العشق الضآل

الفصل السابع :

ياسين :
- انتي خرجتي بدري لية لسا ساعة كاملة على معاد مرواحك للبيت
فرحة بهدوء :
- أنا اخدت اذن من الاستاذ جاسم وقلتلة اني لازم اروح بدري النهاردة ممكن حضرتك تبعد من قدام العربية عشان امشي
ياسين بغيظ :
- بس أنا المدير برضوه ولازم تيجي تسأليني
فرحة بثقة :
- حضرتك أنا لازم اخد كام اذن عشان امشي معلش النهاردة عندي ظروف ولازم ارجع البيت بدري مرة تانية هعوضها
شعر ياسين بغضب شديد وذهب من امامها بدون اي كلمة ..
ركتبت فرحة سيارتها وبدأت بقيادتها وهي تقول
فرحة :
- يارب صبرني شكلي هتخنق في الشغلانة دي كان كل حاجة تمام لحد ما اجي ده ..
* * *
توجة ياسين إلى مكتب جاسم غاضبا
ياسين بغضب :
- انت لية خلتها تمشي الوقت
جاسم وهو يرفع احدى حاجبية :
- مين فرحة ؟
ياسين بغضب :
- اه
جاسم :
- عشان هي اخدت اذن وعندها ظروف النهارده
ياسين بغضب :
- وهو اي حد هاوز يمشي هنمشية كدة عادي
جاسم :
- اهدي ياياسين البت اخوها رايح يخطب النهاردة وهي لازم تكون معاهم
ياسين :
- ماشي بس برضوه ..
جاسم مقاطعا :
- انت مالك ياياسين انت مش بتهتم اصلا بالحجات دي وبعدين أنا إللي بتشاكل معاك دايما عشان انت بتمشي كل إلى عاوز يمشي
ياسين :
- خلاص مش مهم
جاسم :
- هههههههة ماشي مش مهم اهدي عليها والله دي طيبة خالص
ياسين بغيظ :
- دي طيبة طب اسكت خالص انت مش عارف حاجة دي اعوذ بالله منها ياشيخ
جاسم :
- هههههههة حرام عليك أنا بحس انها طيبة والله
ياسين بغضب :
- أنا ماشي احسن
يخرج ياسين من مكتبة ويظل جاسم يضحك عليه
تدخل سمر
سمر :
- جاسم بية اتفضل ده الورق إلى انت طلبتة من شويه
جاسم بابتسامة :
- شكرا
كانت سمر على وشك ان تغادر إلى ان فاجأها جاسم بكلمته
جاسم :
- سمر ممكن اخد رقم والدك
سمر بدهشة :
- لية !!
جاسم :
- عاوزة في حاجه
سمر :
- ماشي الرقم هو ..
* * * *
في بيت فرحة
يوسف :
- ماما هي فرحة هتتأخر ولا ايه معتش الا ساعه
اسماء :
- لا أنا كلمتها وقالتلي جايه في الطريق
يوسف :
- كويس
محمد :
- ههههههههة اهدي كدة يا يوسف اول مرة اشوفك بالحالة دي
اسماء :
- هههههههة متوتر اوي كدة ليه
يوسف بغيظ :
- خلاص خلاص بطلو تريقة أنا عادي اهو
محمد :
- واضح واضح ههههههههه
يوسف بخبث :
- يعني انت مكنتش كدة لما روحت تتقدم لماما ؟؟
محمد بدهشة من سؤالة :
- لا كنت كدة واكتر كمان
ثم تانبع بنظرة إلى اسماء :
- عشان أنا كنت بحبها اوي وكان نفسي اعرف هي كمان بتحبني ولا لا
اسماء بابتسامة :
- احنا كنا بنحب بعض حب ولا في الافلام
يوسف بنبرة حزن :
- يعني لو جنى بتحبني واتجوزنا ممكن نتفرق زيكو كده
محمد بثقة :
- احنا مش متفرقين ولا حاجة يايوسف انت لية بتقول كدة ؟؟
يوسف بإبتسامة حزينة :
- على الاقل الوقت مش متفرقين
ذهبت اسماء وجلست بجانب محمد وامسكت يده وهي تقول :
- ولا هنتفرق تاني ياحبيبي ان شاء الله
نظر لها محمد بسعادة غامرة واغلق يده على يدها بقوه
يوسف بإبتسامة :
- ان شاء الله مش هنفترق ابدا
فرحة :
- انتو بتتكلمو من غيري في ايه هاا هاااا اعترفو
بدأ الجميع بالضحك على طريقتها في الكلام ثم قال يوسف
يوسف :
- بت يلا روحي البسي لنتأخر
فرحة بخبث :
- شوفو الوقت خايف نتأخر وفي اي وقت تاني نتأخر عادي
يوسف :
- دي جنى ياماما جنى مش اي حد
فرحة وهي ترفع حاجبها الايسر :
- جنى طيب أنا بفكر البس بعد ساعة كدة ولا حاجه
يوسف بغضب مصطنع :
- فرحة يلا البسي
فرحة بإبتسامة :
- لا
احضر يوسف احدى الوسادات ورماها عليها وهو يقول :
- البسي
فرحة :
- ههههههههة طيب طيب هلبس ..
