العشق الضآل

الفصل الثالث :

يوسف :
-  طبعا يافروحة انتي اصلا محدش زيك اصلا ثم تابع بابتسامة :
-  على فكرة أنا واثق انك هتنجحي في المقابلة دي وهتبقي مذيعة قد الدنيا
فرحة بابتسامة :
-  ان شاء الله روح انت بقى على شغلك
يوسف :
-  ماشي  ياحبيبتي مع السلامه
فرحة :
-  مع السلامه
دخلت فرحة إلى محطة الاذاعة لتجد جميع الفتيات يرتدين ثيابا تظهر اكثر مما تخفي شعرت بانها في نعمة كبيرة لأن اهلها قد علموها اصول الدين وماذا يجب على المسلمة ان ترتدي لكي لا تكون نموزجا سيئا لديننا الحنيف ..
قالت في نفسها :
-  هما ازاي كدا!! يعني ازاي عارفين يمشو كدة !! ياسبحان الله ويخلق ما لا تعلمون!!!
جائت فتاة تدل ثيابها على انها مثلهم واقتربت من فرحة ثم قالت
الفتاه بصوت خافت :
-  اهلا أنا ريم
فرحة بابتسامة :
-  تشرفنا
ريم :
-  اومال انتي جايه هنا لية ؟
فرحة :
-  نعم !
ريم :
-  اقصد انتي جايه عشان ايه!! ماهو مستحيل تكوني جايه عشان الفحص!
فرحة :
-  تصوري ان المستحيل حصل
ريم :
-  هههههة مش مسدقة وقد ارتفع صوتها وهي تقول :
-  بصو يابنات العسل دي جايه عشان الفحص
ارتفعت ضحكات الفتيات عليها وقالت فتاة منهم
الفتاه :
-  ههههههة بجد ياريم دي جايه عشان ايه بالي هي لابساه ده !!!
ريم :
-  عشان الفحص ياسلمى تصوري
فتاه :
-  يعني بالهدوم دي وعاملة فيها شيخة وجايه تتفحص ياماما احنا هنا جاين للفحص بتاع الاذاعة مش شغالين في فرن عيش !
فرحة بابتسامة الثقة :
-  أنا عارفة والله انه عشان الازاعة مش عشان كزنو  مثلا! الهدوم دي مديقاكو عشان مش مبينة حاجة من جسمي ده الفرق بيني وبينكو !
ثم تركتهم في غضبهم وذهبت من امامهم لتجلس وحدها
سلمى تنظر لريم في غضب وتقول :
-  ايه ده انتي سبتيها تمشي كدة عادي أنا من امت حد بيكلمني بالشل ده !!!
وتقول اخرى :
-  اه مينفعش إلى هي قالتو ده !
ريم :
-  اهدو اهدو هروح اجبلكو حقكو واحبطها وهخليها تمشي استنو انتو بس هنا واتفرجو
وذهبت ريم وجلست بجانب فرحة وهي تقول :
-  أنا مكنش قصدي اضايقك ابدا بس كنت بوضحلك انهم مش هيخدوكي بالهدوم دي او الحجاب هما عاوزين بنات متحررة زينا كده
نظرت لها فرحة بابتسامة وهي تقول :
-  ممكن اسألك سؤال !!
ريم :
-  اتفضلي
فرحة :
-  انتي مسلمة ؟؟
ريم :
-  اه طبعا !
فرحة :
-  ايه يأكد ؟؟؟
ريم :
-  مش فهماكي !!
فرحة :
-  بتصلي ؟؟؟
ريم بدهشة :
-  لا لية !!
فرحة :
-  ايه يأكد بقى انك مسلمة !!
ريم بغضب :
-  تحبي اجبلك بطاقتي اوريكي !
