العشق الضآل

الفصل الرابع :

كان تائها لا يعلم إلى اين يذهب إلى اين تذهب يابن ادم وقد تخلت عنك من كنت تعيش من اجلها .. لك الموت يارجل افضل من تلك الحياه لماذا أنا قد اجرحك يوما لم افكر يوما في ايصال ضرر لك كنت دوما ابحث عن مصدر سعادتك حتى احضرة لك ياويلي لماذا تلك القسوة الآن  ماذا فعلت لاتحمل كل هذا العذاب .. كان يذهب هنا وهناك بسيارتة حتى توقف في احدى الطرقات ووضع رأسة على المقود ودموعة بدأت تتساقط
                          *           *           *
عادت فرحة إلى منزلها سعيدة  لحصولها على ذاك العمل الذي كانت تطمح اليه منذ طفولتها
دخلت منزلها وذهبت للقاء والديها واخبارهم انها قد نجحت ذهبت إلى غرفة والدتها فاوجدت جنى جالسة معها وتتكلم
جنى :
-  وانا على اعصااابي من الصبح واتصلت بيها كتير وبتكنسل أنا عاوزة اعرف حصل معاها ايه الوقت
اسماء :
-  ههههههههة طيب اهدي شوية اكيد هتنجح ان شاء الله سدقيني
دخلت فرحة الغرفة وهي تدعي الحزن
فرحة بحزن مصطنع :
-  ماما خدي اخفي الورق ده أنا غلطانة اصلا
جنى بحزن :
-  متقبلتيش؟؟
اسماء بغضب :
-  ازاي متتقبلش الورق كامل وكل حاجة تمام!
جنى :
-  فرحة اتكلمي
ازدادت فرحة حزنا وقالت :
-  الحمد لله على كل حال في الدنيا دي مبناخدش كل إلى احنا عوزينه
اسماء :
-  لالا أنا عاوزة افهم إيه إللي حصل
فرحة :
-  ولا حاجة روحت وفضلت شوية وبعدها دخلتلة واتقبلت الحمد لله
اسماء :
-  والله انتي بارده
جنى :
-  عاااااااااا هقتلك سبيني عليها ياطنط سبيني
اسماء :
-  ههههههههة سيباكي والله ياجني
فرحة :
-  أيوة اتحججي في ماما اتحججي
جنى :
-  طب أنا مش هرحمك بقا
وظلت تضربها بالوسادة وتبادلها فرحة الضربات وبعد دقائق جاء محمد
محمد :
-  ههههههههة هو فيه ايه ياعيال
جنى :
-  شوفت ياعمي بنتك داخلة تجعزنا وتكمل وهي تقلد صوتها :
-  وتقولنا الحمد لله على كل حال في الدنيا دي مبناخدش كل إلى احنا عوزينه
محمد :
-  ههههههههة معلش يابنتي هي بتحب المقالب
فرحة :
-  يا بابا ده مقلب صغير خالص هههههههههه
محمد :
-  ههههههة حرام عليكي ياشيخة من قلة المقالب إلى انتي بتعمليها واحد ورا واحد دماغها شغالة تفكير 24 ساعه
اسماء :
-  هههههههة مش لوحدها أنا فاكرة في ايام الجامعة كنت انت كدة برضوه  واي دكتور كنت عاوز تمشية مبياخدش في ايدك مقلبين
محمد :
-  ماتخلينا مستورين احسن الله
فرحة :
-  ايه ده بابا كان بيحب المقالب ده حاجة عسل خالص طب ماتدينا كام واحد كدا
محمد :
-  هههههههة لا أنا كنت بعمل مقالب كتيرة اوي
اسماء :
-  ومن اعمالكم سلط عليكم
محمد :
-  انتي بتقولي فيها البت كل يوم بمقلب شكل
جنى :
-  ههههههههة معلش ياعمي
فرحة :
-  خلاص ياجماعة لا مقالب ولا زفت خلينا كدة احسن
جنى :
-  يارب تلتزمي بكلامك بس
فرحة :
-  ان شاء الله هو يوسف اجي
يأتي يوسف
يوسف :
-  لا لسا جاي الوقت
فرحة :
-  اهلا مش تبارك لاختك كدا
يوسف :
-  الف الف مبروك ياختي
جنى :
-  طب الحمد لله أنا اطمنت عليكي وهمشي أنا بقى ماشي
يوسف :
-  جنى استني
استدارت جنى خلفها لتنظر له
يوسف :
-  ماشية لية خليكي شويه
جنى بخجل :
-  بس لازم اروح الوقت عشان بابا ميقلقش عليا اصل أنا قلتلة مش هتأخر
يوسف بابتسامة :
-  خلاص روحي عشان باباكي
هزت رأسها بالموافقة ثم تركتهم وخرجت وهي
تقول لنفسها :
-  هو ممكن يجي اليوم إلى ربنا يجمعني بية يارب انت إللي بتزرع الحب جوا قلبي متخليش الحب ده في يوم من الايام يكسرني او حتى يجرحني يارب دايما خليه مصدر قوتي ..
