زوجة الغالي🪻مكتملة🪻

🪻الجزء 40🪻

سأقتلك حبا ☆

#الغالي
Part 40🍷

بوقاحة بتعالي واقفة قدامه حاطة يديها على كتافه مبتاسمة إبتسامة شيطانية خصوصا تمعن النظر في ملامحها كانت ملامحو باينة كأنه كايقول ليها حتى لدار "

ضورات عينها الاتجاه بختة نطقات بشوية : لاباس اختي بختة

جابر مركز فيها شوفة هو يضور عند الغالي لي كان الوحيد لي متبع ليه العين هو جابر كانت ملامحو في صدمة غريبة نطق بشوية كانت مكلامة شفاهية : اش كاذير "

غمض عينه ورجع فتحهم بمعني : رتاح "
الغالي جرها من يديها نطق بشوية : أجي محتاجك

حركات راسها بلايجاب شيرات على بختة هيا تخرج هو جارها بلا مايهضر

كمل سيرها بخطاوي عراض و رقية من خلفه تتعتر تتحاول ما امكن تجاريه في سرعته لكن بدون جدوة ، قصد احد الغرف لفارغة ، حل لباب و دخل مدخلها معاه ، خابطها عليه بقوة حتى انااات و يده تسللات لعنقها قابطها منو من تما برخوة حتى هزات راسها لفوق و قال بنبرة جامدة ...

الغالي : متحاوليش تلعبي معايا و تدخلي راسك في حرب نتي لخاسرة فيها اصحراوية ..

رقية : [ بهدوء ] شكون قالك انا كنلعب معاك و على اشمن حرب كتهضر ... !!

الغالي : [ زاد زير على عنقها و قال ببرود ] قلت ليك متخرجيش ونتي ؟ كتحداايني ..

رقية : [ببرود ] علاش منخرجشي ، و علاش غادي نتحداك !!

الغالي : [ قرب بوجه لعند وجهها و قال بهمس ] نتي و انا عارفين علاش ، قلت تلاتة اشهر متخرجيش يعني متخرجيش متحطيش براسك في راسي باش منهرسوش ليك أمولات الخالة ...

رقية : بغضب ) ايو حتى نتا ماتخرج يلاه

خرجو من عند بخته مخلينها ترتاح وفين الراحة رجع ليها نفس للاحساس نفس الضعف حسات براسها في دوامة رجعات بها النقطة بعيدة بزاف نقطة لي بذلات حياتها عينها على السقف مبتاسمة اول مرة تشوفه

#فلاش_باك

#قبل_خمس_سنوات

الحال سخون والشمس تقول قريبة من العقل لابسة بيجامة خفيفة حمراء جاية مع لون بشرتها الأبيض بحال لحليب صندالة في الأبيض جاية مع رجيلاتها لي گديماتهم الحمرين جامعة شعرها الاشقر سفنجة هازة في يدها شطابة كاتشطب دروج ولباب مفتوح مفرع حتى بدات تسمع تصفار طلعات راسها لقات وحد طويل وعريض بوشام في يديه وقف كايطلع فيها وينزل فيها بطريقة جريئة خلها تخرج عينها فيه نطقات هيا معصبة : يعمهم ليلك احشم شويا

طلع فيها ونزل بشهوة هيا تنزل نقزات درجات لي باقين جررات لباب بكل قوتها هيا تسدو بجهد على وجهو مخنزر : يقل حياك

بتاسم بشكل خفيف هو يتوجه لسيارته مرسيدس كانت تماك طلع هز كاروه حطو بين شنايفو حتى حس باب السيارة تفتح ضار بانت ليه لابسة جلابة في الازرق شعرها سود نطقات بشوية : اش كاين اخويا جابر ياك لاباس بغتي شي حاجة

بتاسم ضار عندها صغر عينه مد يده لشعرها : فين خوك !!!

فريدة : بلعات ريقها ) مم ممعرفتش

جابر : (بتاسم مرة اخرى بخ الدخان على وجها خلها تكحكح ) قولي لو قال ليك حفر قبرك نهار تبان ليه غدي يدفنك فيه حي

عند بختة البنت الوحيدة الادريسي جالسة عند جداتها بحكم الام ديالها الاب ديالها كايتعالج خارج البلاد وهيا قررات انها تبقى هنا مع جداتها وتكمل قرايتها جالسة في بيتها كتقاد حوايجها باش تخرج تمشي ليسي لبسات كسوة طويلة طلقات شعرها على طوله كانت داخلة مع 4 هزات صاكها وتلفونها وقرعة ذيال لماء

خرجات بشوية عليها هزات بيكالة ديالها جارة بيكالتها حتى وقفات قبالة ديال واحد دار كاتتسنى فيها تنزل وجها رجع حمر بسباب الشمس

جالس مع دراري في القهوة كايكمي عينه على شارع حتى ضار بصدفة جات عينه عليها بتاسم بلا مايحس حتى بداء ملامح التوتر تبان عليه باغي يبعد عينه مقدرش حس قلبه كايضرب بجهد هو يتنهد طفى الكارو هو يخنزر معجبوش لحال هاد التصرفات لي كايدبؤ شاف فيه واحد من عشرانه : درية راه معقدة من دار ليسي من ليسي الدار

ضار عنده مخنزر هز ساروت سيارته هو ينوض ) تعلم دخل سوق .ك.رك

سمير : (خنزر فيه) سمعت راها مخطوبة

جابر : بتاسم بستفزاز) ياك غاا مخطوبة !!!! نفسخوها

داز قريب ليها رمى عينه لشنايفها حمرين هو ينطق بشوية : شنيفات عندك !!!

غير سمعات اش قال هيا تسرط ريقها حسات برعدة في كرشها نزلات عينها هو بعد رجعات كتشوف فيه طلع في سيارته مديماري

عند جابر وصل أخيرا لقى الڤيلا كلشي ساكت كلشي تغدا شاف في الخدامة اشار ليها باش طلع ليه لغدا لفوق كمل طريقه دخل نيشا الذوش خوى عليه الماء بارد 5 ذقايق خرج تلقى مع الخدامة حطات ليه غداه وخرجات تغدى على خاطرو تسرح باش يغفى شوية حتى ضربات في راسو هو يبتاسم نوع جديد وتسلية جديد يلعب بيها مد يديه لتلفون هو يرسل مساج لواحد من صحابو ولد عم صديقتها " سوله معاش خارجين و قال ليه إيمتا لبس تشورت مع كويرة وسروال دجين خرج السكوتر من الكراج

مسافة طريق وقف قدام حاط كاروه بين شنايفو كاييبخ الدخان بشوية عليه شاف ساعة لقاها 6 هو يبتاسم شاف دراري ولبنات خارجين كايقلب عليها بعين

حتى بانت ليه خارجة كاضحك هيا فرحانة لحقاش جابت النقطة الاولى في الامتحان

هزات بيكالتها هيا تهز عينها شافته فين جالس كايشوف فيها سرطات ريقها مبغاتش تهتم جرات بيكالتها هيا وهدى لي ودعاتها لحقاش مغادياش في في نفس الاتجاه

رمى الكارو هو يعفط عليه ركب في سكوتره تابعها بشوية عليه هيا غادية بشوية حتى تقاد معاها حسات بيه حداها ... يديها بدات تترعد ضارت عنده دافعة جبهة: ششش نوو باغي