* * *
كانت في غايه السعادة جالسة وتتذكرة من اول يوم رأتة فيها قبل اربع سنوات كانت عند فرحة في غرفتها وكانت فرحة في المطبخ وفجأة دخل يوسف غرفة فرحة وهو يجفف شعره بمنشفة وهو يقول
يوسف وهو يجفف شعره :
- فرحة بقولك مشوفتيش القميص الازرق بتاعي
ثم نظر إلى الغرفة لم يري الا جني
جنى بخجل :
- هي فرحة راحت المطبخ الوقت
يوسف بإبتسامة :
- انا آسف مكنتش اعرف
جائت فرحة في ذاك الوقت وهي تقول
فرحة :
- يوسف عاوز حاجه
يوسف :
- اه كنت عاوز القميص الازرق بتاعي مش لاقيه
لم تعلم لماذا شعرت عندما راتة بفرحة شديدة ممزوجة ببعض من الراحة كم تمنت ان يظل واقفا يتحدث اليها في ذاك اليوم .. ثم تذكرت يوم كانت فيه في الجامعة وكانت جالسة وحدها ولم تحضر فرحة في ذاك اليوم فجاء احدى الشباب في الجامعة وبظأ يضايقها
الشاب :
- ايه الجمال ده تسمحي نتعرف
شعرت جنى بغضب شديد ثم ذهبت من امامة الا انه لم يتركها ابدا لترحل فوقف امامها وجاء اثنان من اصدقائة يحاوطونها فشعرت بخوف شديد وبدأت تبكي وفجأة جاء يوسف وبدأ يضربهم واحدا تلو الآخر حتى اوقعهم ارضا وذهب عند جنى واخرج منديلا وهو يقول
يوسف :
- خدي المنديل ده وبطلي تعيطي
نظرت له جنى ثم امسكت المنديل وهي تقول :
- شكرا يايوسف
يوسف :
- روحي اقعدي هناك بلاش تيجي في الحتة دي تاني لانها مليانة شباب قذرة زي دول
اومأت جنى رأسها ثم ذهبت إلى حيث قال لها ..
ترجع جنى من ذكرياتها على صوت والدها وهو يقول
الاب :
- جنى وصلو
جنى بإبتسامة :
- ماشي يابابا أنا خارجة اهو
خرجت جنى وهي في غايه السعادة ومر بعض الوقت اثناء حديثهم ثم قال محمد
محمد :
- أنا شايف نسيبهم يتكلمو لوحدهم شويه
وافق الجميع ثم غادرو لتركهك وحدهم
وبمجرد ذهابهم احضر يوسف الكرسي امامها مباشرة وجلس عليه
ضحكت جنى من طريقتة السريعة في احضارة للكرسي
ثم تابع يوسف :
- هااا هتوافقي عليا ولا اجيب السكينة إلى هناك دي
جنى بدهشة :
- السكينة !! هتقتلني !!
يوسف بإبتسامة :
- اكيد لو موافقتيش
جنى بمزاح :
- ههههههههة ياخسارة شكلك هتدخل السجن
يوسف :
- لا ما إلى انتي متعرفهوش اني هقتل نفسي بعدك على طول عشان مقدرش اعيش من غيرك يوم
جنى وقد احمر وجهها :
- بجد
يوسف بإبتسامة :
- من زمان مقدرش اعيش من غيرك من لما شوتك اول مرة حسيت بإحساس غريب حسيت ان انتي إلى بتمناها
اكتفت جنى بوجهها المشع احمرارا ولم تترك لاي كلمة ملجأ
يوسف :
- هاا ده يعتبر موافقة ولا هندخل السكينة في النص
جنى بخوف مصطنع :
- لا لا سكينة لية أنا موافقه
يوسف بضحك :
- ههههههههة أيوة كده
جنى :
- هههههههة اه أنا لسا صغيرة اوافق ارحم ماتقتلني الوقت
يوسف :
- هههههههة الواحد لازم يحافظ على حياتة بردو
جنى بإبتسامة :
- طبعا
يوسف :
- المهم عاوز اعرف عاوزة تقضي شهر العسل فين و..
