☆سَـــأقْـتُـلُـكِ حـــباً ☆
#الــغـالــــي
𝑷𝒂𝒓𝒕 : 81🍷
دارو رجال الغالي بناجم و اب رقية محصرينهم من كل جيه تقدم قائدهم ناحيته و هو منسدح على الأرض راسو فوق ركابي رقية لدموعها شلال ... قاص نبضه متنهد و نطق : سيدي واش كتحس براسك بخير
العالي ( كحب بقوة ) انا بخير ضرب جات غير في كتفي عوني نوقف
رقية ( كرزت عليه ) : لا خليك عافك ره كتنزف بزاف ( شافت في لكارد) عيط إسعاف نت أش كتسنى
الغالي ( فك ليها يدها و قبلها بحنان ناطق ) : انا بخير غير تهدني ( بتاسم ) ياما تضربت ماشي اول مرة
رقية ( برجفة) : لا ره كتنزف بزاف عافك سمع لكلامي
الغالي ( وقف شاد من كتفو حتى وقفات معاه عاد نطق ) : تبدلتي بزاف فين عمرك كنتي بهد الضعف و المحنة ( حط يدو على بطنها ) ولا ولدي دار خدمتو
رقية ( بصدمة ) : كيفاش عرفتي ؟
يلاه غادي يجوبها حتى كوقفو صوت لاسغين ديال البوليس لدار بيهم معاهم طنوبيل كيعرفها مزيان ... غمض عينيه حاقد و هو كيشوفو جاي ناحيته كيتمختر و عيونه على كل واحد عقد حجبانو مني قرب كتر يشوف داك التشورط الزرق كيفاش ولا حمر بالد م ... زاد سرعته حتى وصل حده متفحسو بدقة
جابر : الغالي مالك اشنو بيك واش تصبتي
الغالي ( من تحت سنانه ) : علاش جبتي لبوليس قلت ليك غادي نتكلف بيهم علاش علمتي هد نمي
غمض عينيه ماسح على شعرو و نطق بجدية : مقديش نخليك تضيع راسك في لحبس هدو ماشي ناس عدين نقدر نضمسو ضوسيهم الغالي إلى درتي شي حاجة غتسالي بيك في القبة و انا اكتر واحد عارف جحيم ديك البلاصة
تنهد كيشوف فيه و دور راسو لرقية لكانت مخرجة عيونها في نقطة وحدة شافي فين كتشوف ... كان ناجم واقف عيونه عليها و حاط السلاح فوق راسو في حين الشرطة كيحاولو يهدنو فيه
.... : كلشي غيتحل غير نزل سلاحك
ناجم ( بتاسم بمرارة و عيونه على رقية ) : اشنو فيه و مفياش انا قلت ليك نجيب الدنيا كاملة بين يديك اي حاجة بغتيها نعطيها ليك علاش مبغتنيش
كتشوف فيه كترجف وجها صفر و عيونها خارجين دار عندها الغالي و عنقها بيدو السليمة في حين ناجم غير شاف المنظر تنهد بعمق و نطق بصوت مبحوح : كنبغيك بزاف ارقية
تصمعت صوت رصاص تردد في المكان طاح على ضهرو و الد م خارج من فمه و نيفه بسباب الطلقة لكانت على مستوى الراس ... صرخات بقوة منضر بشع تقشعر له ابدان طاحت على ركبيها كتبكي و تغوت مخلياه يتحنى عندها محملهاش تكون في هد لحالة و يشوف ضعفها ضمها ليه مغمض عيونها باش متشوفش فيه ...
اما الشرطة تكلفو بأب ديالها بتهمة القتـ ل العمد في حق اخت ديالو و محاولة قـ تل بنتو ... جات سيارة إسعاف هزت ناجم مخلي وراه انسانة متضمرة نفسيا و جسديا كتحس براسها مهلوكة محستش براسها حتى فقدت الوعي بين يد الغالي هد الأخير لهزها رغم الألم ليحس بيه توجه بيها لسيارته منطلق بقوى مخلي جابر يتكلف بباقي الأمور
أنت تقرأ
زوجة الغالي🪻مكتملة🪻
Romance💎مكتملة💎 > ✎ لريام الغزلان تحت إشراف : ريم داني التقديم: يقال أنه ليس كل مايلمع ذهب" قد يكون ألماس 💎 شخصان كالسواد و البياض كا بعد السماء عن الارض كالجحيم في غيباته و الجنة من نعيمها لاهيا ليه ولا هو ليها هو حكم بحك...
