قسمة ونصييييييب 🍁 🍁 🍁

الحلقة السابعة 🌻🌻🌻

::سللللللللللليييييييم انت شن ادير

اوقف سليم وعلامات الدهشة والخجل علي وجهه ووقظ علي روحه وحس بحجم الغلطة اللي سواها 😳😖...

مصطفي(وهوا كاتم علي عصبيته ومنفعل ويتكلم بصوت عالي ) :انت خيرك سكران ولا شني كيف تتجرأ انك تخون ماجدة في بيتك ومع صديقتها ...وماليكمش يومين متزاعلين انت وياها بأي حق تهينها وتجرحها وكان خشت وشافاتك شن بيكون موقفها انت ترا قولي شن هوا الشيء اللي بدقولهولك انت علي اي اسا.....
😂😂😂😂😂😂😂😂😂😂😂😂😂😂
وقطع كلامه صوت ضحك هستيري وراه ........
فتلفت هوا بسرعة وسليم حتي هوا قرب   وهنا كانت الصدمة ...................

ماجدة واقفة تضحك بقوة وهناء واقفة جنبها وشادة ايد ماجدة تساعد فاها علي الوقوف (لان ماجدة خشت في شهرها وفي اي لحظة يمكن ادجيب )........الكل واقف مستغرب من ردة فعل ماجدة الغريبة علي خيانة زوجها

سليم حس بالخوف علي ماجدة لان وضعها مايطمنش وباين انها مصدومة وماعرفتش اتعبر صح ومصطفي واقف زي المسبوه مافاهم شيء لكن الشيء الوحيد اللي فاهمة انه ماجدة بركان وفي اي لحظة حيتفجر ...
اما نوال واقفة وسعيدة وحاسة بالنصر لكن مضايقة لانهم جو قطعوا علييها احلي حضن واحلي غمرة في العالم ولانها كانت متاملة بشيء اكبر من الاحضان وهما جو فيسع فيسع خربوا علاها ................!!!

سليم جي قرب من ماجدة وهيا قاعدة تضحك ومابطلتش وشد كتافها وهزها وقاللها :اتكلمي بالله عليك قولي اي شيء ماتضحكيش متخوفينيش عليك سبيني هينيني اجرحيني عذبيني المهم ماتقعديش هكي اني مانقدرش انشوفك هكي بالله عليك ...ماجدة اني انحبك ....
طاااااااااااااف 👋👋👋
سليم حاط ايده علي خده ومصدوم 🙊
ماجدة قامت راسها وقعدت اتشوف لايدها اللي ضربت باها سليم ونزلو ادموعها لا اراديا .....دفت هناء باش تبعد عنها اشوية وقربت من سليم ((وكان وجها شاحب ماليشي لون كأنها اللليل كله مش راقدة ويشع منه علامات الغضب والحزن وتكلمت بحدة  وبصوت عالي هلباااااا (angry)(angry))):انت كذاااااااااااااااااااااااااااب سليم انت عمرك ماحبيتني انت انسان اناني وجاحد وتافه وسخيف ومتهور وماتفكرش الا في نفسك انت مايهمك شيء في هالدنيا الا سعادتك من اول مادزوجتك واني شايفة الويل معاك ماشفتش ولا يوم حلو واني ندور من حوش لحوش وانطيب للاعراس والمناسبات وبعدها ندور من تركينة لتركينة باش نجهز الطلبيات  لا   (scream)وزيادة تاني نلملم في فضايحك من تركينه لتركينة ومعادش عارفة شيء نصدقك ولا مانصد قكش  انت خاين وغشاش ولا نصيبك تكون كل الادلة ضدك معادش فهمت شيء   ومعادش نبي نفهم شيء لكن تعرف((تغيرت نبرة صوتها لا اراديا وبدت تتكلم بالشوية وحاسة انه العبرة بتخنقها ودموعها نزلز علي خدها )) ومع كل الالم والحزن اللي عشته معاك اني ولا مرة اندمت اني ذزوجتك ولا مرة انذمت اني حبيتك ولا دقيقة حسيت اني تسرعت رغم كل الالم والوجع والتعب اللي انت سببته ليا اني ولا مرة كرهتك(( وفجاة تحولت للضحك ))"ههههههههههههه"والله ضحكتوني انتم بجد نكتة لالالالا بالله عاودوا المشهد مرة تانية غر ماشفتاش من الاول نعرفها القصة اهيا  امتع خيانة الزوج الوفي💥👰👨😔  مع الصديقة الاخت😔 👭...........
ولاعبين الدور علي المضبوط انت والسنيورة امتعتك وراسمينها بالقلم والمسطرة اطفشوني من البيت وهيا تاخدني عندها وتطلب مني نرفع دعوة طلاق وهيا ادجي لحوشي  باش تتلاقي هيا وراجلي ويديروا مواعيهم الغرامية من وراي .......
لكن تعرفي والله اخس عليك ياكلبة ياحقيرة وتفوووو عليا اني الحيوانة اللي صدقتك ودخلتك لحوشي وفكرت انك في يوم تكوني اخت ليا ......
تعرفي انت مش بني آدمة طبيعية انتي شيطان في صورة انسان قدرتي تخربي علاقة حب واتشتتي عيلة وتفرقي احبة وتظلمي طفل جاي في الطريق ماليشي اي ذنب انه يعيش في عيلة مشتتة ومتفرقة ....
علاش شن ذنبه مسكين مايعيشش بين بوه وامه قوليلي علاش انتي تكرهيني علاش علاااااااااااااش
نوال ((باندفاع وقوة وعصبية)):لاني انحححححححبببببه
اني انحب سليم من زمان وااااجد من قبل ماحضرتك تتعرفي عليه كنت انحبه وحاسة انه هوا ايحبني لكن انتي خشيتي بيناتنا وخطفتيه مني اني مش شريرة ولا خرابة بيوت عامرة ولا خاينة للعشرة وللصداقة والاخوة لكن اني وحدة حبت من كل قلبها واكتشفت انه الشخص اللي حباته اكثر من نفسها يحب صديقتها شن تبي تكون ردة فعلي ؛شن هوا الشيء المفروض اني انديره ....اني كرهتك كرهتك ياغبرة. ..كان نعرف بس علاش حبيتها اني احلي منها وارق منها واذكي منها ((وانهارت نوال بالدموع وقعمزت علي الوطا ))