اتسعت عيناها في دهشة وقالت :
- يوووسف
يوسف بإبتسامة :
- عيووون يوسف
احمرت وجنتاها بشدة ثم استمر صمتها إلى ان قطع يوسف ذاك الصمت قائلًا
يوسف :
- حد قالك قبل كدة انك بتبقي جميلة اوي لما بتتحرجي وتحمري كده
جنى وقد احمرت وجنتاها اكثر :
- شكرا
يوسف بإبتسامة عذبة :
- انتي عارفة ان أنا ...
قاطع حديثهم مجئ اهلهما
محمد وهو يهمس لوالد جنى :
- عادل على ما اظن هما هيوافقو
عادل بهمش :
- اصلا جنى موافقة متقلقش
ابتسم محمد سعيدا لذاك الخبر
عادل بإبتسامة :
- اتعرفتو على بعض ؟؟
كان من السزاجة ان يسأل ذاك السؤال الا انه قد سألة لينبههما بوجوده
يوسف وهو ينظر خلفة ثم وقف من على الكرسي بإبتسامة قائلًا :
- أنا ياعمي عارفها من زمان من 4 سنين اكيد متعرفين على بعض
عادل :
- ههههههههة ايه رايك ياجنى موافقه
اومأت جنى رأسها بخجل فتعالت الفرحة ترفرف في قلوب الجميع وبدت الابتسامة مرسومة كفرحة حانية تأتي لتسعد قلوبهم ..
* * *
مر اليوم بسلام وقد اتفقوا على ميعاد الخطبة بعد اسبوعان ومر اليوم على ابطال روايتي بسعادة بالغه
* * *
في صباح اليوم الثاني
وتحديدا داخل المحطة الازاعيه
كانت فرحة جالسة على مكتبها وفجأة .. جائت ريم تحمل ورقة بيدها ووقفت امام مكتب فرحة تقول
ريم :
- فرحة بصي في اعلان جديد عن مسابقة رسم في المنتزة إلى لسا فاتحينو قريب
فرحة :
- رسم طب أنا لا لا متفكريش حتى مش هشترك
ريم بإلحاح :
- فرحة يلا بقى اشتركي انتي ورتيني رسمة لعصفور مرة وكانت جميلة اوي
فرحة :
- لا عصفور حاجة ومسابقة رسم حاجة تانيه
ريم :
- لا بجد انتي لو دخلتيها هتكسبيهم كلهم
فرحة :
- لا ياريم مش عاوزة مش فاضية ليها اصلا
ياسين :
- ودي بقى حجة من حججك قوليلها الحقيقة انك خايفة تخسري
فرحة بغضب :
- لا مش خايفة اخسر ولا حاجة ولو دخلت هكسبهم كلهم
ياسين بإبتسامة :
- عاوز اشوف إلى هتكسب دي أنا هشترك عشان بس اخسرك
شعرف فرحة بالغضب يعصف بداخلها فأغلقت قبضة يداها بشدة وهي تحاول الهدوء واضهار البرود
فرحة ببرود :
- هتخسر لو دخلت
ياسين ببرود اكبر :
- اوك أنا عاوز اشوف مين إلى هيخسر انسة فرحة
فرحة بهدوء :
- تمام موافقه
ياسين :
- لو سمحتي يا انسة ريم نقدم على المسابق ازاي وهي امت
ريم :
- حضرتك ممكن تقولي اسمك بالكامل ووسنك وانا هقدملك وهتكون بعد بكره
ياسين :
- ماشي موافق تعالي خديهم من مكتبي بعد نص ساعه
ريم :
- حاضر يافندم
كانت فرحة اثناء حديثة مع ريم تنظر له وكأن النار قد اشعلت بداخل عيناها غضبا حتى ذهب ..
وضعت فرحة يدها على المكتب بقوة وبدأت تقول بصوت ملحوظ
فرحة بغضب :
- يارب اهدي يارب والا هيكون نهايتة النهاردا
ريم :
- هههههههة يالهوي مش قادرة يابت هو بيعمل اي حاجة عشان يغيظك
فرحة بغضب :
- أنا خايفة اقتلو وادخل فيه السجن ميستحقش
ريم :
- هههههههة طب اهدي بس اكيد انتي إلى هتكسبي
فرحة بغضب :
- أيوة أنا إللي هكسب مش هسيبلة مجال ..
