العشق الضآل

الفصل الثاني :

اسماء :
-  طب دي حاجة جميلة جدًا انتي عارفة اني بحب جنى جدًا إيه إللي بيخلية ميتقدمش وهو جاهز من كله !!
فرحة :
-  الصراحة ياماما حجتة ان العيلة بتاعتنا مفككة كل واحد فيها فاجنب يعني سعات نفضل شهر كامل مانشوفش بعض !! هو مش عارف يروح يتقدملها ازاي !!! هو متدايق من كدة فاهماني
اسماء بحزن :
-  اه فهماكي ياحبيبتي طب أنا رايحة انام الوقت عاوزة حاجه
فرحة :
-  لا عاوزة سلامتك
اسماء :
-  تصبحي على خير
فرحة بابتسامة :
-  وانتي من اهل الخير ياحبيبتي
ذهبت اسماء إلى غرفتها فقالت فرحة لنفسها :
-  يمكن أنا قسيت عليكي ياماما لما قولت كدة بس أنا تعبت من الحال ده ويوسف زهق كمان حتى انتو تعبتو نفسي بقى نرجع عيلة واحدة ونتلم تاني
نزلت من عينها دمعة اخفتها وهي تقول :
-  اكيد ان شاء الله إلى جاي احسن
ثم قامت من على سريرها كما اعتادت ان تفعل كل يوم قبل نومها واحضرت مصحفا لتقرأ به ايآت القرآن الكريم وبدأت من الايه التي قد توقفت عندها بصوتها العذب ترتل الآيات"لا يكلف الله نفسا الا وسعها لها ماكسبت وعليها ما اكتسبت ربنا لا تؤاخذنا ان نسينا او اخطانا ربنا ولا تحمل علينا اصرا كما حملتة على الذين من قبلنا ربنا ولا تحملنا ما لا طاقة لنا به واعفو عنا واغفر لنا وارحمنا انت مولانا فانصرنا على القوم الكافرين......." كانت تقرأ الايات وعيناها تفيض من الدمع فكل كلمة تقرأها تناجي بها ربها وفي نفسها تقول كم انت رحيم ياالله فعندما تغلق كل الابواب امامنا ولا نجد اي باب مفتوح يفتح لنا بابك على مصرعية كم اشكرك ربي على تلك النعمة "نعمة الاسلام" ..
                          *           *           *
حين خرجت اسماء من غرفة ابنتها وهي تبكي من ذاك الكلام التي قد سمعتة ركضت إلى غرفتها وهي تبكي بشدة وهي في الطريق اصتضمت بمحمد ولكنها لم تنتبه
دخلت غرفتها واغلقت الباب عليها وسمحت لدموعها ان تتساقط بكل حريه
اسماء ببكاء حاد :
-  يارب طب أنا كدة ام وحشة أنا السبب في تعاسة ولادي ابني بيحب واحدة وبسببي أنا وابوة مش عارفين نجوزهالو اكيد اصلا محمد معدش بيحبني ابدا والرجوع لية بقى اشبة بالمستحيل طب اعمل ايه بس يارب
وفجأة وجدت الباب يطرق بدأت تمسح دموعها وقالت بصوت شبية بالبكاء :
-  مين
محمد :
-  أنا محمد ياأسماء ممكن تفتحي !!
اسماء :
-  حاضر
توجهت اسماء نحو الباب وفتحته
اسماء :
-  عاوز حاجة ؟؟؟!!
دخل محمد الغرفة وتابع بسؤال
محمد :
-  مالك كنتي بتعيطي لية ؟؟
اسماء محاولة تغير الموضوع :
-  الولاد نامو
محمد :
-  متوهنيش يااسماء مالك ؟!!!