                          *           *           *
كانو جالسين سويا وكان يوسف ذاهبا إلى غرفته فأوقفتة امة قائله
اسماء :
-  عارف انك بتحبها يايوسف وابوك كلم ابوها النهاردا وحدد معاد يو الخميس الجاي
يوسف بسعادة بالغة :
-  بجد والله
اسماء :
-  اه والله
يوسف :
-  شكرا يابابا اوي
محمد :
-  أنا معملتش حاجة ياحبيبي ده واجب عليا وبعدين هنلاقي زي جنى فين
يوسف بابتسامة :
-  أنا فرحان اوي بس هي لما كانت هنا كانت عارفة اني اتقدمتلها
محمد :
-  لا ملحقتش تعرف ..
                          *           *           *
في بيت جني
جنى :
-  بابا أنا جيت
الاب :
-  تعالي ياحبيبتي عاوز اقولك على حاجه
جنى بابتسامة :
-  نعم
الاب :
-  بصي ياحبيبتي انتي كبرتي خلاص وبقيتي عروسة زي القمر كدا
جنى بضيق :
-  تاني يابابا عريس
الاب :
-  بلاش ترفضية عشان خطري حتى اعرفي هو مين الاول
جنى :
-  يابابا أنا مش فارق معايا والله هو مين طيب يابابا أنا هقابلة هعشان خطرك المرادي
الاب بابتسامة :
-  ماشي  ياحبيبتي
جنى :
-  أنا طالعة الاوضه
وتركتة جنى وصعدت إلى غرفتها وبدأت تبكي لقد مللت الآن تظار متي سيتحقق ذاك الحلم ياتري
صعد والدها اليها ليجدها جالسة تصم قدميها و تبكي بصمت
الاب بقلق :
-  مالك ياحبيبتي
جنى وهي تمسح دموعها :
-  مفيش يابابا أنا كويسه
الاب :
-  اقولك مين العريس دا
جنى :
-  يابابا
الاب مقاطعا :
-  يابت اصبري على رزقك اسكتي واسمعي عارفة ابن محمد صاحبي
جنى وهي ترفع رأسها :
-  انهو واحد
الاب :
-  محمد البدري يوسف هو إلى متقدملك
جنى وقد بدي عليها السعادة :
-  بجد والله
الاب :
-  هههههههههههة كنت عارف والله أنا دايما كنت بحس انك بتحبيه
جنى بخجل :
-  ها لا عادي يعني ا ااقصد
الاب :
-  يابت أنا ابوكي وفاهمك كويس عشان كدة محمد لما كلمني وافقت على طول وحددت معاه يوم الخميس الجاي
ضمتة جنى بسعادة وهي تقول :
-  شكرا يابابا الصراحة مش عارفة ابين اني محروجة زي بقية البنات اصلي فرحانة اوي وكنت مستنية اللحظة دي من زمان
الاب :
-  ههههههههة مش لازم تبينيلي انك محروجة كفايه عليا انك تكوني فرحانة وتبينيلي فرحتك ده عندي بالدنيا ومافيها
جنى :
-  ربنا يخليك ليا يارب يابابا ..