فرحة :
-  لا أنا عارفة انك مش كدابة والله بس أنا هفهمك حاجة كون انك مسلمة ده بيحملك مسؤلية كبيرة مسؤلية انك تطلعي للناس مثال للبنت المسلمة بجد سواء بهدومها او كلامها او اخلاقها عشان تكوني مثال يحتذي به عشان يوم ماتقابلي ربنا تبقي عملتي إلى يدخلك الجنة دايما اسألي نفسك أنا هقدر اواجة ربنا يوم القيامه
ريم وقد بدي عليها علامات الاقتناع :
-  هو انتي بتقولي كدة لية !
فرحة بابتسامة صادقة :
-  بنصحك ياحبيبتي بس والله عشان محدش عارف هو هيموت امت ممكن الوقت او بكرا او بعد سنة ساعتها الاوان يكون فات
ريم بدهشة :
-  أنا اول مرة حد يقولي الكلام ده !
فرحة :
-  يمكن لانك مصاحبة ناس عمرها مااتقلها الكلام ده !!؟ ذهبت ريم من امامها بدون كلمة واحدة وجلست في مكان بعيدا عن الجميع وما هي الا لحظات حتى جاء المدير
سلمى :
-  المدير اجي
احدي الفتيات :
-  ظبطو كل حاجة ياجماعة المدير اجي
أتي جاسم ممسكا ببعض الاوراق في يده وقال بصوت جهوري :
-  أنا عاوز اوراق الفحص كاملة تجيلي على المكتب
قالت السكرتيرة :
-  حاضر يافندم
ودخل جاسم إلى مكتبة وما هي الا لحظات حتى دخلت السكرتيرة واحضرت الاوراق
جاسم :
-  بصي يا سمر انتي هتدخليهم بالدور هما كام
سمر وهي تفحص الاوراق :
-  هما 40 يافندم
جاسم :
-  كويس مش كتير يارب اختارهم النهاردا واخلص
سمر :
-  أنا على حسب خبرتي يافندم فيهم كتير تمام ولما يدخلو هتشوف
جاسم :
-  ان شاء الله دخلي اول واحدة يلا
سمر :
-  حاضر
وخرجت من مكتبة وبدات بمنادات الاسم الاول
سمر :
-  دنيا السيد محمد تدخل ...
                          *           *           *
في احدى المنتزهات
حبيبة :
-  ياخويا إلى يشوفنا يقول واحد وحبيبتة مش واحد واخته
ياسين :
-  هههههههة إلى يقول يقول بس ايه رايك المكان حلو !
حبيبة :
-  والله ما احلي منك الملاهي دي العشق اصلا
ياسين :
-  كنت عارف انك هتفرحي يلا بقى اختاري هنركب ايه وبعدها أنا اختار مرة ومره
حبيبة :
-  ههههههههة ماشي  امممم أنا عاوزة اركب دي ..
                          *           *           *
في مكتب جاسم
جاسم :
-  لا انا آسف مش هقبلك لانك معندكيش المؤهلات ياانسة سلمى !
سلمى :
-  ازاي معنديش لا عندي على فكرة وبدأت ! تقترب منه
جاسم :
-  حضرتك بتتكلمي عن انهو مؤهلات بالظبط انتي ورقك مش كامل اصلا والشهادة دي مزورة !
امسكت سلمى يده وهي تقول :
-  على فكرة أنا عمي بيشتغل ظابط في الجيش وبابا لواء كل ده مش مؤهلات !!
أفلت جاسم يده بقوة
قائلا بكل غضب :
-  احنا هنا محطة محترمة مستحيل نرضي بالي بيحصل ده اتفضلي اطلعي برا
سلمى :
-  أنا اسفة والله يافندم مكنش قصدي حاجة و..
جاسم مقاطعا بغضب :
-  قلتلك برا
سلمى بغضب :
-  انت ازاي تكلمني كدة !! أنا هقول لبابا
جاسم :
-  أنا مبتهددش يلا اتفضلي برا
خرجت سلمى وهي غاضبة بينما جلس جاسم ووضع يده على رأسة في غضب وهو يقول :
-  ايه البنات دي فين الحياء فين يارب صبرني معدليش مزاج اكمل
ورفع السماعة بجانبه واتصل بسمر
جاسم :
-  تعاليلي فورا
دخلت سمر وهي خائفة من نبرة صوته
سمر :
-  نعم يافندم                                         جاسم :
-  انتي ازاي تقبلي بورق مزور ومش كامل !!