اسماء :
-  مفيش
محمد بحزن :
-  بالرغم من كل حاجة وبالرغم من كل إلى حصل بينا أنا موافقتش اطلقك ابدا في يوم من الايام اليوم إلى أنا اتجوزتك فيه كان اسعد يوم في حياتي بس كان فيه حاجة قبل اما اتجوزك فترة كتب الكتاب كنت فاهمك بالملي كل حرف كل حركة اي نظرة كنت بفهمك دايما فابلاش تحاولي تخبي عليا ابدا لاني لسا زي ما أنا !!
اسماء :
-  ده من عشر سنين يامحمد انت لسا فاكرني !!!
محمد :
-  اه طبعا عمري ماقدرت انساكي يوم ولا حتى حاولت انساكي أنا كنت دايما متعلق بكل ذكري في يوم قضيناه سوي
اسماء وقد بدات تبكي :
-  كلو راح خلاص
واتبعت حركاتها بجلسة على الارض تضع يداها على رأسها وهي تقول :
-  عارف أنا مكنتش متصورة في يوم من الايام اني اكون سبب في عذاب ولادي بس اكتشفت ان ابني مش عارف يتقدم لجنى بسبب اننا اسرة مفككة !!!! وتابعت ببكاء قد زاد عليه الحزن هما :
-  أنا معرفش اعمل ايه الوقت
جلس محمد بجانبها على الارض
محمد :
-  طيب اهدي الوقت واحنا هنحاول نحل الموضوع انتي افضلي عايشة معانا هنا وبلاش تسافري تاني وانتي اتصرفي معايا زي مانتي عاوزة مش عاوزة تعتبريني جوزك شبة ال10 سنين إلى فاتو ده ياحبيبتي يرجعلك وانا عمري ما هغصب عليكي بحاجه
اسماء ببكاء :
-  عارف أنا مكنتش متخيلة فايوم من الايام ان احنا نقدر ننفصل عن بعض 10 سنين متخيلتهاش !!
محمد بحزن :
-  كل مشكلة وليها حل حتى مشكلتنا إلى حصلت دي أنا فعلا غلطت لما شكيت فيكي بس !! كانت كل الادلة ضدك وكنت مصدوم مقدرتش اتحمل والله وبعدها اما عرفت الحقيقة حاولت اصالحك كتير بس انتي مرضتيش اسماء أنا عملت كل حاجة عشان ارجعك مرضتيش جيت اعتذرتلك قدام اهلك مرضتيش اترجيتك تفضلي برضوه  مرضتيش عملتلك حفلة ومفاجاه كبيرة عشان ترضي برضوه  مفيش برضوه  انتي زي ماانتي وفضلت كلمتك متعلقة فادماغي "انا بكرهك" مش قادر اوصفلك الكلمة دي وحشة ازاي ولا حتى شعورها ناحيتي أنا كنت بتعذب بدل المرة الف وكل يوم اصبر نفسي واقول هترجع مفيش برضوه  مجتيش خالص
زادها ذاك الكلام حزنا وبدا بكائها يزداد
امسك محمد يدها وقال
محمد :
-  وبالرغم من كل ده أنا لسا بحبك حبي ليكي مقلش ولا ثانية بالعكس كان بيزيد
نظرت له وكأن تلك الكلمات التي كانت تنتظرها منذ الازل
تابع محمد قائلًا  :
-  بطلي عياط بقا
اسماء ببكاء :
-  هو أنا ظالمة اوي كدا
محمد بحزن :
-  أنا إللي ظالم عشان قولت الكلام ده دلوقت !!
ووضع يداه الاثنتان على وجهها ومسح لها دموعها وفجأة قامت اسماء باحتضانة بقوة وهي تبكي..