* * *
دخل ياسين مكتبة وكانت ان ينفجر من الضحك وهو يقول لنفسه
ياسين :
- ههههههة مش قادر وشها احمر كانت شوية وهترميني من الشباك ههههههة اول مرة اغيظ حد كدة بس هي إلى اضطرتني وانا إلى هكسب يافرحة ويا أنا يا انتي ..
* * *
في بيت فرحة
كان محمد جالسا لم يذهب إلى العمل اليوم فدخلت عليه اسماء
اسماء :
- ايه ده انت مروحتش الشغل
محمد :
- لا مش عارف ضهري واجعني من امبارح ومقدرتش اروح فقلت ليوسف يروح بدالي يخلص هو الشغل
اسماء بقلق :
- ضهرك ماله
محمد :
- مش عارف
قامت اسماء ووقفت خلفة ووضعت يدها على كتفيه وبدأت تدلكهما له وبعد مرور بعض الوقت
اسماء بقلق :
- لسا تعبان
امسك محمد يداها ويجلسها بجانبه على السرير وقال بإبتسامة :
- لا ياحبيبتي ضهري خف من زمان
اسماء بغيظ :
- ومقولتش ليه
محمد بإبتسامة :
- مكنتش عاوزك تمشي
تنهدت اسماء ثم نظرت له
اسماء بضحك :
- ههههههة انت هو انت مهما كبرت
محمد بإبتسامة :
- اه أنا هو أنا وهفضل احبك دايما
اسماء بنبرة قد بان بداخلها الحزن :
- حتى بعد إلى أنا عملته
محمد :
- عمرك سألتي نفسك أنا لية مرضتش اطلقك
اسماء :
- اه دايما كنت بسأل نفسي اقصد ان 10 سنين مدة مش صغيره
محمد :
- لو أنا كنت طلقتك كنتي هتجوزي غيري
اسماء بسرعة :
- انت بتقول ايه مستحيل طبعا حتى مجرد تفكير محمد :
- ولا أنا حتى مستحيل كنت افكر اطلقك او اتجوز بعدك ابدا في كل حياتي عارفة لية ؟؟
اسماء بتسائل :
- لية ؟؟
محمد بصوت قد ظهر فيه الدفئ والامان :
- عشان بحبك وعمري ماهحب غيرك عشان أنا اناني في حبك مكنتش اقدر اتحمل اني اطلقك بعد كل الحب ده حتى لو كنتي هتتجوزي بعدي كنت خايف اخسرك كل يوم وكل ساعة كنت بفتكرك وبتمني الزمن بس يرجع شوية لورا و..
وضعت اسماء يدها على فمة لتقطع باقي كلامه فسحبة محمد وفضمها اليه فبادلتة تلك الضمه
محمد بعتاب :
- هان عليكي يا اسماء عشر سنين تبعدي فيهم عني هونت عليكي
اسماء ببكاء :
- لا أنا كنت باجي كتير عشان اشوفك بس مكنتش بقدر اقولك انك وحشتني ولا اني بتعذب كل يوم اكتر
محمد :
- بس أنا مكنتش بشوفك كتير كل يومين مرة لحد الشهر ده وكتير كنتي بتسافري
اسماء ببكاء :
- عشان مكنتش بقدر افضل اشوفك واتعذب وكنت اسافر وبرضوه اتعذب وبتوحشني
محمد :
- وانتي كمان كنتي بتوحشيني اكتر من اي حاجة كنت بتمني كل يوم لو ارجعك تاني أنا عمري ما وصلت للدرجة دي في حب اي حد الا معاكي خلاص يا اسماء ارجعي بقى معنتش قادر اتحمل ارجعي تاني مش بس في البيت لا كل حاجة متعاملنيش كأني اخوكي المعاملة دي صعبة اوي
اسماء :
- وانت مسامحني
محمد :
- طبعا هترجعي بقا
اسماء وهي تشدد من احتضانها له :
- اه هرجع
محمد :
- أنا بحبك اوي
اسماء :
- وانا كمان
محمد :
- بالمناسبة أنا مكنتش تعبان أنا لسا صغيور 42 سنة مش كتير اوي يعني أنا عملت كدة عشان افضل قاعد معاكي
اسماء وهي تبتعد عنة وتضربة برفق :
- وبتضحك عليا مااااشي
محمد وهو يشدها إلى حضنة مرة اخرى :
- بس خليكي كدة شوية ومتبعديش
اسماء وهي تبادلة الضمة :
- حاضر ..
* * *
في شركة محمد البدري للمواد الخام
كان يوسف يتحدث في الهاتف ..