سمر بدهشة :
-  فين ده حضرتك ؟؟
جاسم :
-  إلى اسمها سلمى دي كان ورقها ناقص بصي أنا خلاص صبري جاب اخرة ومليت مش عاوز اكمل !
سمر :
-  معلش يافندم بس معدش الا اتنين بس وحرام كدة نظلمهم
جاسم :
-  يارب صبرني طب دخليهم
ثم نظر لها لاول مرة من الصباح واستعجب من شيء ما ثم تابع :
-  بسرعة معلش
سمر :
-  حاضر يافندم
خرجت سمر ونادت الاسم
سمر :
-  فرحة محمد البدري ؟
فرحة :
-  أنا !!
نظرت لها سمر بابتسامة :
-  ادخلي
اومأت باسمة وهي تقول :
-  حاضر
دخلت فرحة ببعض التوتر الذي تحاول جاهدة اخفائه
جاسم :
-  اتفضلي اقعدي
فرحة :
-  حاضر يافندم
نظر لها جاسم وهو مندهش لانها الفتاة الأولى التي ترتدي مثل تلك الثياب
جاسم :
-  عرفينا بحضرتك
فرحة بابتسامة :
-  أنا فرحة 20 سنة الشهادة دي هتبينلك وكنت الأولى على الدفعة بتاعتي واتفضل ده ورق التخرج من الجامعة بتاعتي
جاسم وهو ينظر للاوراق :
-  كدة تمام اوي واعطاها ورقة بها بعض الكلام وتابع :
-  اقرأي عاوز اسمعك وانتي بتقرأي
بدأت فرحة :
-  "السلام عليكم ورحمة الله وبركاته
النهاردا حلقة جديدة من برنامج الحياه العامة بيحكي عن حياتنا ومش بيتناول موضوع واحد بالعكس هي مواضيعة منفتحة جدًا .. لكل يوم موضوع جديدة وتقدرو تشرفونا بعدها بإتصالتكم"
جاسم :
-  أنا يشرفني انك تشتغلي هنا بجد اول واحدة تدخل احترمها جدًا واقدرها
لم تتوقع فرحة ذاك الرد ابدا لانها ظنتة كما اخبروها بالخارج
فرحة بابتسامة :
-  يعني أنا اقدر اشتغل هنا من امت!
جاسم :
-  من بكرا الشغل الساعة 10 الصبح البرنامج بتاعك بيبدأ الساعة 11 لازم تتواجدي هنا 10 مبحبش التأخير
فرحة :
-  حاضر يافندم البرنامج او هقول ايه او كدا
جاسم :
-  اسم البرنامج الحياه العامة كل يوم انتي إلى هتجهزي موضوع وتقولية بنفس الطريقة إلى قرأتي بيها قدامي
فرحة :
-  تمام اقدر امشي!
جاسم :
-  اتفضلي
خرجت وعلي وجهها ابتسامة كبيرة من سعادتها
رأتها ريم فسألتها
ريم :
-  إيه إللي حصل ؟؟
فرحة :
-  هشتغل من بكرا
ريم :
-  اشمعنا انتي ؟!!
فرحة :
-  قالي انتي الوحيدة احترمتها وقدرتها !!
ريم :
-  اكيد عشان الهدوم !
فرحة :
-  باين !!
ريم :
-  طب أنا اعمل ايه لو دخلت كدة مش هيرضي بيا !
فرحة :
-  طب استني
وذهبت فرحة إلى سمر
فرحة :
-  لو سمحتي هو المدير ممكن يستني نص ساعة كمان اعبال ما ريم تدخل
ريم :
-  اه يقدر هو اصلا كدة كدة طلب مني نص ساعه
فرحة :
-  طب كويس فرحتيني
وذهبت من امامها مسرعة ووقفت امام ريم
فرحة :
-  بصي ياستي قدامنا نص ساعة نجيب فيها هدوم جديدة ليكي
ريم :
-  ده مستحيل أنا مش هلحق !!