صدم محمد في بادئ الامر لم يعلم هل يفرح لاجل ماحدث الآن  وانها بين يديه بعد سنوات من الشوق والحنين اليها ام يحزن لاجل بكائها المستمر ضمها محمد اليه بشدة واخذ يربت على شعرها وهو يردد
محمد :
-  خلاص اهدي ياحبيبتي خلاص
اسماء ببكاء :
-  والله أنا كمان بحبك اوي وكنت بتعذب في كل لحظة فراق انت كنت كل حياتي
محمد :
-  مرة واحدة بس مرة واحدة كنتي تيجي وتقولي عاوزة نرجع على طول كنا هنرجع واحسن من الاول كمان
اسماء :
-  أنا مقدرتش اعمل كدة أنا إللي بدأت و في نظري كان لازم افضل على نفس الرأي
محمد :
-  بس أنا عاوزك تفتكري أنا هفضل جمبك في اي قرار هتاخدية هفضل دايما جمبك وهدعمك ولو عوزتي في يوم نرجع أنا قلبي مفتوح
بدأت اسماء تهدأ وكأنها كانت في احضان والدتها الحنون وبدأت بالابتعاد عنه
نظر لها محمد مطمئننا وكأنة يقول "لاتخافي ياحبيبتي سأظل دوما معك وان رحل الجميع سأكون دوما معك سأحبك وسأعطيكي الحنان إلى ابد الدهر"
ابتسمت اسماء لتلك النظرة وبدأ محمد بالوقوف ووقفت اسماء ايضا
محمد :
-  بصي يا اسماء انتي هتفضلي في البيت ده اما موضوع جنى ده فاحنا هنروح نتقدملها وانا هكلم والدها احنا صحاب وهحدد معاه معاد
اسماء بابتسامة :
-  ماشي
خرج محمد من الغرفة وعلامات السعادة تملأ وجهة التعيس منذ زمن بعيد ..
اما اسماء فكانت تخاطب نفسها قائلة :
-  هو أنا لية حضنتو بجد!! بس هو كان واحشني اوي معقولة هو بجد لسا بيحبني ومنسانيش !! بس أنا بجد كنت محتاجاه ..!!!
                          *           *           *
كانت فرحة جالسة في غرفتها وكانت لاتزال تقرأ من كتاب الله العزيز دخل عليها يوسف وهي عند ايه تقول "ولا تيأسو من روح الله انه لا ييأس من روح الله الا القوم الكافرون"
يوسف :
-  صدق الله العظيم والله كأن ربنا بيبشرنا
فرحة :
-  انت جيت امت !!!
يوسف :
-  حالا كنت عاوز اقولك على حاجه
فرحة :
-  اه قول أنا معاك
يوسف :
-  فرحة أنا فرحان اوي أنا كنت نايم وصحيت عطشان جدًا جيت اروح المطبخ عشان اشرب لقيت بابا بيخبط على ماما وماما كانت بتعيط وفهمت انك قلتلها على اني عاوز اتقدم لجني
فرحة :
-  أنا اسفة والله بس
يوسف مقاطعا :
-  ياحبيبتي متعذريش ده كان حل حلو اوي اسمعي بقى إلى حصل ياستي بابا دخل على ماما و ..
                          *           *           *
في بيت ياسين
كان لا يستطيع النوم بسبب حزنه على اخته وتذكرها حينما قالت له...
حبيبة ببكاء :
-  بص أنا كنت راحة الجامعة من شهر لمحت خالد فاستغربت ولما قربت منه لقيتو ماسك ايد بنت وبيبوس راسها وبيقولها مع السلامة ياحبيبتي
وبدأت تنهار باكية وياسين يضمها اليه قائلًا
ياسين :
-  اهدي ياحبيبتي عشان خطري اهدي بس أنا مش مسدق خالد يعمل كدة ازاي!!!!!!!!!!
حبيبة ببكاء :
-  اه والله عمل كدا
ياسين بغضب :
-  والله العظيم أنا هوريه
ابتعدت عنة قائله
حبيبة :
-  متكلموش ولا كلمة أنا امبارح كلمتو وهزقتو وقلت كل حاجة وقفلت في وشة بعدها متكلموش خلاص ولا كأننا لينا علاقة بيه
وانهارت باكية من جديد
عاد ياسين إلى الواقع ومشاعرة مختلطة بين الحزن والغضب الشديد والندم على موافقتة هو ووالدة على خالد!! وبعد محاولات عديدة استطاع ياسين النوم اخيرا بصعوبة كبيرة ...