                          *           *           *
في بيت فرحة
كانت جالسة بداخل غرفتها وكان يوسف معها ويتحدثون
فرحة :
-  الف مبروك ياعريس
يوسف :
-  أنا خايف يافرحة تكون مش بتحبني ومتوافقش بيا
فرحة :
-  لا هتوافق والله بحلف لاني واثقة من كدة انت الوقت اطلع برا بقى لاني مش فضيالك خالص لازم احضر الموضوع إلى هقولو بكره
يوسف :
-  بتطرديني
فرحة :
-  اها
يوسف :
-  يلا يابارده
فرحة :
-  الباب بقى معلش
يوسف :
-  عااااااا هضربك
فرحة :
-  هههههههههة بيقولك يابني كما تدين تدان ..
                          *           *           *
في بيت ياسين
كان ياسين جالسا في غرفته مهموما لايعلم من يصدق ايصدق اخته التي لم تكذب ابدا ولن تكذب في امر كهذا في الاساس فهي حزينة جدل ومهمومة ام يصدق ابن خالة الذي كان دايما ماكان يري عشق اخته في عينية ويجري في عروقة ام ربما كل ذلك كان سؤ فهم
ياسين :
-  يارب صبرني أنا مش فاهم اصدق مين واكدب مين وعمري ماشوفت حبيبة بالوضع ده و مش عارف يارب اعمل ايه
يستفيق ياسين من شرودة على صوت هاتفة يرن يمسك ياسين الهاتف وينظر للمتصل
ياسين :
-  اهو اديني حتى نسيت اكلم جاسم اسألو على إلى حصل اعمل ايه بس
اجاب ياسين عليه
ياسين :
-  الو
جاسم :
-  ما لسا بدري
ياسين :
-  معلش ياجاسم والله مكنتش فاضي اتصل راسي هتنفجر من التفكير
جاسم :
-  لية هو فيه ايه
ياسين :
-  بكرا فاالشغل هبقي اقولك
جاسم :
-  ماشي  أنا هقفل معاك الوقت شكلك تعبان
ياسين :
-  بكرة ان شاء الله يبقي احسن
جاسم :
-  ماشي  مع السلامه
ياسين :
-  مع السلامه
وما ان يغلق الهاتف حتى يري والدة من خارج الغرفة قد عاد يذهب اليه ياسين ويقول
ياسين :
-  ايه ده انت نورت
الاب :
-  فيه ايه ياياسين مالك معلش والله اليومين الدول الشغل كتير اوي
ياسين بغضب :
-  يعني الشغل ده اهم من بنتك بنتك من الصبح وهي بتعيط وحتي متعرفش حاجة انت مبترفش عننا اي حاجة عايشين ولا ميتين فرحانين ولا زعلانين مبتشاركناش اي حاجة ومتعرفش عن بنتك حاجة شغلك ده اهم مننا يااستاذ عاصم صح
عاصم بقلق :
-  حبيبة مالها ياياسين
وكان متوجها إلى غرفتها
ياسين :
-  سيبها لسا نايمة الوقت آسف اني كلمتك كدة بس مش قادر اتحمل حبيبة صعبانة عليا وانا مش فاهم حاجة هتجن
عاصم :
-  طب اهدي انت بس وتعالي معايا واحكيلي إلى حصل
وذهب معه ياسين إلى غرفته وقص عليه ماحدث
عاصم بحزن :
-  ياااااااه كل ده حصل وانا معرفش حاجة آسف يابني سامحني اصل الشغل كان كتير الشهر ده وانا قولت انك بتخلي بالك منها
ياسين :