فرحة :
-  لا بتاع الفساتين جمبنا على طول تعالي بس وامسكت يدها واخذتها معها ..
                          *           *           *
في المنتزه
ياسين :
-  اااااه راسي صدعت حرام عليكي ياحبيبه
حبيبة :
-  هههههههة معلش ياحبيبي تعيش وتصدعلي اكتر
ياسين :
-  يابت هضربك والله
حبيبة ببرائة :
-  تضرب اختك حبيبتك بردو
ياسين :
-  اه اتمسكني اتمسكني
حبيبة :
-  ههههههة بس مش أنا حبيبتك بردو
ياسين :
-  انتي اهم حاجة في حياتي كلها يابت
وكأن تلك الكلمة ذكرتها بشيء ما فاسمعت في ذكرياتها صوتا لرجل يقول لها :
-  انتي اهم حاجة في حياتي كلها يابت لا دانتي الحاجة الوحيدة المهمة في حياتي أنا لو بعدت عن العالم كله مقدرش يوم ابعد عنك
حبيبة :
-  والله ياخالد انت وياسين كل حاجة في حياتي .. كل حاجه
خالد :
-  لازم ندخل ياسين في الموضوع برضوه  مش مهم ياسين خليكي فيا انا
حبيبة :
-  هههههههة لا انتو الاتنين سوا
خالد :
-  ماشي  يامراتي العنيدة وقام بحملها على يده
حبيبة :
-  عااااااا نزلني احنا في الملاهي الناس تقول ايه!
خالد :
-  تقول واحد مجنون بعيون حبيبتة ولو الناس متكلموش أنا هخليهم يتكلموا
حبيبة :
-  اسكت ياخالد أنا عارفاك مجنون والله
خالد :
-  لا مش هسكت
ثم تابع بصوت مرتفع :
-  اشهدو ياخلق الله كلكو البت دي أنا بعشقها لو خيروني بينها وبين حياتي هخترها بحبها اوي
تعالت اصوات الضحكات المستمتعة والتصفيق الحار ..
استفاقت حبيبة من ذكرياتها على صوت ياسين
ياسين :
-  حبيبة انتي بتعيطي لية الوقت أنا قولت حاجة زعلتك!!
بدأت حبيبة تبكي بألم وهي تقول :
-  هو لية خاني أنا عملتلة ايه قولي انت ياياسين!
شعر ياسين في تلك اللحظة بالآم على اخته وعلم ان كل ما فعلة منذ الصباح تدمر وعادت إلى نفس الحالة البائسه
ضمها ياسين اليه بحنان وقال
ياسين :
-  خلاص ياحبيبتي محصلش حاجه
حبيبة :
-  طب قولي انت ياياسين أنا عمري ضريتة طب هو لية خلاني اعشقة لية خلاني اعشق كل تفصيل عشناه سوا لية خلاني مقدرش انساه ويفضل محفور في قلبي طب لية هو بعد وخاني كان بيتسلي ايه وجة التسلية اييية ايييية ؟؟!!!
ياسين :
-  حبيبة عشان خطري اهدي متعمليش فانفسك كدا
حبيبة ببكاء وهي تضرب على صدر اخيها بضعف :
-  مش قادرة ياياسين مش قادرة كل حاجة بتفكرني بية تعبت مش قادرة والله
ياسين :
-  طب اهدي بس وتعالي نروح العربيه
لم تبتعد عنة حبيبة لوهلة بل لم تقدر ان تبتعد فقد كانت تحتاج إلى الحنان
حبيبة ببكاء حاد :
-  فاكر لما أنا قلتلك اني كلمتة وهزقتة أنا مكلمتوش مقدرتش لما جيت اكلمة اتصلت بية ومقدرتش انطق بكلمة قفلت وفضلت اعيط وبعدها
بدقايق هو اجي البيت عندنا فاكر اليوم إلى اجي فيه وفضل يرزع في باب اوضتي ومرضتش ادخلة هو ده نفسة اليوم إلى مقدرتش اكلمة فيه أنا مش قادرة اروح اقولة لية بتخوني !! مع اني حبيتك بكل كياني!
