒂𝒓𝒕 : 86🍷

دازت سيمانة كانت أوضاع مستقرة عند اغلب لكوبل كلشي فرحان و مرتاح الغالي و رقية دارو المنطقة كاملة مستمتعين لأقصى حد مخلا أش شرا ليها و لطاحت عيونها عليها ياخدو نساها كل ما وقع فينما كان و اي مكان كقنتها فيها رغم رفضها إلى أنه كيقدر يسيطر عليها و يرفعها معاه لعالم شهوة ... اما جابر و بخثة سافرو لمركش مدينة البهجة بدورهم مخلاو حتى بلاصة مزروهاش حتى من القرودة تصورو معاهم ... في حين إسماعيل و صفاء كانو غير في الفيلا مرة مرة يخرجو لشي مطعم ياكلو و رجعو تقربو من بعد اكتر و عرفتو على منعيم و انه صديق لخوها و كان كيزورهم دكشي علاش كتعرفو و مطلوقة معاه ريحو كلامها و تقرب منها عرف و تأكد كتر من طيبة قلبها و حسن نيتها تعاملوا تبدل وحتى كلامو ولا بالعبار مكيبغيش يدير ولا يقول شي حاجة تنغس عليها ...

جالسين في مطعم جنب البحر واخدين طبلة بعيدة كتطلع على منضرة يريح النفس ... خدات نفس طويلة و زفرتها برتياح عاد تلفتت ليه مبتاسمة و عيونها في عيونه

صفاء : تبارك الله المطعم عاد تفتح تلات ايام هدي و شوف كيفاش عامر

إسماعيل( مبتاسم ) : الموقع ديالو متالي ساهل يجيب الكليان و الديكور ديالو زوين تبارك الله

صفاء : بصح عندك الحق كلشي زوين بينا مولاه عندو دوق راقي الصراحة برافو عليه

كملو هضرتها في هدوء و جو زوين كيضحو مستمتعين بالبرد ديال البحر لكدخل من النافدة المجاورة ليهم ... مسحات شفيفها و ستأدنات باش تمشي لحمام تغسل عاد تجي عندو باش يمشي بحالهم ... بقا متبعها بالعين حتى غبرت و دور عينيه على المكان بتاسم بهدوء و هو كيناضر راجل واقف كيلعب مع بنت تكون عندها شهر أو أقل بقليل كانت فيقا كتدور عيونها و الراجل كيمرر يدو على ضهرها بحنان ... اختفيت ابتسامته و هو كينضرها جيا بكسوى في الغوز بيبي تحت الركبة طالقا شعرها الكحل الطويل مزينة ملامحها بمكياج خفيف تقدمات عند نفس الراجل و باستو ... غمض عينيه و فتحهم ناطق بصدمة

إسماعيل :نــهيــــــلـة

كانت مبتاسمة و هي كتشوف في رجلها و بنتها لفي حضنو قالت بهدوء : حبيبي خودها لدار عافك انا غنقاد شي حاجة هنا و نلحق عليكم

منصيف( حرك نيفه مع ديالها ) : واقيلة غندم علاش حليت ليك هد المطعم ا مدام بديتي كتهملني انا و بنتك

نهيلة ( ضحكت بخفوت ) : يهديك ربي انا عندي غيركم ره نتوما القلب و الروح قلت هكدا غير باش متمرضش رهف مع الجو ديال البحر

منصيف( بعد الشعر على وجها و قبل خدها ) : عارف ا عمري أش كين ردي لبال راسك انا غادي نسبقك ولكن متعطليش

نهيلة ( قبلت خدو و باست بنتها ) : كون هاني اروحي يلاه دي عليا بنتك و سير بحالك