                          *           *           *
مر اليوم على ابطالنا جميعا ولله الحمد بكل خير
في صباح اليوم الثاني وبالتحديد في بيت فرحة
استيقظت فرحة من نومها باكرا الساعة السادسة وذهبت إلى الحمام لتغسل وجهها وتتوضأ ثم خرجت من الحمام وأدت فرضها ثم ذهبت إلى غرفة اخيها يوسف ودخلت عليه
فرحة :
-  يوسف يلا اصحي بقى عشان متأخرنيش
يوسف بصوت نائم :
-  اه اه انام شوية بس
فرحة :
-  قوم بقى يابارد انت مش قلتلي أنا إللي هوديكي الشغل بكرا
يوسف بنعاس :
-  اما يجي بكرا بقا
فرحة :
-  ما النهاردا بكرا ياذكي ثم تابعت بصوت اعلي :
-  قوووووم بقا
يوسف وقد بدأ يستفيق :
-  حاضر شوية بس
فرحة بحزن مصطنع وهي تتجة نحو الباب :
-  أنا هفتح الباب وهخرج منو ومش هطلب منك حاجة تانية وهتحمل جرح قلبي والدمعة إلى على خدي
يوسف :
-  طب كويس وخدي الباب معاكي وانتي خارجه
فرحة :
-  عاااااااااااااا هضربك والله
واحضرت وسادة من على سريرة وبدأت تضربة بها بقوة وهي تقول
فرحة :
-  خد دي ودي عشان مش راضي تصحبي ودي عشان تقولي خدي الباب معاكي وانتي طالعة أنا هوريك
يوسف وهو يقوم من على السرير :
-  اه اه طب براحة أنا قايم
فرحة وهي تستمر بضربة :
-  لا مش براحة خد دي
يوسف :
-  بقى كدا
وتناول وسادة بجانبه وبدأ يضربها بها وهي تستمر بضربة واستمرو لفترة بتلك الحرب الممتعة إلى ان  بدأو يضحكون سويا
فرحة :
-  هههههههههة مش قادرة خلاص
يوسف :
-  ههههههههههة ولا أنا فاكرة زمان كنا نفضل نلعب كدة كتير
استلقت فرحة على السرير وهي تمد يداها الاثنتان وتقول :
-  اااااه  كل حاجة زمان كانت احسن بكتير
يوسف وهو يستلقي بجانبها :
-  بس أنا عندي احساس ان إلى جاي احسن
فرحة بابتسامة :
-  وانا كمان
ثم قامت بسرعة من على السرير وهي تصرخ
فرحة :
-  الشغل الساعة كام !!!!
يوسف :
-  يابت لسا بدري الشغل 9 والوقت الساعة 7ونص
فرحة :
-  لا ما احنا لسا هنلبس وحجات كتير يلا بسرعه
يوسف :
-  هههههههة حاضر حاضر يلا ..
                          *           *           *
في بيت جاسم
جاسم :
-  بابا ماما أنا رايح الشغل عاوزين حاجه
الام :
-  لا ياحبيبي متتاخرش بس عشان الغدا
جاسم :
-  موعدكيش ياماما والله اصل النهاردا هفضل اختار مذيعات جدًاد وانتو عارفين المناظر إلى بنقابلها
الام :
-  اه بس حاول متتاخرش
جاسم :
-  حاضر ياحبيبتي
الاب :
-  جاسم هو ياسين مش جاي معاك ولا ايه !!!