ياسين :
-  تعالي معايا احنا هنروحلة الوقت
حبيبة :
-  لا مقدرش مش هقدر ياياسين
ياسين :
-  ياحبيبتي احنا هنروح نواجهة ونسألة عن إلى حصل بس
حبيبة ببكاء :
-  لا معنديش استعداد اروح اشوفة الوقت عشان خطري لو شوفتة ممكن يجرالي حاجه
ياسين :
-  ياحبيبتي مجرد سؤال ممكن تكوني فهماه غلط
حبيبة ببكاء حاد :
-  ياريت فاهماه غلط بس ازاي اذاكان أنا شوفتة معاها أنا مش قادرة بالله عليك روحني
ياسين :
-  حاضر ياحبيبتي ..
                          *           *           *
كانت قد احضرت فستانا لريم وجعلتها ترتدية واحضرت لها حجابا ايضا
ريم :
-  هو البتاع ده بيتلف ازاي
فرحة :
-  اولا ده اسمو حجاب وسهل جدًا بصي تعملية كدا
وشرعت في الباسة لها
فرحة :
-  شكلك حلو اوي بيه
ريم :
-  بجد!
فرحة :
-  اه والله
ريم :
-  هو لسا قد ايه
فرحة :
-  خمس دقايق يلا نروح بسرعه
ريم :
-  اه يلا
وصلت ريم وفرحة في الوقت المناسب ..
سمر بدهشة :
-  ايه ده هي غيرت هدومها ليه؟؟
ريم :
-  كدة احلي فرحة بتقولي!
سمر بابتسامة :
-  اه كدة احلي بكتير على فكرة .. يلا ادخلي
ريم بابتسامة :
-  ماشي
دخلت ريم إلى جاسم بينما سمر قالت لفرحة
سمر :
-  هو انتي لية ساعدتيها ده هي من الصبح خنقتك أنا شوفتها
فرحة بابتسامة :
-  بصي أنا بحب اقدم الخير لكل الناس حتى لو دايقتني في الاول مين عالم يمكن ربنا يهديها ..!!!
                          *           *           *
في احدى المنازل
كان شاب وفتاه يتحدثان معا
الرجل :
-  ياسارة متغيرة تماما 180 درجة معدش بترد ولما اروح اقابلها مترضاش تخرج بقالها شهر بس أنا بموت نفسي افهم بس مالها!
سارة :
-  طب اهدي انت بس ياخالد كدة واحنا نحاول نوصل لحل
خالد :
-  خلاااااص مش قادر اتحمل وحشتني ياسارة عاوز اشوفها أنا اعمل اي حاجة الوقت بس عشان اشوفها
سارة :
-  طب تعالي نروحلها
خالد :
-  مش هترضي تشوفني
سارة :
-  لية يابني ماانتو كنتو كويسين
خالد :
-  ياسارة دي حياتي كلها هي ماما وبابا وكل حاجة انتي عارفة اني وحيد أنا مقدرش على غيابها ولا لحظه
وبدأت الدموع تفر من عينية رغما عنه
سارة بحزن :
-  أنا اول مرة اشوفك بالضعف ده قوم معايا قوم
وامسكتة من يده
خالد :
-  اجي فين؟؟؟
سارة :
-  انت هتروحلها حالا وهتفهم إيه إللي حصل فاهمني!؟
خالد :
-  مش هترضي تقابلني
سارة :
-  لا انت هتعمل إلى هتقدر عليه قوم يلا ..
