العشق الضآل

الفصل الأول :

بسم الله الرحمن الرحيم...
قررت ان ابدأ بذكر ربي حتى يوفقني في كتابتي لتلك الرواية اتمني ان تنال اعجابكم واطلب من الله ان يوفقني لإيصال الفكرة اليكم ... وإقرار الرضى في نفوسكم ..

تبدأ روايتي بما لم تبدأ به اي رواية اخرى من رواياتي السابقة تبدأ بضحكة صادقة بإبتسامة عذبة تنبع من فتاة يبدوا على وجهها ملامح الملائكة لها عينان زرقاوان وغمازتين تظهران بضحكة جميلة منها تسرق الأنفاس وشعرها الكستنائي الذي يزداد حُمرة اذا اقتربت منه اشعة الشمس الذهبية يزيد جمالها فوق جمال ويظهر وجهها الجميل الخالي من مشاعر الحقد والكره التي لدى البشر كما قولت وجة كوجوة الملائكة كانت جالسة في وسط حديقة منزلها الخضراء التي تجعلك تود العيش بها من جمالها وتجلس على الارض باحدي يداها قلم والآخر لوحة لترسم فيها ياتي شخص يبدوا عليه الكبر ويجلس بجانبها وهو يبتسم قائلًا
الشخص :
-  حبيبتي بترسمي ايه الوقت !!
الفتاه وهي تشير بيدها :
-  برسم العصفور ده شايفو يابابا
الاب :
-  اه يافرحة شايفو بس هتعرفي ترسمية !!!
فرحة :
-  بنتك من امت بتتحدي نفسها تعمل حاجة ومبتعملهاش !!
الاب :
-  هههههههههة البنت دي هتجنني والله باين عليها ملاك وهي ..
فرحة ترفع احد حاجبيها :
  -  وهي هااا  !
واكملت بصوت منخفض :
-  وطي صوتك عشان العصفور ميطرش قربت اخلصو
الاب بصوت منخفض :
-  حاااضر
لم تكد فرحة تضع القلم على اللوحة لترسم حتى رأت شاب يقترب منها فنظرت له وقد ظهر على وجهها آثار السعادة ووقفت وهي تركض نحوة بسرعة وتعانقة قائلة :
-  يووووسف وحشتني اوي
ضمها يوسف اليه بقوة قائلًا
يوسف :
-  والله انتي إلى وحشتيني ياحبيبتي آسف اني اتاخرت عليكي بس كنا مسافرين أنا وماما
فرحة :
-  ما أنا عارفة يابارد سافرتو كدة وسيبتوني عادي
يوسف :
-  يعني انتي زعلانة !!!!!
فرحة وهي تبتعد عنة :
-  اه واوي كمان
يوسف :
-  وحتي لو جبتلك شوكولاتا لسا هتفضلي زعلانه
فرحة :
-  هو أنا عمري زعلت منك برضوه  ياحبيبي .. ده انت إللي فاالحتة الشمال هات بقا
يوسف :
-  ههههههههههة مش قادر يخربيتك بس معيش شوكولاتا كنت بختبرك بس
فرحة :
-  تصدق انك معفن صحيح
يخرج يوسف شيئًا من جيبة ويعطية لها
يوسف :
-  ولسا معفن برضوه  !!
فرحة بابتسامة :
-  لا كدة انت عسل اومال ماما فين ؟؟
يوسف وهو ينظر خلفة :
-  اهي ورانا
ابتسمت فرحة ثم ركضت نحو والدتها لتضمها
بينما ذهب يوسف وهو يركض ليرتمي باحضان والده
الاب :
-  وحشتني ياحبيبي اوي
يوسف :
-  وانت كمان والله اوي يابابا
وعند فرحة ..
