رواية رماني حظي العاثر عليه قلت ما أبيه و أتاريني ميته فيه

12

في بيت ابو سلمى .. طلع من غرفته وهو يبتسم بفرح .. أبو سلمى: ريمــااااا .. ريـــمااااا
طلعت من غرفتها وهي مستغربه .. ريما: هلاا عمي آمرني
اتسعت ابتسامته أكثر .. أبو سلمى: تعالي يا قلبي واستريحي عندي لج موضدع
راحت وقعدت وهي تبتسم باستغراب .. ريما: عسى ما شر ؟؟
أبو سلمى: ما شر يا بنيتي كل الخير بإذن الله .. والله مو عارف شلون أفتح معاج الموضوع .. بس إنتي الحين غديتي كبيرة وصار سنج سن زواج وإلي بعمرج كلهم عرسوا وعندهم عيال بعد ..
رفعت حاجبها .. ريما: شـ مناسبة هالكلاام .. عمي قول وأختصر تدري فيني ما أحب المقدمات
أبو سلمى بابتسامه: تذكرين الناس إلي عزمتهم في ميلااد سلمى ريما بتفكير: الناس .. أممم إي إي تذكرتهم شفيهم؟؟
أبو سلمى : والله ما توقعتج جي .. كان على بالي إنج ذكية وعلى الطاير تفهمين السالفه والكتاب واضح من عنوانه .. بس ما عليه يمكن مو مستوعبه شي .. يا بنتي هم خوش ناس وما شاء الله عليهم سمعتهم زينه وخلوقين .. واسمهم في السوق .. وهم طالبين منا يدج لولدهم جاسم
ريما بصدمه:خيـــر!! .. يخطبوني؟؟
أبو سلمى بابتسامه: إي يخطبونج وشنو فيها
حست بضيق من الموضوع مع إن مو أول مرة تنخطب وكل مرة يكون الوضع عادي .. بس عندها احساس ان هـ المرة ما راح يعدي الموضوع على خير .. ريما بحذر: بس أنا ما أفكر الحين إني أرتبط .. يعني أبي أكمل دراستي على الأقل
أبو سلمى وهو عارف بإلي يدور براسها: قبل لاا ترفضين .. فكري واستخيري .. واذا على الدراسه راح اشرط عليهم انج تكملينها مع إني واثق انه ماله لزمه اتكلم بـ الموضوع لأن هو بعد يدرس برا في لندن وبجذي أنا أرتاح واتطمن عليج إنج بخير
"لاا مدام فيها الدعوة إن يدرس بره عيل الله يستر".. ريما: طيب يا عمي عطني يومين أفكر فيها واستخير ربي .. وإلي الله كاتبة بيصير


.. اليوم الثانــي ..

قلب قلب وين وين غايب علية يومين
قلب قلب وين وين غايب علية يومين
لتغيب اكثر حبيبي خاف اموت من الحنين
قلب قلب وين وين غايب علية يومين
حبيبي ناسي لو شنو شبسرعة تنسى ياحلو
بس كلي يمعود شكو يعني شكو
لك ليش لك يابذات مو كتلي اشبعك بوسات
منك اسمع الغنوات صوتي الحلوو
بس بس بس بس ميووووو
***
قلب قلب ليش اتروح ضليت بعدك مجروح
قلب قلب ليش اتروح ضليت بعدك مجروح
من غبت عني حبيبي حسيت طلعت الروح
بغيابك اني اتعذبت واتلوعت واتمرمرت
وانت علية اتأخرت يعني شكو
لك ليش يابذات موكتلي اشبعك بوسات
منك اسمع الغنوات صوتي الحلوو
بس بس بس بس ميووووو
***
قلب قلب ليش اتغيب تترك حبيبك مو عيب
قلب قلب ليش اتغيب تترك حبيبك مو عيب
واني بغيابك انجرح وبجيتك جروحي اطيب
اريد من عندك وعد ماتفارك عيوني بعد
فدوة الك روحي والكبد بعد شكو
لك ليش يابذات موكتلي اشبعك بوسات
منك اسمع الغنوات صوتي الحلوو
بس بس بس بس ميووووو
***

.. قاعد على مكتبه وغرقان بالاوراق والملفات .. ماسك قلم بيده الايمن ومندمج في شغله .. طافت ساعة .. ساعة ونص .. ساعتين .. ساعتين وربع .. وهو ما زال في اندماجه بكومت الملفات والاوراق ..

.. قاعدة على سريرها وفي حضنها الاب توب تلعب بلياردو .. ومو قادرة تركز .. كلما بتضرب الكورة تعطس وتضربها غلط .. وصاير السرير من حولها كله كلينكس .. والخشم أحمـر .. تهففت بملل وطلعت من اللعبة وسكرت الاب توب بكبره .. رمت نفسها على السرير وتناثر شعرها على المخده بشكل رائع .. سرحت بأفكارها إلي خذتها لين عنده .. ابتسمت وفي نفسها "ليش ما عاد يتصل خذا له ثلاثة أيام من دون أي خبر" .. ناظربتلفونها وابتسمت بخبث .. سحبته و بدت تدور على رقمه .. وشوي إلاا وهي ضاغطة على زر الاتصال ..

.. من بين اندماجه بـ إلي في يده .. سمع تلفونه يرن

بالأمس دورك تجرح واليوم دوري
بأخذ بثأري منك والبادي اظلم

لو تبكي عمرك ما تغير شعوري
ما التفت صوبك لو عينك تهل دم

.. أول ما سمع الرنه على طول عرف المتصل .. لأن حاط لها هـ الرنه مخصوص .. سحب التلفون وهو يطالع باسمها ينور الشاشة .. تنهد بضجر ورد .. سامي: آآلووو
نهى بصوت رايح من الزكام: آآلووو .. هااي
سامي وهو عاقد حواجبه: وعليكم السلاام.. شفيه صوتج؟؟
نهى بملل: زكام
سامي:أهاا .. خير أجوف اليوم متصله لي مو من عوادتج .. يعني خبري حتى لما بطلعين حدج مسج وزين منج تتنازلين
نهى بمزح:أحم أحم أخجلت تواضعي .. والله أنا ما كان ودي إني أتنازل بس مثل منت عارف الدنيا ضروف تحدنا نتحمل ونضحي
سامي بملل:نهى مو وقت أطنازتج .. خلصيني شنو تبين من الآخر
مدت بوزها بدلع .. نهى: أبد بس كنت اسأل عنك قلت غريبه طول هالايام لاا حس ولاا خبر
سامي بطناز: اي لاني ما شاء الله يوميا اكلمج من تقعدين لين ترجعين تنامين
نهى بطفش: بصراحه حدي طفشانه و ودي اطلع أغير جو لاني لو بتم اكثر من جذي مجابله الحيطان بنجن ولاا بيوقف قلبي
سامي بتفكير : أممم أوكي طلعي بس هاا الساعة 7 ونص بتصل اذا ما كنتي بالبيت يا ويلج
انقهرت من رده بس سكتت علشان لاا تخرب على نفسها .. لانها مقرره من يوم رايح بتستخدم معاه السياسة .. نهى بملل: إن شااء الله من الساعة تطق 7 أنا في البيت .. يلاا تامر بـ شي
وكأنه ما صدق انتهاء لاتصال .. على طول قطع الخط قبل لاا يسمعها رده