-  اه بخلي بالي بس انت لازم تكون معاها وتساندها
عاصم :
-  طب ازاي خالد يعمل كدة ده خالد بيعشقها
ياسين :
-  أنا مش فاهم حاجة والله يابابا وتعبت
عاصم :
-  طب نعمل ايه الوقت
ياسين :
-  مش عارف أنا هروح اكلمة بكره
عاصم :
-  طيب كويس انت نام الوقت عشان شكلك تعبان
ياسين :
-  بص يابابا أنا لازم اروح الشغل بكرة عشان جاسم مينفعش اسيبة كتير ينفع انت تقعد مع حبيبة لحد ماارجع
عاصم :
-  ماشي  أنا مش رايح فامكان بكره
وامسك هاتفة واتصل بأحد ما
عاصم :
-  الو
الشخص :
-  الو أيوة يافندم
عاصم :
-  بكرا الغي كل مواعيدي مش فاضي
الشخص :
-  طب الصفقة بكرة يافندم مهمة جدًا وبقالنا شهرين بنحضرلها
عاصم :
-  اجلها ولو منفعش الغيها
الشخص :
-  حاضر يافندم
واغلق الهاتف معه
ياسين :
-  شكرا يابابا
عاصم :
-  بس ياياسين ده حقكو بس أنا كنت مشغول بس شوية عنكو وانا إلى غلطان انا آسف يابني سامحوني
ياسين :
-  والله يابابا الواحد يبقي شايل منك يقعد معاك ينسي هو كان متدايق ليه
عاصم بابتسامة :
-  طب انت روح نام يلا
ياسين :
-  حاضر ..
                          *           *           *
في صباح اليو التالي استيقظت فرحة من نومها باكرا وتوضأت ثم صلت ثم بدأت بتجهيز نفسها حتى ارتدت جميع ثيابها وكانت والدتها نائمة بينما والدها واخيها قد ذهبا إلى العمل
اخذت حقيبتها ثم ركبت سيارتها ..
                          *           *           *
كان ياسين في طريقة إلى عملة وهو وكان لايزال مستغرقا في تفكيرة بأختة التي يشعر بالاسي من اجلها
ياسين :
-  يارب ايه الحل الوقت اعمل ايه أنا خايف عليها يااااااارب
للحظة غفل ياسين عن الطريق وبدون وعي منه كاد ان يستضم بسيارة اخرى ولكن صاحب السيارة استطاع تفادية ببراعة انتبة ياسين واوقف السيارة بصعوبه
نزل ياسين من السياره
ونزلت صاحبة السيارة الاخري
ياسين بغضب :
-  مش تخلي بالك
فرحة بغضب :
-  افندم ده أنا كنت مجهزة نفسي اقولك لا ولا يهمك محصلش حاجة على اساس انك تعتذر
ياسين بسخرية :
-  اعتذر !!
فرحة :
-  انت متكبر على الاعتذار ايه العقول التعبانة دي !! تغلط وتسبب الغلط في غيرها
ياسين بغضب :
-  أنا مسمحلكيش
فرحة بسخرية :
-  وانت كنت سيادة النائب العام روح روح ربنا يهديك
وذهبت من امامة وركبت السيارة وذهبت
كان ياسين يشتعل غضبا من تلك الفتاة التي تجرأت على رفع صوتها عليه والسخرية منه
ياسين بغضب وهو يضرب بقدمة على الارض :
-  أنا غبي غبي ازاي اسيبها تروح من غير ما ادفعها تمن الكلام إلى قالتو
وركب سيارتة وقادها ..