الام :
-  كنت مستنية تسلمى على اخوكي وبعدين يجي دوري
فرحة :
-  هههههههههة ده انت الاساس برضوه  ياكبير
الام :
-  هههههههههة وحشتيني اوي يا فرحة بجد وحشتيني
فرحة :
-  وانتي كمان ياماما وربنا وحشتيني اكتر من اي مرة وحشتيني فيها ماهو شهر كامل بقي
الام :
-  معلش ياحبيبتي اصل أنا سافرت لاهلي لأن كان فيه حد مات الله يرحمة فاعيلتنا وكان لازم اروح
فرحة بصدمة وهي تبتعد عنها :
-  مين إلى مات ياماما !!!!!!
ياتي يوسف ووالد للوقوف بجانبهم
يوسف :
-  ههههههههة البت اتصدمت يابت عادي ده حد بعيد اوي عن علتنا يعني حاجة شبة ابن عم خال ابو عم عمة عمتي فرحة وهي تغلق عيناها من كثرة الضحك :
-  ههههههههههة يخربيتك انت تسكت خالص
الام :
-  ههههههههههة والله يايوسف انت عاوز الضرب
يوسف ببرائ :
-  طب أنا عملت ايه طيب
الاب :
-  ههههههههة لا انت عملت كتير والله وتابع كلامه :
-  ازيك يا اسماء عاملة ايه !!
اسماء بنظرة ممزوجة بالحزن والعتاب :
-  الحمد لله وانت يامحمد !!
محمد يبادلها نفس النظرة :
-  الحمد لله
تنظر فرحة ليوسف وتمسكة من يده وهي تقول
فرحة :
-  يوسف نسيت اوريك حاجة تعالي كدة معايا
يوسف متفهما :
-  تعالي
وذهبو مع بعضهم وعندما ابتعدو قليلا نظرو اليهم
يوسف بنظرة حزن :
-  لو سبناهم مع بعض 100 سنة محدش هيعترف بغلطة ثم جلس على الارض ووضع راسة مستندا على شجرة خلفهم وتنفس نفسا عميقا ثم قال :
-  لية احنا إلى مكتوب علينا ندفع التمن كل واحد فيهم بيعشق التاني ومع ذلك لسا زي ماهما !
تجلس بجانبه فرحة وتمسك يده وتقول
فرحة :
-  خلي عندك ثقة ان ربنا فايوم هيعدلها من عندة ويلم شمل الاسرة المتفرقة دي تاني
يوسف بابتسامة :
-  والله يا فرحة انتي بتقولي الكلام ده تهديني بية وبس هما مش هيتغيروا
فرحة :
-  يوسف احنا صبرنا كتير اوي وانا تعبت بس طول الفترة دي كنت بفكر فاحاجة كدة ممكن لو نجحت نتلم تاني كلنا سوا
يوسف :
-  انتي بتهزري ولا بتتكلمي جد!!!
فرحة بابتسامة جذابة :
-  جد الجد
يوسف :
-  أنا عارفك لما بتخططي دماغك تودي فاداهيه
فرحة :
-  ههههههههة متقلقش المرادي أنا متفائلة وعندي امل كبير فاربنا
يوسف :
-  ياااااارب يا فرحة الخطة ايه؟؟
فرحة وهي تنظر خلفها لتتأكد من بعدهم عنهم :
-  بص ياسيدي الفكرة هي ان...
                          *           *           *
وعلي الجانب الآخر كانت اسماء ومحمد يتحدثان
اسماء بابتسامة حزينة :
-  بفرح اوي لما بشوفهم بيحبو بعض اوي كدا
محمد :
-  بس للاسف احنا السبب فاعذابهم احنا إلى خلناهم يتفرقو
اسماء :
-  للاسف أنا بزعل اوي عليهم مشفتش وهما متقابلين ولا لما كنت مسافرة كان يوسف هيتجنن عشان يشوف فرحة
محمد بحزن :
-  وربنا فرحة نفس النظام وكانت بتعيط كمان عشان وحشها
اسماء :
-  الحمد لله على كل حال أنا عمتا قررت اني مش هسافر تاني اليومين دول خالص لازم اخليهم يقعدوا مع بعض شويه
محمد :
-  تقدري تقعدي معانا في الفيلا لو مش هيدايقك يعني
اسماء :
-  لا مش هيدايقني أنا عاوزة الولاد يقعدو مع بعض شويه
محمد :
-  الحمد لله انك اقتنعتي
اسماء :
-  اي حاجة فاصالح ولادي اقتنع بيها لانهم وحشوني فعلا ووحشتني القاعدة معاهم
محمد :
-  وانا كمان والله وحشتني اوي واكمل بنبرة حزن :
-  كان نفسي كلنا نتلم دايما ونفضل عيلة واحده
نظرت له اسماء نظرة حزينة ولم تتكلم ثم قالت :
-  أنا عاوزة ادخل شنطي جوا ينفع
محمد :
-  انتي هتستأذني طبعا ينفع ادخلي
اسماء بابتسامة :
-  شكرا
                          *           *           *
يوسف :
-  يخربيتك يافرحة جبتي الفكرة دي منين!!!
