زوجة الغالي🪻مكتملة🪻

🪻الجزء 64🪻

☆سَـــأقْـتُـلُـكِ حـــباً ☆

#الــغـالــــي
𝑷𝒂𝒓𝒕 : 64🍷

دخلات كتغوت بصوت عالي مبحوح بالبكاء : الغـــــــالـــــي فينك خرج عندي الغاالي

كان نازل في الدروج هو و ياها حتى كيوقف متأمل الصوت لتفت لرقية لقها بدورها كتشوف فيه بستغراب ... تخطاتو كتجري نازلة في حين هو كمل طريقو بخطوات تابتة كأنه عارف اش طاري اكيد طال الزمان ولا قصار السر غيتفظ ولكن بالطريقة لبغا هو ... كلشي مجموع عليها و يسول و هي في فمها غير الغالي كترجف عينيها حمرين جسمها كيحكها شدتها نزهة من خدودها كتحاول تخليها تهدن

نزهة : بنتي يهديك الله مالكي اش كين اش هد لحالة ديرا في رأسك

عبير ( بغصة ) :كواني ا ميمتي شوا ليا كبدتي حرمني منو 4 سنين مخلني كنتحرق و نتعد ب هو

يلاه غتكمل كلامها حتى لمحتو واقف بجمود الأرض كينضرها ببروده المعتاد ... دفعات مها و تقدمت عندو كتضـ رب في صدرو و تغوت

عبير : اشنو درت ليك فاش دريتك حتى تدير فيا هكدا اشنو ( كتضرب و هو جامد عينيه وسط عيونا الدمعين) كنت كل ليلة كنتحرق ا خويا كل ليلة نبكي د م على فراقو كنقول انا لقتـ لتو انا سبابو تأنيب الضمير ممخلنيش نرتاح كل ما نبغي نسا و نعيش حياتي كنشوفو في أحلامي كيبكي و عيط عليا مرضت في صحتي تضمرات نفسيتي ( بلوم شديد و نبرة متحسرة) علاش ا لغالي اش درت ليك عارفة اغلاطي كتار ولكن ماشي هكدا كتصلح

جابر ( وقف ورها مدورها عندو) : أش كين ا ختي مالكي اش دار ليك

رفع عينيه فيه بنظرات مضلمة في المقابل هو شاف فيه ببرود مع ابتسامة مستقزة ... نزل عينيه لختو لعنقاتو كتبكي في حضرو

عبير : حركيني من ولدي ( كتشهق ) ولدي عيش و هو وهمني بلي ميــ ت

كلشي جمد في بلاصتو من الصدمة الصمت سيد الموقف من غير صوت بكاها ثواني حتى قاطع صمتهم صوتها مني نطقات

رقية : فهد واش فهد هو ولدك ؟

نطقات بتسائل و حيرة كن الرد السريع من عبير مني هزت راسها بالموافقه: ولدي لبارح خديت شعرة منو و درت تحليل اصلا الشبه بينا كبير و نتي قلتيها بفمك هداك ولدي انا والله حتى ولدي

جابر ( دفعها من عليها كينضرها بصرامة ) : كيفاش ولدك و أيمتا ولدتها اعبير

نزهة ( بصدمة ) : ولد الحرام ياك ؟

ملقاتش منها الرد سوى البكاء هزت يدها حتى لفوق غتنزل عليها حتى تكونسات في السما قبل ما توصلها ... لتفتت ناحيته رما يدها بنترة و قل بصرامة

مصطفى : حتى واحد معندو لحق يحسبها مراتي انا لمسؤول عليها ( ركز في نزهة ) لوقت لكانت بغا السند و عليمن تحط الراس ملقاتكش دكشي علاش دبا سكتي