رواية رماني حظي العاثر عليه قلت ما أبيه و أتاريني ميته فيه

31

.. في لندن .. قاعدة تنتظر الطلب .. شوي إلاا بـ طلبها واصل .. رن تلفونها .. ناظرت فيه إلاا المتصل "عمي" .. ردت وهي مبتسمة .. ريما: هلاا والله
أبو سلمى:هلاا بيج يا قلبي شخبارج وشخبار جاسم
ريما:والله طيبين أنتوا شخباركم
أبو سلمى: والله مشتاقين لكم ونسأل عنكم
ريما :سألت عنك العافية
أبو سلمى:متى وصلتوا ما اتصلتوا حاتيناكم
ريما بإحراج: والله أول ما رجعنا نمنا من التعب .. وكنت بتصل لكم .. بس قلت بعد ما أتغدا لأن أعرف إن الحين وقت قيلولتكم
أبو سلمى: انتوا تتغدون الحين
ريما بوهقة: هاا إي إي احنى في مطعم نتغدا
أبو سلمى: طيب عطيني جاسم أبي أسلم عليه
ريما بوهقة: هااا آآ .. أحم عمي هو راح يطلب
أبو سلمى: أها .. طيب سلمي عليه و وصلي له سلاامي .. مع السلاامة
ريما: مع السلاامة
سكرت من عمها وهي تحس بـ راحه .. ريما: آآه الحمدالله إن ما أصر يكلمه .. كان شاقول له سوري عمي طلعت أتغدا بروحي .. خوش خوش
.. صارت تاكل وهي تتحلطم ..

.. في المطار .. كل شوي تتثاوب .. ناظر فيها وابتسم ..سامي: هذا لأنج ما نمتي العصر تريحين
نهى بهدوء: ماكان فيني نوم
سامي بحنية:لي ركبنا الطيارة نامي
نهى وهي تناظر بـ الناس:يصير خير
.. بعد ماكملوا الإجراءات الروتينية ركبوا الطيارة وطارت فيهم لـ سويسرا..

.. بعد يومين ..

.. في لندن .. الشقة يعمها الهدوء والسكون .. كان مستغرق في نومه بكل راحة .. فجأة تخلل الهدوء والسكون صوت صرخـة:لاااااااااااااااااااااااااااااا
.. صحى من نومه مفزوع .. جاسم: بسم الله الرحمن الرحيم .. أعوذ بالله من الشيطان الرجيم ..
صار يتلفت وهو مستغرب لأن الصوت أختفى .. جاسم وهو يمسح على ويهه:أكيد أتخيل ولاا أحلم ..أعوذ بالله منك يا بليس
.. ناظر بـ الساعة وكانت 3 ونص الصبح .. جاسم :أستغفر الله العظيم ..أستغفر الله العظيم
رجع راسه على المخده وصار يستغفر لين غفت عيونه ونام ..
.. كانت لاامه نفسها تصيح مثل كل مرة تفزع من النوم .. ريما بصوت مبحوح:يا رب أبي أنسـ.ـى ما أبـ.ـي أتـ.ـذكـ.ـر تعــ.ـبت يا رب خذ روووحي أبـ.ـي أرتااح ..(ودخلت بنوبة بكاء)

..في البحرين.. في بيت أبو أحمد .. طول اليومين إلي طافوا وهو يفكر شلون يفاتحهم بـ موضوع زواجه .. قاعدة على السرير فاتحه لآبها متجاهلة تواجده .. ناظر لها وهو يتنهد بـ ضجر ويتذكر شلون ساء الوضع أكثر وتعقد من بعد ما دخل عليها .. وفجأة طرت له فكرة تسهل عليه الموضوع ..
ابتسم وهو يقوم من الكنبة ويقد يمها .. أحمد: بغيتج بـ موضوع
وضحى بهدوء وعيونها على اللآب: ما بينا مواضيع
يحاول يمسك أعصابه كثر ما يقدر .. أحمد: مو أنتي تبين الفكة مني
ناظرت فيه لبرهه.. وضحى بـ كره:أمنيتي
أحمد بهدوء وهو مركز عيونه عليها: أبي أتزوج
وضحى بإبتسامه سخرية: ومن ماسكك إذا علي فـ فرقاك عيد
رفع حاجبه وكأنه كلاامها ما دخل مزاجه بس ما عطاه أي اعتبار.. أحمد: أنا بتزوج زهرة
وضحى بعدم اكتراث: سبق وقلت لك ما تهمني
حس بـ قهر من برودها إلي صار بـ النسبة له لاا يطاق .. أحمد بحده:جوفي عاد للحين صابر عليج وساكت لاا تخليني اتعامل معاج بـ طريقة تكرهج حياتج
ناظرت فيه وبسخرية .. وضحى: أكثر من جذي ما أعتقد تدري ليش لأن من يوم صار إلي صار وأنا كارهه كل شي ودي بس بـ الموت علشان يريحني منك
شد على يده بـ عصبية .. أحمد: تدرين إنج إنسانة لاا تطاقين
وضحى بإستهزاء : على الأقل أحسن من إنسان مجرد من الإنسانية
ما قدر يستحمل أكثر .. رفع يده وبكل قوة >طراااخ< على خدها الأيسر .. حطت يدها على خدها وهي تبتسن بسخرية .. وضحى: أبداً ما تفاجأة يعني شنو متوقعة من واحد مثلك ..
ناظر فيها بإحتقار وطلع من الغرفة وصفق الباب بقوة .. وضحى وهي تتحسس خدها المحمر: والله إلي خلقني لاا أخليك تندم على كل شي سويته فيني .. حقيــر