فرحة :
-  اختك يابني عبقريه
يوسف :
-  مااحنا توائم على فكرة متنسيش يعني لو انتي عبقرية يبقي أنا عبقري
فرحة :
-  بس متنساش اني اكبر منك بدقيقه
يوسف :
-  بت هضربك والله
قامت فرحة من مكانها وهي تضحك عليه
فرحة :
-  هههههههههة اه تضربني ده اذا قدرت تمسكني اساسا
يوسف :
-  والله لهوريكي يافرحة
وقف يوسف وبات يركض خلفها كالاطفال الصغال وتتعالي ضحكاتهم العاليه
                          *           *           *
كانت اسماء تنظر اليهم من النافذة المطلة على الحديقة وبدون شعورها بدات دموعها تتساقط لم تعلم لما تبكي اهي سعيدة  لاجل سعادة اولادها ام هي حزينة لوضعها ..
***
في مكان اخر في فيلا ضخمه
كان شاب جالسا ويتحدث في الهاتف
الرجل :
-  بص ياياسين متحطنيش في الموقف ده لوحدي انت عارف اني بكرة الموضوع دا
ياسين :
-  بص ياعم جاسم انت أنا مش جاي لانك بتطلع عنينا عشان تختار انت ناسي السنة إلى فاتت لما قررت تختار مذيعين جدًاد جالك 200 اخترت منهم 3 وبالعافيه كمان وجبنا غيرهم كمان
جاسم :
-  يابني هما إلى مش محترمين ابدا دول مش لابسين هدوم هو أنا بقولهم احنا محتاجين رقاصات
ياسين :
-  هههههههههة يابني خد الموضوع ببساطة بس برضوه  اختار لوحدك أنا مش بحب الموضوع ده بكرهة ياجاسم بقى معلش
جاسم :
-  والله انت فقر أنا هروح لوحدي وخلاص
ياسين :
-  هو ده جاسم حبيبي اصل الصراحة صحابي عازمني بكرة على خروجة كدة والواحد زهقان متسيب المقابلة وتعالي معانا بكرا
جاسم :
-  تصدق انك معندكش نخوة خالص غور ..
                          *           *           *
يرن هاتف فرحة وتذهب لتجيب عليه
فرحة :
-  لالالالا معقووول جنى بتتصل بيا اكيد أنا بحلم !!!
جنى :
-  يلا يامعفنة أنا لسا مكلماكي امبارح
فرحة :
-  اه ياهانم امبارح مش النهاردا ومن الصبح وانتي متصلتيش
جنى :
-  طب ما انتي برضوه  متصلتيش ها هااا
فرحة بسعادة :
-  اصل النهاردا ماما ويوسف اجو من اليكس
جنى بسعادة :
-  بجد يوسف وماماتك اجو
فرحة بابتسامة خبيثة :
-  اه اجو ايه رايك تيجي تقعدي معانا شوية !!