جاسم :
-  هههههههههة لا الواد طفش   ثم تابع بإشارة اصبعة إلى الخلف وهو يقول :
-  فاكر اخر مرة كانو 200 اختارت منهم 3 وبالعافيه فااتعقد مني
الاب :
-  ههههههههة والله انت مفتري متنساش انه ابن صاحبي ياولد
الام :
-  ههههههههة ابنك هيطلع عينهم ربنا يكون في عونهم
جاسم :
-  بتدعيلهم والله مايستحقو بيحسسوني اني بقولهم اظهرو على التلفزيون دي اذاعة يعني على الراديو مش هيظهرو بس لا كل هدفهم يغرو المدير ده ويوقعو الراجل ده حاجة والله تخلي الواحد يقرف
الاب :
-  معلش يابني الشغلانة دي كلها كدا
جاسم :
-  ماشاء الله ياحج سليم تقعد انت عن الشغل وتخلي ابنك يشتغل ويشوف المناظر دي كل يوم وترجع تقولو معلش يابني الشغلانة دي كلها كدا
سليم :
-  هههههههة ما أنا اخدت دوري خلاص الدور عليك انت وياسين بقا
جاسم :
-  هههههههة لا من ناحية ياسين فاهو كرة الشغلانة دي اصل الواد جامد الصراحة عيون زارقة وشعر مسبسب وطويل ده كله كوم وضحكتو إلى بتبين غمزاتو دي كوم تاني خالص حاجة تفتح النفس كدة وتلقي البنات هناك عاوزة تلزق فيه
سليم :
-  ههههههة الواد هيتحرق حرام عليك كفايه حسد
جاسم :
-  ههههههههة بقى كدة يابابا أنا عمري حسدت حد
سليم :
-  هههههههة لا الحمد لله انك مش بتحسد والا كان فاتو اتشوه!!
الام :
-  ههههههههة جرا ايه ياسليم انت ناسي ابنك ولا ايه ده قمر هو كمان وعندو نفس الجمال
سليم :
-  والله ياصبرين معاكي حق بس هو مش واخد بالة !
جاسم وهو يضع يداه على فمة ويرسل قبلات فاالهواء :
-  شكرا ياجماعة لا داعي للاطراء
سليم :
-  جاسم انت اتأخرت على الشغل يلا اتمشي
جاسم :
-  ههههههههة طب حتى سبني اكمل المشهد
سليم :
-  يلا ياواد على الشغل متتأخرش
جاسم :
-  هههههههة حاضر حاضر متزقش ..
                          *           *           *
في بيت ياسين
حبيبة :
-  استني افطر الاول قبل ماتنزل
ياسين :
-  يابت هتأخر والله مفيش وقت
حبيبة :
-  افتح بقك يازفت مش هتمشي الا لما تاكل
وضع ياسين يده على كتفها وقبل رأسها وهو يقول :
-  هاكل والله عشانك بس انتي اكلتي
حبيبة تحاول التهرب :
-  بس انت كل الوقت يلا
ياسين :
-  ااااااه مكلتيش !!!
قاطعة رنين هاتفة فاخرجة واجاب
ياسين :
-  الو .. لا أنا مش جاي معلش النهاردة .. لالا روحو انتو عادي .. معلش فيه ظروف كدة ومش فاضي .. ماشي  سلام
حبيبة :
-  ياسييين مرحتش لية !
ياسين :
-  لا أنا كدة كدة اصلا مكنتش رايح أنا كنت رايح على مشوار تاني بس بما انك مكلتيش يولع المشوار على الخروجة على الشغل على اي حاجة يلا عشان تاكلي
حبيبة :
-  طب لية كدة !!