يوسف :
- اخيرا ياراجل رضي عليك وهتتجوزو ... هههههههة طبعا جاي انت بتقول ايه ... ماشي ياخويا روح لحسن شكلها متغاظة منك وعمالة تنادي عليك ... ههههههة ماشي سلام
وضع يوسف الهاتف على المكتب وطرق احدهم الباب
يوسف :
- ادخل
تدخل فتاه
يوسف :
- ايه يا ملك عاوزة حاجه
ملك :
- اه يافندم المسرلين عن الصفقة الجديدة برا عاوزين يقابلو حضرتك
يوسف :
- دخليهم ..
* * *
ذهبت فرحة إلى منزلها بعد ان انهت عملها كانت متجهة إلى حجرة والدها ولكن اوقفها ان وجدت والدتها معه فابتسمت فرحة سعيدة ثم توجهت إلى غرفتها بدون اصدار اي صوت كي لا تضايقهم ذهبت فرحة وبدلت ثيابها ثم توضأت وصلت فرضها .. بعد قليل احضرت ورقة وقلما وبدأت بالرسم قائلة لنفسها
فرحة :
- أنا لازم اتدرب بقى عشان اكسب ما أنا مش هسمح لواحد زي ده يتفوق عليا
وبدأت ترسم ..
* * *
في بيت ياسين
كان ياسين جالسا كعادتة التي اعتادها منذ ايام وبالتحديد منذ ان بدأت فرحة عملها فهو كان كل يوم يسمع برنامجها قبل ان ينام حتى اصبحت تلك عادتة الدائبة ومتعتة حتى انه لم يكن يفهم كيف تكون تلك التي تتحدث ويسحرني كلامها هي تلك الفتاة ذو اللسان السليط الذي تقطر منه كل يوم
احضر ياسين قلما وورقة وهو يستمع إلى برنامجها وبدأ بالرسم كان يرسم وهو شارد الذهن تماما ومع ذلك كان يرسم بعد ان انهي لوحتة افاق من شرودة على صدمة ماقام برسمه
بمجرد ان رأي ياسين مارسمة حتى اتسعت عيناه ووضع يده على جبينة قائلًا :
- عاااااا انتي مصرة تطلعيلي في كل مكان يابت في الحادثة انتي وف الشغل انتي وحتي انتي إلى عمالة ترغي جنبي والوقت على ورقتي طب دي ورقتي أنا اترسمتي عليها لية !!!!!
وبدأ يحرك اللوحة يمينا ويسارا وهو يقول :
- يلا انزلي من على ورقتي بالزوق احسنلك
ثم وضع الورقة على المكتب وبدأ يضحك
ياسين :
- ههههههههة والله اتجننت بسببك
ثم وضع رسمتة في درج المكتب وقام إلى سريرة وهو لايزال يضحك على نفسة ..
* * *
مر اليوم التالي بسلاسة فلم يحضر ياسين إلى العمل لانشغالة مع اخته بالتجهيزات لانة لم يعد على زواجها الا يومين ولم يحدث شيء جديد يذكر
في اليوم الذي بعدة .. وتحديدا داخل المنتزه
كانت فرحة جالسة مع ريم بإنتظار بدئ المسابقة وكانت فرحة تشعر بضيق شديد لأن ياسين لم يحضر بعد
ريم :
- هو من ساعة اخر مرة مجاش الشغل خالص وبيقولو انه بيحضر لجواز اخته شكلو مش فاضي يجي ومعتش الا خمس دقايق على المسابقة لما تبدأ
فرحة بغضب :
- لو هو بيتهرب وخايف ما يقول انه خايف يخسر
ياسين :
- معلش ياجماعة اتأخرت شوية ها يا انسة فرحة مستعدة تخسري
انتفضت فرحة بمجرد سماع صوتة من خلفها
فرحة بضيق :
- هو انت هوايه عندك تجعز الناس
ياسين :
- هههههههة مش بالضرورة مش كلهم ها سألت مستعدة تخسري
فرحة بابتسامة ثقة :
- عاوزين نشوف مين إلى هيخسر مع العلم ان مستحيل اخسر قدامك
ياسين بابتسامة :
- نشوف
اتي صوت الحكم وهو يقول
الحكم :
- المسابقة هتبدأ الوقت مدة المسابقة اربع ساعات عاوزكو تطلعو احسن ماعندكو يلا ابدأو
نظرت فرحة نظرة ثقة إلى ياسين ثم اخذت معدات الرسم وذهبت لتجلست تحت شجرة في الحديقة لتبدأ الرسم وكانت متردد اثر انها لم تخطط ما ترسمة في البيت بعد فبدأت تفكر
فرحة بتردد :
- يارب ارسم ايه أنا مفكرتش في حاجه
ثم فجأة .. وجدت...........................................................!!!!!!؟؟؟