                          *           *           *
كانت فرحة في سيارتها وهي في مزاج متعكر بسبب ماحدث ذاك الشاب المغرور الذي لا يريد الاعتذار منها مع انه هو المذنب
فرحة بغضب :
-  هو مفكر نفسو مين عشان يتكلم معايا بالاسلوب ده              صحيح ناس معاقة في تفكيرها
لم تستغرك وقتا طويلا حتى وصلت إلى عملها
فرحة وهي تنظر لساعتها بصدمة :
-  أنا اتاخرت مش معقولة كل ده بسبب الغبي دا
ودخلت بسرعة إلى المحطه
رأتها ريم فأوقفتها قائله
ريم :
-  انتي اتاخرتي لية يافرحة النهاردا المدير اول اما اجي سأل عليكي عشان انتي اول برنامج وعاوز يشوف الموضوع
فرحة بقلق :
-  طيب هروح اكلمه
ريم :
-  مش عوزاكي تتطردي وانتي امبارح إلى ساعدتيني وخلتيني اخد الوظيفة دي
نظرت لها فرحة لتجدها ترتدي حجابا وتنورة طويلة حتى قدميها وعليهما الجاكيت
نظرت لها بابتسامة متابعة :
-  ها عجبك الهدوم
فرحة بابتسامة :
-  اه جدًا انتي كدة احلي بكتير على فكره
ريم :
-  شكرا بس اصلا هنا مينفعش البس الا كدة عشان بينت في الاول اني بلبس كدة بس المدير اختار 3 وهما بشعرهم عادي وهدومهم برضوه  كانت شبهي
فرحة :
-  بس أنا مخلتكيش تغيري هدومك عشان المدير أنا خليتك تغيريهم لأن حسيتك محترمة مش زيهم
ريم :
-  شكرا طب انتي إيه إللي حصلك واخرك كدا
فرحة :
-  اصل وانا جايه واحد غبي مش مركز كان هيخبط فيا لولا اني اتفيتة ونزلت من العربية لقيتة بيقولي مش تخلي بالك
ريم :
-  ده ايه الغباء دا
فرحة :
-  عقول بدائية بعيد عنك
ريم :
-  فعلا والله
فرحة :
-  أنا لازم ادخل للمدير عشان اتأخرت
ريم :
-  طب يلا روحي
فرحة :
-  ماشي
تذهب فرحة عند السكرتيرة سمر
فرحة :
-  سمر أنا عاوزة اقابل المدير ينفع
سمر معاتبة :
-  كدة اول يوم تتاخري
فرحة :
-  اصل أنا كنت هعمل حادثة ده إلى اخرني
سمر بقلق :
-  بجد طب انتي كويسة الوقت
فرحة :
-  اه الحمد لله
سمر :
-  طيب أنا هكلم المدير
رفعت سماعة الهاتف واتصلت به
سمر :
-  حضرتك فرحة جت الوقت ادخلها
جاسم بضيق :
-  اه دخليها
سمر :
-  حاضر يافندم
وتغلق سماعة الهاتف وتنظر لفرحة وهي تقول
سمر بقلق :
-  شكلة متنرفز منك
فرحة :
-  ربنا يستر
سمر :
-  طب يلا ادخلي بسرعه
فرحة :
-  ماشي  عن اذنك
ذهبت فرحة امام مكتبة ودقت الباب
جاسم :
-  ادخل
تدخل فرحة وهي قلقة قليلا
جاسم بصوت مرتفع نسبيا :
-  اول يوم وتتاخري فيه يظهر اني غلط في الاختيار
فرحة وقد بدأت الدموع تنهمر من عينيها :
-  لو سمحت يافندم بلاش تعلي صوتك عليا قبل ماتعرف اتأخرت ليه
جاسم وقد بدأ يهدأ :
-  طيب قولي
فرحة :
-  وانا سايقة العربية واحد غبي كان هيخبط فيا ونزل يتشاكل معايا واتطريت اتأخر
جاسم متفهما :
-  انا آسف مكنتش اعرف انتي كويسة الوقت
فرحة :
-  اه الحمد لله أنا اتفاديتة كان فاتنا احنا الاتنين في المستشفي الوقت
جاسم :
-  بعد الشر
فرحة :
-  شكرا يافندم اتفضل ده الموضوع إلى هقولة النهارده
جاسم بعد وقت من تفحصة للاوراق المدون فيها الموضوع :
-  تمام اوي أنا عجبني جدًا موضوعك النهاردا عن الاسره
فرحة :
-  اه الاسرة المكتمله
جاسم :
-  بس الموضوع جميل
فرحة :
-  طيب يافندم شكرا
جاسم :
-  نص ساعة والبرنامج يبدأ استعدي
فرحة :
-  تمام هستأذن أنا بقا
جاسم :
-  اتفضلي
تخرج فرحة من المكتب وهي تقرأ في الاوراق يمر بجانبها ياسين ولكن لاتنتبة له ويمر ياسين وبجانبها وهو غير منتبة لها ..