في تلك اللحظة دخل يوسف غرفة فرحة وعندما رأتة اسرعت متابعة بخبث :
-  ياجني
جلس يوسف بجانب اخته وهو يسألها بصوت منخفض
يوسف :
-  جنى مين ؟؟
فرحة بابتسامة :
-  ها ياجوجو هاتيجي؟؟
جنى :
-  مينفعش عشان اهلك لسا جاين وكدة خليها بكره
فرحة :
-  مانتي عارف ياجنى اني مش فاضية بكرة خالص وعندي مقابله
جنى :
-  اه نسيت بس اهلك يابنتي لسا جاين و..
قاطعتها فرحة
فرحة :
-  اهلي بيحبوكي اوي ياجنى تعالي بقى وحشاني
جنى :
-  طيب خلاص هسال بابا واجي
فرحة :
-  ماشي  ياحبيبتي مع السلامه
جنى :
-  مع السلامه
يوسف :
-  دي جنى صاحبتك صح
فرحة بابتسامة خبيثة :
-  عارفة انها وحشتك فا قولت اقولها تيجي
يوسف :
-  بس يابت ايه الكلام ده !
فرحة :
-  على اختك برضوه  يايوسف
يوسف :
-  يخربيتك فضحتيني انتي عرفتي ازاي !!!
فرحة :
-  يابني احنا التلاتة كنا مع بعض فاالجامعة وكنت بشوفك وانت بتبصلها تقول نظرات العاشق المتيم ..
يوسف :
-  ماشي  ماشي  اتريقي اه بحبها يا فرحة لا مش بحبها أنا عاشقها والله
فرحة :
-  والي مانعك تتقدملها !!
يوسف بحزن :
-  عليتنا شوفي بابا وماما متفرقين يعني مطلقوش بس برضو منفصلين من 10 سنين وانا لو روحت اتقدملهم هقولهم ايه عليتنا مفككه
شعرت فرحة بالحزن على اخيها وعانقتة وهي تقول
فرحة :
-  متخافش ياحبيبي الفكرة دي هتجمعهم سوا ان شاء الله وساعتها بقى تروح تعترفلها بحبك قدام كل اهلها
يوسف بابتسامة :
-  ان شاء الله ياحبببتي طب ماتعرفيش حاجة عنها هي بتحبني ولا لا وكدة يعني !!
فرحة :
-  ما انت عارفني يايوسف مش بحب الشغل ده انت تتقدملها والي فيه الخير يقدمو ربنا
يوسف بابتسامة :
-  المهم بقى أنا هروح أوضب نفسي كدة مينفعش البت تيجي وانا كدا
فرحة :
-  وانت مالك ماانت زي القمر اهو!!
يوسف :
-  ههههههههههة لا لازم ابقي استايل كدة قدامها أنا رايح الوقت
وذهب من امامها بسرعه
فرحة :
-  هههههههههة مجنون والله وتابعت بصوت منخفض :
-  بس هي بتحبك يايوسف أنا واثقة من كدة ربنا يسعدكوا ويخليكو لبعض يارب ويوفقني اجمع ماما وبابا تاني ..
                          *           *           *
في مكان اخر
يصدر صوت من رجل يقول :
-  ياسين
ياسين :
-  نعم يابابا
الاب :
-  بص يابني جاسم قالي انكو عندكو لقاء جديد مع المذيعات الجدًاد بكرة ..
ياسين :
-  اه وانا قلتلو اني مش رايح
الاب :
-  لية كدة ياياسين !!
ياسين :
-  بص يابابا السنة إلى فاتت جابلي الشلل وهو بيختار وغير كدة صحابي عازمني بكرة وكمان هو اصلا بيمشي برأيو لوحدو ملوش لزوم
الاب :
-  بس انت برضوه  المدير
ياسين :
-  طب ماهو برضو المدير كل واحد لية النص في الشغل ده يابابا وعادي بقى لو هو اشغل المرادي لوحدو أنا مش عاوز اروح
الاب :
-  ماشي  ياياسين المهم انت كلمته
ياسين :
-  اه اتكلمنا واتفقنا
الاب :
-  ماشي  يا ابني بلاش تروح خلاص
ياسين بابتسامة :
-  أيوة كدة هو ده الكلام ..
