زوجة الغالي🪻مكتملة🪻

🪻الجزء 70🪻

☆سَـــأقْـتُـلُـكِ حـــباً ☆

#الــغـالــــي

𝑷𝒂𝒓𝒕 : 70🍷

واقف في ساحة القصر حاط تلفون فوق وده كيصوني ليها و مرة لشيفور ... عض على سنانو دماغو سارح و الشك تمكن منو المصائب لتكبت عليه دقة وحدة و تغيرها المفاجئ معاه خلا بزاف ديال لفرضية يتطرحو ... قصد طنوبيلو يقلب عليها في اماكن لممكن تكون فيه دار كل بلاصة مخلا فين قلب وقف قدام واحد الحافة و نزل كيتنفس بسرعة قلبو عطيه لحريق احساس مبهم و غريب تمل كيانه في هد اللحظة صغر عينيه كيسمع شي تلفون كيصوني غير ستوعب ره ديالو رجع لطنوبيل بزربة على نية تكون هي ولا شي خبار عليها ... فتح الخط كيسمع لطرف آخر بتمعن

لكارد : ( بتوتر) سيدي لقينا السيارة لخرجات فيها المدم ديالك

الغالي : ( ركب و كسيرا) فين هي صيفط ليا الموقع دبا

قطع عليه بلاما يسمع جوابو تشيكا الموقع و زاد في السرعة مخربق قلبو و دماغه واقفين مقدرش يتمعن في كلام الكارد ولا يفهم بلي قال غير سيارة ماشي مراتك .... شد لفران بالجهد موسع عينيه على الكم الهائل ديال الناس لمجموعين على شي حاجة و البوليس البلونبيا كلشي كين هنا ... نزل بزربة كيجري قصدهم لوقف قدامو كيدفعو و يغوت على حر جهدو شدوه البوليس وهو كيضرب فيهم و يسب

الغالي : بعدو مني اولاد لقحـ اااب بعدو فين مراتي فين هيا

واحد من رجال الشرطة حكمو مزيان مخلتهش يقرب من العافية لكانت باقي مطفات نطق بحدة وهو شادو : تهدن خلينا نديرو خدمتنا ولا غنتبعوك بتهمت عرقلة البحت

الغالي ( بعيون محمرة و صوت غاضب نطق ) : اولد لقـ حبة مراتي لداخل طلق مني خاص نعتقها

الشرطي : متفهمين غضبك و حزن لكن ره مبقا عندك ما دير لعطاه الله عطاه

طاح على ركابيه و هو كيناضر السيارة كيفاش تحرقات من جميع الجوانب رعشت تفاحه ادم في حلقه كيحس بقلبو غينفاجر حنا راسو منهار كأن جبال الأرض فوق كتافو ... بداو دموعه كينزلو بلا ادن منه و حتى هو عطاهم الحرية يعبرو على همه في هد لحضة ... الغالي إنسان عندو قلب و عندو مشاعر كيحس و يتألم حاليا وصل لوحد لحد من التحمل مبقاش عندو لقدرة يزيد كتر ... معرفش احساسو في هد لحضة مقدرش يترجمو لكن لعارف قلبو شاعلة فيه العافية ... رفع عينيه مني حس بشي حد وقف حداه و هو كينهج كان جابر لغير سمع الخبار جار كجري عندو ميل راسو بحسرة و حزن على ولد عمو لطول حياتو جبل مايهزو ريح و هاهو داك جبل تهد و تردم ... وقفو من كتافو و جرو عندو بقوة معنقو كيضـ رب على ضهرو
جابر : صبر اخويا صبر ربي كبير

الغالي ( تنتر منو و دفعو عليه ) : بعد عليا مواقع والو حتى حاجة من هدشي ما بصح

جابر ( قرب منو ) : لغالي تهدن شوف ره