                          *           *           *
في بيت ياسين
وصل ياسين إلى البيت وكانت حبيبة نائمة بين يديه فحملها وادخلها حجرتها ووضعها على سريرها وقرر ان يقوم بخطوة للامام لاجل اخته خرج ياسين من غرفتها وجلس في الصالون يفكر وهو في قمة غضبه وحزنه وغضبه من خالد وما فعلة بأختة وحزنه الشديد على حالتها
وفجأة وجد الباب يطرق
ذهب ياسين ليفتح الباب ليجد امامة خالد وقد كان خالد الشخص الاخير الذي يريد لقائة في ذاك الغضب
خالد :
-  أنا عاوز حبيبة ضروري ياياسين عاوز اقابلها
ياسين بغضب :
-  اختي مش هتقابل حد
خالد :
-  معلش ياياسين أنا لازم اقبلها ضروري
وقام بالدخول إلى الفيله
ياسين :
-  اختي نايمة ياخالد نايمة ماصدقت نامت بتعيط 24 ساعة بسببك لية عملت كدة ليه
التفت اليه خالد غير متفهم :
-  عملت ايه !!
ياسين :
-  شافتك وانت بتخونها خلاص اللعبة اتكشفت يابن خالي
خالد بصدمة :
-  ايييية !! انت مجنون أنا بعشقها من وانا صغير انت عارف يعني ايه عشق عارف يعني ايه واحد يعشق واحدة أنا عمري مابصيت لبنت غيرها ابدا أنا كنت كل يوم ادعي في الصلا تبقالي واول مابقيت قد المسؤلية جيت وطلبت اديها وبتقولي اخونها لااا انت اكيد اتجننت !!!!
ياسين :
-  اختي شافتك وفر على نفسك وانهي كل حاجة اختي قالتلي انها بتكرهك ابعد عنها بقى يمكن تنساك
خالد بغضب :
-  انت اسكت خالص دي حبيبتي وانا عارفها اكتر من نفسي عمرها ما هتقول كدة أنا هطلعلها الوقت واوريك
ياسين :
-  قلتلك نايمه
لم يستمع خالد لكلامه وصعد بسرعة اليها ودخل غرفتها اقترب منها خالد ونزل إلى مستواها وبدأ في افاقتها
خالد :
-  حبيبة اصحي ياحبيبتي عاوز اكلمك... حبيبة
استيقظت حبيبة ونظرت امامها لتراه اجل هذا هو معشوقها ولكن صورتة الآن  ملطخة امامها فلم يعد كما في السابق بل صار شخصا اخر يخونها صار خائنا !!!
ما ان راتة حتى بدأت تبكي
خالد :
-  بتعيطي لية الوقت ياحبيبتي قولي لاخوكي يبطل يقول كلام غبي كدة قولي له انك لسا بتحبيني وعمرك ماشكيتي فيا قولي انك عمرك ماقلتي انك بتكرهيني وانة هو إلى بيجيب الكلام ده من نفسه
حبيبة ببكاء وصوت مرتفع غاضب :
-  لا مش هقول مش هقوووول حاجة ابعد عني بقى أنا بكرهك بكرهك
رجع خالد خطوات إلى الخلف من وقع الكلمة عليه وظلت كلمة "بكرهك" تتردد في اذنية لم يستطع خالد التحمل فقام مسرعا وخرج من الغرفة بينما حبيبة قد انهارت باكية وجلس بجانبها ياسين ليهدئ من روعها وحزنها ..
                          *           *           *
كان تائها لا يعلم إلى اين يذهب إلى اين تذهب يابن ادم وقد تخلت عنك من كنت تعيش من اجلها .. لك الموت يارجل افضل من تلك الحياه لماذا أنا قد اجرحك يوما لم افكر يوما في ايصال ضرر لك كنت دوما ابحث عن مصدر سعادتك حتى احضرة لك ياويلي لماذا تلك القسوة الآن  !! ماذا فعلت لاتحمل كل هذا العذاب .. كان يذهب هنا وهناك بسيارتة حتى توقف في احدى الطرقات ووضع رأسة على المقود ودموعة بدأت تتساقط .........................................................................!!!!!؟؟؟