                          *           *           *
في بيت فرحة
يرن جرس الباب فتذهب فرحة لتفتح الباب
فرحة بابتسامة :
-  اخيرا جنى وصلت ياجدعان
جنى :
-  هههههههههة شكرا شكرا لاداعي للتسفيق
فرحة وهي ترفع احدى حاجبيها :
-  صحيح بندي الناس حجم على الفاضي يتكبرو علينا
جنى :
-  هههههههة اتمشي من هنا يابت هش هش من هنا
فرحة :
-  هههههههههة ادخلي ياختي
جنى :
-  ماشي  بس عاوزة اشوف مامتك الاول لوحشتني اوي
فرحة :
-  طيب تعالي معايا
واخذتها فرحة إلى والدتها وما ان رأتها
جنى :
-  ازيك ياطنط اسماء وحشاني اوي والله
وذهبت اليها وعانقتها فضمتها اسماء اليها بسعاده
اسماء بسعادة :
-  ايه ده جنى وحشتيني يابت وربنا
جنى بابتسامة :
-  وانتي كمان والله
اسماء بابتسامة :
-  عاملة ايه بقى اليومين دول
جنى :
-  الحمد لله وحضرتك
اسماء :
-  أنا كويسة الحمد لله
ابتعدت جنى عنها قليلا وهي تقول
جنى :
-  والله ياطنط كان نفسي تبقي عايشة هنا دايما كل اما امي توحشني اجيلك
اسماء بحزن :
-  ياحبيبتي أنا هفضل هنا فترة طويلة ومش هنسافر تاني اصلا اليومين دول خالص .. أنا زي امك بالظبط
فرحة بحزن :
-  امي هيا امك ياجنى والله ده هي بتحبك ادي كدة بالظبط
جنى بابتسامة :
-  وانا بحبكوا زي امي واختي بالظبط
جاء يوسف من خلفهم يصدمهم بكلمته
يوسف :
-  وانا مش بتحبيني بالمرة زيهم بقى ولا ايه!!
شعرت جنى بالاحراج وابتسمت له ثم ادارت وجهها للجانب الاخر
فرحة :
-  تصدق بالله انت ماعندك دم ياشيخ
يوسف :
-  تحبي اعورلك ايدي وتشوفي الدم ها تحبي
اسماء :
-  هههههههههة بس يا يوسف بجد انت دايقتها
يوسف :
-  آسف ياجنى زعلانة لسا ؟؟
جنى بابتسامة :
-  أنا مزعلتش اصلا
يوسف :
-  هههههههههة طيب شوفتو هي مش بتعمل من الحبة من قبة زيكو أنا وهي نفس التفكير فابرأي تسيبونا لوحدنا احسن عشان نفس التفكير وكده
فرحة :
-  يوسف اتلم
اسماء :
-  يوسف أنا من رأيي انك تطلع تاني على الاوضه
فرحة :
-  اه ماما معاها حق
يوسف بحزن مصطنع :
-  كلو عليا كده
فرحة :
-  اه كلو عليك غور يلا
يوسف :
-  ماشي  يافرحة أنا هوريكي
فرحة :
-  بقولك ايه الطيب احسن احنا قاعدين كلنا اهو عادي يعني
يوسف :
-  هههههههههة أيوة كدة ناس مبتجيش الا بالعين الحمره
اسماء :
-  هههههههههة والله انتو فظاع أنا هروح اجيب حاجة تشربوها واجي
جنى :
-  لا ياطنط مليش نفس والله
يوسف :
-  بس أنا ليا نفس وهنشرب كلنا كولا
فرحة :
-  أيوة يلا روح انت بقى هات وماما هتقعد معانا
يوسف بغضب :
-  والله غلسة هروح اجيب واجي....
                          *           *           *
في بيت ياسين
توجة ياسين إلى احدى غرف المنزل وهو يقول في نفسه
ياسين لنفسة :
-  ياتري حبيبة عاملة ايه دلوقتي بقالها حوالي شهر زعلانة وقافلة عليها الباب ومش راضية تقولي مالها
طرق باب الغرفة التي وقف امامها
ياسين :
-  حبيبة ادخل!!
