زوجة الغالي🪻مكتملة🪻

🪻الجزء 60🪻

☆سَـــأقْـتُـلُـكِ حـــباً ☆

#الــغـالــــي
𝑷𝒂𝒓𝒕 : 60🍷

داز الليل و شرقت شمس النهار تقلبات في بلاصتها مخسرة سيفاها بألم ... جلست برفق محاولة على راسها دورات عينيها و مبانش ليها وقفات متنهدا بخفوت

رقية : يقتـ ل الميـ ت و يمشي في جنازته عاطبني و جاي يداوي فيا بوجهو حمر

حلت باب الحمام حتى كشهق مني شافتو عريان يلاه غيلوي عليه الفوطة ضارت بزربة خارجة حتى كتوقف مني دور يديه على كرشها ... بلعت ريقها كتحس بيده كتدوز فوق كرشها تحت التشورط رعش جسمها و غمضات عينيها كتحس بشفيفه فوق عنقها يبوس فيه برفق ... قرب من ودنها ناطق بصوت هادئ

الغالي : نتي لكتديري علاش نعطبك امراتي

باس خدها عاد تخطاها ببرود خارج من عندها مخليها عاضة على شفايفها معصبا منو و من راسها كيفاش ولات كتستسلم لا اراديا مني كيقيسها مسحت على وجها ناطقة بغضب مخاطبة نفسها

رقية : والله لا كانت ليه مستحيل ندوزها ماشي انا لنسكت على حقي غير بلاتي بالمهل يتكال بدنجان

طرفات حالتها و خرجات كتشوفو في البالكو كيكمي لبسات حويج لكانو فوق السرير هو لجابهم ... كسوى طويلة و مستورة لبساتها و تقدمات عندو وقفات وراه و قالت

رقية : خلينا نمشيو فهد بقا بوحدة

الغالي ( ضار عندها ميل راسو ) : كيبان ليا تعلقتي بيه كتر من اللزم لا

رقية ( ربعت يديها ) : طفل بريء قلبو نقي مايعرف يكدب ولا يغضر ( بنبرة مقصودة ) ما في قلبو خبث ولا حقد كيفاش منبغيهش

الغالي ( بتاسم بستفزاز ) : متعلقيش فين تفلقي غدا ولا بعدو غيرجع منين جا و الخاسر واحد ( حط يدو على خدها ) نتي ا صحراوية دكشي علاش جمعي راسك

بعدات منو راجع باللور مخنزرة يلاه غتنطق قطعها بأمر: زيدي قدامي نفطرو عندي شلا ما يدار

عطاها بالظهر و هي وراه كتدعي فيه في نفسها دخلو لمصعد و مزال مخنزرة ... نزلو المطعم خاص بالفندق خداو طبلة و جلسو ثواني كانت سمعت صوت انثوي كينادي عليه تلفتات عاقدة حجبانها حتى كتلمح امرأة جميلة بجسد منحوت و ملابس راقية متاجها ناحيتهم حتى وقفات عند راسو ... رفع عينيه ببرود كناضر ابتسامتها

جيهان : اوه لغالي لباس عليك ( بصوت رقيق ) لبارح شفتك في لحفلة لكن متاحتش ليا لفرصة نهضرو

جرت الكرسي جنبو و جلسات بلاما تعير لرقية اهتمام هد اخيرة لربعات يديها و رجعت ضهرها على الكرسي كتنضرها بعيون غاضبة تبسمات جنب مني شافتها حطت يدها فوق يدو ناطقة بميوعة

جيهان : توحشت ايام زمان و شركتنا بجوج كنتمنى تعاود

حيد يدو بهدوء عينيه على القطة الشرسة لجلسة قدامه رشف من كاسو بهدوء و نطق بلاما يشوف فيها