Trapped To You

12| I'll See You

12| I'll See You

"PAANO mo naman nasabing pinagtataguan kita?" Matigas ang tinig na tanong ko sa lalaki sa kabila ng matinding nerbiyos na nararamdaman sa muli naming pagkikita.

"You know, not going in the club for a few nights won't change anything."

"Sinabi ng hindi kita pinagtataguan. Wala akong pinagtataguan." Mariin kong saad. Ayokong mahalata nitong nagsisinungaling lang ako kaya pilit kong dinadaan sa galit ang pakikipag-usap dito. "Saka anong silbi niyon kung alam mo naman kung saan ako nakatira?"

"I was just making sure, little vixen. After all, avoiding me is useless." Sabi pa nito sa malalim na tinig habang hindi iniaalis ang mga mata sa akin. "Just to let you know, I have my eyes on you everywhere."

Nagsalubong ang mga kilay ko nang marinig iyon. Paano pa niya ako nagagawang subaybayan gayong itinapon ko na ang bag na pinaglagyan nito ng tracking device? May iba pa ba siyang pinaglagyan bukod sa bag ko?

"Ano bang kailangan kong gawin para tigilan mo na ako?" Tanong ko nang hindi na ako makatiis pa. "Hindi ka ba pwedeng maghintay na lang na ibigay ko ang disk sa'yo? Bigyan mo lang ako ng ilang araw para mahanap iyon. Iyon lang!"

Hindi ito nagsalita. Bagkus ay iniabot lamang nito ang mini-table doon kung saan may nakalagay na isang bote ng wine at saka nagsalin sa baso.

"The truth, little vixen, I don't really need the disk." Pagkuwan ay wika nito na pinadaan ang baso sa ilong nito at paglaruan ang laman niyon. "I can just let anyone take it from your brother, for all I care."

"Ano?! Kung ganun, bakit ayaw mo akong tantanan?" Napapamaang na tanong ko rito. "Ang sabi niyo mahalaga iyon sa'yo! Kaya nga hindi niyo ako tinitigilan, diba?"

"Yes, it is important," anito. "But only to my father."

"Sa father mo?"

Inihinto muna nito ang ginagawang paglalaro sa baso ng alak bago ako sinagot. "Ang father ko naman talaga ang may kailangan niyon, hindi ako. He just ordered me to take it from the man who stole it from him and burn it. But things got complicated when that bastard put the disk in your brother's bag. And you two got involved."

"So? Sabihin mo na lang sa ama mo na nakuha mo na iyon at sinunog mo na!"

"If only it were that simple, little vixen."

"Bakit?" Kunot-noo kong tanong. "Ano pa bang problema do'n?"

"Do you not remember kung ano ang sinabi ng isa sa mga tauhan ko?" Sabi niya na ipinatong ang baso sa naka-krus pa rin niyang mga hita. Pinakatitigan niya ang paggalaw ng wine sa loob niyon at saka nagpatuloy sa pagsasalita. "Your brother has something that everyone's after. And knowing those men, they will use any means that will benefit them just to get their hands on it."

Para akong binagsakan ng kung anong mabigat na pasanin matapos marinig iyon. Na sa bigat niyon ay parang kakapusin na ako ng hininga.

"P-please, sabihin mong nagbibiro ka lang."

Kahit alam ko na ang sagot do'n ay mas pinili ko pa ring marinig iyon sa bibig nito. Baka kasi nagkamali lamang ako sa narinig. Ngunit ang bahagyang pag-iling nito ang tuluyan kong ikinaupos sa kinauupuan.

Nangyari na ang matagal ko ng kinatatakutan. Ang malagay sa panganib ang buhay ng kapatid ko. Paano ko siya ngayon poprotektahan? Gayong mas alam ko sa sarili kong wala akong sapat na kakayahan para magawa iyon. Bakit ba laging ganito ang kinahihinatnan ko? Na sa tuwing umiiwas ako sa problema may lumalapit naman na panibagong gulo.

Sa nararamdamang pagkalito'y napayuko na lamang ako't napatakip ng bibig. Kanino ako ngayon hihingi ng tulong? Kay Tyson na naman? Pero sobra-sobra na ang hinihingi kong tulong dito. Hindi pwede.