ياسين :
-  انتي عارفة انك اغلي حاجة في حياتي صح ومش عشان شغلي مهتمش بيكي أنا مش زي بابا يلا تعالي
وسحبها من يدها واجلسها على الكرسي
حبيبة :
-  ربنا يخليك ليا يارب
ياسين :
-  ويخليكي ياحبيبتي يارب حبيبة أنا مش عاوزك يوم تداري حزنك عليا شاركيني حزنك مش انتي لما ماما الله يرحمها ماتت وانا كنت تعبان جيتي انتي وواستيني مع انك كنتي تعبانة جدًا وقلتيلي احنا مش لازم ابدا نداري زعلنا على بعض وفضلنا نعيط سوا انتي بقى فضلتي شهر كامل مخبية على اخوكي تعرفي أنا زعلت اوي انك مقلتليش
حبيبة :
-  ما أنا مكنتش عاوزة ادايقك وف نفس الوقت مكنتش قادرة اتظاهر بالبرود والا مبالاه ثم تابعت ببكاء :
-  لأن أنا مش بحبك تزعل
ضمها ياسين اليه وهو يقول :
-  بصي ياحبيبتي من هنا ورايح اي حاجة تحصل تعالي قوليلي وانا هقف دايما معاكي في اي حاجة يلا بقى عشان تاكلي وبطلي عياط
وابتعد عنها ومسح لها دموعها وشرع في اطعامها وبادلتة اطعامة هي الاخري حتى انتهو ..
ياسين بابتسامة جذابة :
-  تيجي نخرج
حبيبة بفرحة :
-  اه فين !!
ياسين :
-  البسي وانا هاخدك يلا
حبيبة :
-  لا لازم اعرف الاول
ياسين :
-  لا مفاجأة يلا البسي يابت
حبيبة وهي تتمتم بكلام كالاطفال :
-  نانانا مفاجاه وبتاع !!
ياسين :
-  بتقولي ايه مش عاوزة تخرجي !!!!
حبيبة وهي تصعد السلم بسرعة :
-  هو أنا اتكلمت دقيقة وارجع
ياسين :
-  هههههههة مجنونة اقسم بالله واكمل بصوت منخفض :
-  ربنا يسعدلك ايامك يارب
                          *           *           *
في بيت فرحة
كانت قد ارتدت فستان طويل حتى قدميها وحجابا يغطي شعرها الجميل يزيدها جمالا ..
فرحة :
-  يوسف لبست خلاص
يوسف :
-  من ساعة وانتي لسا بتلبسي
فرحة :
-  خلاص اهو يلا بقى استني هروح اقول لماما وبابا ان احنا نازلين
يوسف :
-  طيب بسرعه
فرحة :
-  طيب
وذهبت من امامة لتخبر والديها
                          *           *           *
في بيت ياسين
حبيبة :
-  اااااااهو خلاص لبس
ياسين :
-  ايه يابت القمر ده بس اشمعنا طرحة بيج على فستان لونة بني
حبيبة :
-  يابني انتو ولاد مبتفهموش فاالموضه
ياسين :
-  ياشيخة طب اتجري قدامي يلا
حبيبة :
-  ههههههة لا اسمها يلا يابرنسيسة قدامي
ياسين :
-  اهو أنا اقول اي حاجة عشان تظهر ضحكتك دي تاني
حبيبة بابتسامة :
-  ربنا يخليك ليا يارب
ياسين :
-  أنا وانتي يارب
وامسك يدها وخرجو من المنزل وعند وقوفهم عند السياره
حبيبة :
-  مش هتقولي رايحين على فين
ياسين :
-  تؤ تؤ تؤ مفااجاه ..!
                          *           *           *
في سيارة يوسف
يوسف :
-  ادينا وصلنا أنا عاوزك كدة بقى تدخلي بقلب جريئ وانتي واثقة في نفسك وانا واثق انك هتكوني Number One
فرحة :
-  هههههههههة Number One مرة واحده
يوسف :
-  طبعا يافروحة انتي اصلا محدش زيك اصلا ثم تابع بابتسامة :
-  على فكرة أنا واثق انك هتنجحي فاالمقابلة دي وهتبقي مذيعة اد الدنيا ..........................................................................!!!!!؟؟؟؟