                          *           *           *
كان جاسم جالسا في مكتبة وفجاه فتح الباب ودخل ياسين إلى الغرفة
فنظر له جاسم واتبع قائلًا  بمزاح
جاسم بمزاح :
-  قول احم حتى
ياسين بضيق :
-  معلش ياجاسم
جاسم وهو يقوم من على الكرسي :
-  ياعم أنا بهزر معاك بس مالك كدا
ياسين وهو يجلس فوق المكتب ويضع يده على رأسة :
-  حبيبة ياجاسم
جاسم بقلق :
-  مالها حبيبه
ياسين بحزن :
-  بتقول ان خالد خانها وهي الوقت حالتها وحشة اوي مش عارف اطلعها من الحزن إللي هي عايشة فيه دا
جاسم بصدمة :
-  انت بتقول ايه ياياسين خالد يخونها ازاي خالد بيعشقها عشق يابني ده كان لو يطول يجيبلها النجوم من السما هيجبها
ياسين بصوت مرتفع :
-  ما ده إلى أنا مش فاهمه
جاسم :
-  طب اهدي بس شوية واحكيلي إيه إللي حصل بالظبط ..
                          *           *           *
في احدى المنازل
سارة بقلق شديد :
-  أنا خايف اوي على خالد يابابا مرجعش من امبارح ومش عارفة الاقية فين وتلفونة مقفول
الاب بقلق :
-  لية هو كان فين؟؟
سارة :
-  يابابا هو راح عند بيت حبيبة ومرجعش من بعدها أنا خايفة اوي
الاب :
-  متقلقيش هنعرف هو فين ان شاء الله اتصلي حتى بياسين كدا
سارة :
-  معيش رقمه
الاب :
-  أنا معايا أنا كنت حاضر كتب كتابة عشان أنا عمة وبمقام ابوة الله يرحمة وكنت واحد من الشهود وياسين عطاني رقمة في اليوم دا
سارة بلهفة :
-  هاتو بسرعه
الأب :
-  خدي يابنتي الرقم هو ..
                          *           *           *
في مكتب جاسم
جاسم بصدمة :
-  ياااااااه كل ده حصل
ياسين بحزن :
-  اه للاسف وانا مش عارف اعمل ايه الوقت
جاسم :
-  طب ماتحاول تكلمة او تخليهم يوجهو بعض
ياسين :
-  ماهي مش راضية تكلمه
وفجأة يرن هاتف ياسين برقم مجهول
ياسين :
-  ده رقم غريب
جاسم :
-  طب رد ونشوف مين
ياسين :
-  ماشي
يرد ياسين
ياسين :
-  الو
سارة :
-  الو انت ياسين عاصم مش كدا
ياسين :
-  ايوة انتي مين
سارة :
-  أنا بنت عم خالد واسمي ساره
ياسين :
-  تقصدي عمة صفوت
سارة :
-  اه أنا وبتصل بيك عشان اسألك على خالد
ياسين بتعجب :
-  خالد !!
سارة :
-  اه خالد اجي عندكو امبارح ومرجعش من ساعتها وتلفونة مقفول
ياسين بقلق :
-  ازاي !! هيكون راح فين يعني ؟؟
سارة بحزن :
-  مش عارفة أنا قلقانة عليه اوي
ياسين وقد بدا الشك يعترية :
-  انتي بنت عمة بس !! ...............................................................................!!!!!!؟؟؟