حبيبة :
-  اه ياحبيبي ادخل
دخل ياسين مبتسما وجلس بجانب اخته التي تجلس على السرير وتضم قدماها اليها
ياسين بابتسامة :
-  قاعدة لوحدك لية ياحبو ناسية ان عندك اخ بردو!!
حبيبة بابتسامة حزينة :
-  معلش ياحبيبي كنت محتاجة اقعد مع نفسي الفترة دي شويه
ياسين :
-  برضوه  مش هتقوليلي مالك طب بصي عندي فكرة كلميني زي مابتلكمي نفسك
حبيبة :
-  مفيش حاجة ياياسين أنا الحمد لله كويسه
ياسين :
-  طب خلاص اعتبريني بنت زيك حتى لو كأني اختك وبنت مش ولد لو الموضوع خاص بالبنات وبس عشان خطري ياحبيبة انتي عارفة انك اغلي واحدة في دنيتي ومقدرش اشوفك كده
بدات حبيبة تبكي بشدة فضمها ياسين اليه بحنان
ياسين :
-  خلاص ياحبيبتي اهدي محصلش حاجة طب مين زعلك أنا بابا مثلا
حبيبة ببكاء :
-  انت عمرك مازعلتني ياياسين ولا بابا
ياسين :
-  طب خالد زعلك!!!!
عند تلك الكلمة وكأنة قد فتح صنبور الدموع الخاص بها فقد باتت تبكي بشكل غير طبيعي
ياسين بغضب وهو يبتعد عنها :
-  عملك ايه قوليلي!!
حبيبة ببكاء :
-  خلاص ياياسين أنا هنهي معاه وكل شيء قسمة ونصيب
ياسين بهدوء :
-  طب ممكن اعرف إيه إللي حصل عشان خطري ياحبيبة والله يابنتي ده بيحبك اوي
حبيبة بحزن :
-  أنا كنت مفكرة انه بجد بيحبني ياياسين بس طلع العكس تماما هو كان بيضحك عليا مش اكتر
ياسين بانفعال :
-  بيضحك عليكي ازاااااي انتي هتجننيني ده انتو مكتوب كتابكو وهو بقالو شهر عمال يلح عليا نقدم معاد الفرح ونخلية بعد شهر واحد بس
حبيبة :
-  لا ياياسين أنا هطلب اطلق منه
ياسين :
-  طب إيه إللي حصل لكل ده ممكن اعرف عشان خطري
حبيبة ببكاء شديد :
-  قبل شهر أنا كنت راحة الجامعة وشوفتو هناك بالصدفة و ..
                          *           *           *
في منزل فرحة
كانت فرحة جالسة وحدها بالغرفة بعد ان ذهبت جنى إلى منزلها
فدخلت عليها والدتها
اسماء :
-  فرحة أنا عاوزة اسالك على حاجه
فرحة وهي تعتدل في جلستها :
-  طبعا ياماما اسألي
اسماء :
-  هو انتي مش ملاحظة حاجة غريبة في يوسف
فرحة بعدم فهم :
-  حاجة غريبة ازاي
اسماء :
-  يعني اخوكي من النوع إلى مش بيحب البنات ولما كانو قرايبنا البنات يجو يخترع اي حجة عشان يطلع من البيت اما بقى لما جنى بتيجي مبيقمش من مكانو يعني بيتصرف بغرابة كدة ممكن يكون بيحبها !!
وجدت فرحة تلك فرصة سانحة لها لتبدا خطتها بها
فرحة :
-  اه ياماما يوسف بيحبها جدًا من زمان من ايام الجامعة وانا عارفه
اسماء :
-  طب دي حاجة جميلة جدًا انتي عارفة اني بحب جنى جدًا إيه إللي بيخلية ميتقدمش وهو جاهز من كلو
فرحة :
-  الصراحة ياماما...................................................!!!!؟؟؟