زوجة الغالي🪻مكتملة🪻

🪻الجزء 51🪻

☆سَـــأقْـتُـلُـكِ حـــباً ☆

#الــغـالــــي
𝑷𝒂𝒓𝒕 : 51🍷

شعيب :  ( عينه  عليه )  عقلي  عليا مزياان لمك

خرج من تما كيمسح في د مه و يتحلف فيها  ... اما هي معنقة مصطفى مخشية في صدره منهارة كترجف و تمتم

عبير : رجع تاني ر رجع ( كتشهق ) يلاه قلت حياتي غتقاد و رجع تاني يضمرها

مصطفى ( بعدها عليه كيحقق في عيونها نطق بحدة ) : سكتي باركة من البكا انا معاك باقي مزادش هدا لأدك و نتي على دمتي

عبير ( بعيون حزينة ) : خيفة بزاف ا مصطفى هو قال عطيت ولدي واش انا حمقى قلبي كتقطع نهار على خوه و انا كنتفكر بلي كبدتي ضاعت مني

مصطفى ( جرها خارجين و هو ضامها بجنب ) : انا معاك مكينش علاش تخافي دبا نرجعو لدار ترتاحي انا غنتكلف بهد المشكيل

حركات راسها و هي مرخية عقلها سارح مرة مرة كافلت ليها شهقة من بين شفايفها ... حطات راسها على جاج الطنوبيل بكترة التعب و إرهاق النفسي غفات حيت عقلها لقا هدي افضل واسيلة باش تهرب من الواقع ... لتفت ليها و هو سايق تنهد بضيق و حسرة على حالة و رجعت بيه داكرته لقبل شهور ماشي بالبعيدة على الأن

               ▪︎ فـلاشــــبـاكـ ▪︎

جالسين جنب البحر كيسترجعو دكريات الماضي و صحبتهم لقديمة ساد الصمت لدقائق قبل ما يلتفت ناحيته ناطق بستغراب

مصطفى : جابر اش تم فين شرحتي

جابر : ( تنهد ) ختي ، عبير حالتها مكتطمنش

همهم ليه بتفهم هو بنفسه شاهد على حالها و معناتها لكن ما بيده ما يدير مدام خوها مقدرش يتدخل شكون هو حتى يتدخل فيها ... خرج من تفكيرو بعدما سمع سميته من فم جابر كينادي عليه

مصطفى : اش قلتي مسمعتكش

جابر ( تقاد و شاف فيه بجدية ) : عارف هدشي لغنقول ليك مخاص يتقال و في مجتمعنا عيب ولكن نتا صاحبي و خويا نت عشرت سنين طويلة و اكتر واحد نتيق فيه ... عندي ليك طلب نتمنى تقبلو ( تنهد ) تزوج بعبير ا مصطفى

طغات الصدمة على ملامحه و هو كيسمع لهد الطلب الغرب في نضره ... تقاد في جلسته و حنحن باش ينطق لكن كان جابر سبقه مني قل

جابر : عبير أقرب و حدة ليا في ديك العائلة ... عبير ماشي غير ختي هي مي هي قطعة من روحي ... مصطفى الى كنت كنطلب هد الطلب فره انا عارف مكنتها عندك و عارف انك غتقدر تصون امانتي و تخافض عليها

بتاسم في وجهو معلن على موفقته و تقبل الطلب بصدر رحب وقف جابر و عنقو كيضرب ليه على ضهرو ممتن ليه بعدو كيحك حاجبه بحيرة

جابر : بقات ليا هي خاص نهضر معاها و نشوف اش غتقول

مصطفى  (بتاسم ) : غا تهنى من ناحيتها انا نتكلف