ချစ်စုမတို့ မင်္ဂလာပွဲပြီးတဲ့နောက်မှာတော့
သျှမ်းမေဂုဏ်တို့လဲ ပြန်ဖို့ပြင်ရသည်။ သားဖြစ်သူကတော့ တောမှာပျော်တဲ့ ကိုရင်ဖြစ်နေလေပြီ။
"မေ့ မပြန်လို့မရဘူးလားဟင်"
"မရလို့ပေါ့ "
"ဟင်း... သားက ပြန်ချင်သေးပါဘူး
ဒီမှာပျော်တယ် "
"တန်ခူးကျ တစ်ခါပြန်လာကြတာပေါ့ "
"သင်္ကြန်လား ဟေး... မေ က အကောင်းဆုံးပဲ
မား ကြားလား မေ က ရွာကိုပြန်လာအုံးမှာတဲ့"
"ဪ.. ဒါသူ့ရွာပဲ ပြန်လာမှာပေါ့ ဆန်းလား"
"အယ်"
နန်းမြတ်ညိုကတော့ ဘာမှ ဂရုမထားဟန်ဖြင့်
အ၀တ်တွေသာ ထည့်နေသည်။ သုံးယောက်လုံးအ၀တ်တွေတော့ မဟုတ်။ သူ့အ၀တ်တွေချည်း။
"ဟိတ်ကောင် ဘုန်းမြတ်ညို ကိုယ့်အ၀တ်ကို လာခေါက်"
"ဟုတ် မား "
သျှမ်းမေဂုဏ် ကောက်စိန်ဖြစ်နေသော အညို ကြောင်တောင်တောင်လေးဖြစ်နေတဲ့ သား တို့ကိုကြည့်ကာ ခပ်ဖွဖွပြုံးမိသည်။
အညိုဟာလေ တကယ် ချစ်ချင်စရာကြီး။
ကိစ္စအားလုံး၏အစက သျှမ်းမေဂုဏ်ပြန်ကာနီး၍ ရွာဆွေရပ်မျိုးများ အညာပြန်လက်ဆောင်လာပေးရာမှစသည်။
မိမိနှင့် အညို ဆက်ဆံရေးအား ရွာထဲက သိသူကရှားသည်မဟုတ်ပါလား။ လျှို့ဝှက်ချက် မဟုတ်သော်လည်း လိုက်ပြောနေသည်မဟုတ်သောကြောင့် တော်ယုံစကားမစပ်မိ
လျှင် မသိကြ။ အထူးသဖြင့် ကိုယ့်မင်းသမီး ပရိတ်သတ်တွေက အများသားမို့ စကားကို လက်လွတ်စပယ် မပြောရဲ။ မပြောရဲဆို သစ်ချောက်ရွာ တစ်ရွာလုံးက မနန်းမဟာညို ဖန် စစ်စစ်တွေလေ။
ပြန်မည်လုပ်တော့လဲ ကိုယ့်နာမည်ထပ်တောင် သူ့နာမည်နှင့် လက်ဆောင်လာပို့သူက များသေးသည်။မင်းသမီးဖို့ နန်းနန်းဖို့ စသည်ဖြင့် လာလိုက်တဲ့ အထုတ်ပေါင်းမနည်း။
ထိုထိကအကောင်းပင်ရှိသေးသည်။
သို့သော်လည်း အရီးယဉ်စကားကြောင့်
သျှမ်းမေဂုဏ် ငယ်ထိပ်မြွေပေါက် တော့သည်။
YOU ARE READING
My Wife is Law
Fantasyမြန်မာပြည်ထိပ်တန်းမင်းသမီး နန်းမဟာညိုက တိတ်တဆိတ်ကိုယ်၀န်ရသွားတယ်တဲ့ အတင်းလား သတင်းလားမကွဲပြားတဲ့ သတင်းတစ်ခုဟာ မြန်မာပြည် Media မှာအလွန်ဂရက်ထသွားသတဲ့ ကိုယ့်ကျိုးကြည့် အတင်းသမားတွေနဲ့ အဖျင်းမီဒီယာတွေဟာ ဇွတ်သတင်းလုပ်တာကြောင့် မြန်မာ့ရုပ်ရှင်ထိပ်သီးမ...
