قسمة ونصييييييب 🍁 🍁 🍁

الحلقة 18 بعنوان {سأصطنع النسيان لكي تستمر الحياة }

رواية قسمة ونصييييييب 🍁 🍁
الحلقة 18
بعنوان
{سأصطنع النسيان لكي تستمر الحياة }
رحمة حاطة ايداها علي راسها ومصدومة : ياربي احني فاش ولا فاش اني كان همي في بنتي وتوا حتي الولد ضاع مني ااااااااااه ياربي ساعدني وصبرني اني ماعاد ليا طاقة علي التحمل راهو .
مصطفي : خلاص يارحمة ماتزيدينيش تربحي راني حاس روحي منطربق ( وابدي يفقد في توازنه وشد في حاشية الصالون وبعدها طاح )
رحمة بخوف ورعب ونطة سريعة : مصطفي مصطفي مصطفي ياحليلي نووووووض .
":":":":":":":":":":":":":":":":":":":"
ركبوا في سيارتهم وروحو "العويلة "

ماجدة خشت ادير في دوش (تستحم)
تغريد ووسام مقعمزين في الصالة
ناضت تغريد بدير قهوة
ووسام مقعمز يدخن وهوا سارح ويفكر
جابت تغريد القهوة وابدت تصب في الفناجين بحدا وسام
تغريد : وسام
وسام : نعم
تغريد : زعما لامار ترجعلها الذاكرة .
وسام : مانعرفش .
تغريد : باهي كان رجعتلها تكرهنا زعما ."واعطاته فنجانه"
وسام : تكره مني قصدك.
تغريد : كلنا تكرهنا يعني عمامي وجداي واني وحتي انت.
وسام بغضب مفاجيء: وعلاش بتكرهني اني !، مستحيييييل لامار تكرهني مستحييييييل .
تغريد  (تفاجئت من رده ومن عصبيته ): وانت علاش متأكد لدرجة هادي .
قطع علي كلامهم صرخة قوية من لامار لوح وسام الفنجان من ايده بسرعة ونقز باش يتخطي الطاولة وطلع يجري لدارها ووراه تغريد .
":"::":":":":::":::":":":":":":":":":":":":""
نورا : اسامة من بكري نتصل بخوك انور ومايردش اني قلبي علي نار راهو اتصل بيه .
اسامة :حاضر يمه "وابدي يتصل لقاه مقفل ."
راهو تلفونه سكره اشبح خيره .
نورا : باهي اتصل بحسام بالك بعرف وينه خوك .
اسامة : باهي توا نتصل .
حسام  (حول من جهة السيارة ): الووووو
أسامة : امك مشغول بالها علي انور هوا معاك ولاشني .
مروان يأشر لي حسام مادقول شيء
حسام اشرله بباهي .
حسام : اييه معاي ماتخافوش عليه هوا بخير .
اسامة : باهي مية مية قولي بتباتوا برا ولا بتروحوا .
حسام : والله مانعرف علي الجو .
اسامة : باهي بالسلامة امالا
حسام : سلام .
وارجع قرب من مروان
هما مقعمزين في جهة في الجبل فاها منظر المدينة كله المنظر يهببببببببببل
انور حاط ايده علي راسه ومقعمز مقبل وجها للمدينة ويتأمل بحزن .
قرب منه مروان
مروان : خلاص ياصاحبي ياسرك انت قريب ضيعت روحك كان ماشديتش فرينوا راك توا متكسر تكسير هذا كله من الحب تفوت امه هالحب الاغبر هذا خلاص طلعها من راسك .
انور : انحبببببببببها يانااااااس انحببببببببببها انتوا خيركم ماتفهموش مانقدررش  والله مانقدر .
حسام : تي قسم بالله كرهتنا في ام الحب ياراجل تباهي اتحبها علاش سافرت وسيبتها .
انور : توا مش كلكم كنتوا شاهدين علي اللي صار والعيلة كلها كانت تبيني نمشي لعمي مصطفي لما كان مريض في المستشفي .
مروان : تباهي قوللها اكيدة حتعذرك .
انور : مانقدرش كان منقوللها بتزيد حالتها مش مفروض تعرف ان باها مريض ويتعالج .
حسام :لاحول ولاقوة الا بالله يعني باش تحماها تخسرها وتخسر قلبك .
انور بضيق وغصة : هذا ربي ماكتبلي ماعندي ماندير كان لازم نمشي اني لعمي مصطفي ؛ عمتي رحمة هيا اللي كانت تبيني نجاها والكل ماعارضش واني كان جوازي اللي واتي وعندي التأشيرة  لاني كنت قبلها باسبوعين في المانيا حضرت ندوة طبية فلذلك كملولي اجراءات القراية وطلعوني .
حسام : باهي قصدك انتم توا منفصلين انت ولامار .
انور : ااااااااخ معاش ادقولي هكي تربح راني مش ناقص خلوني في حالي تربحوا .
":":":::":::":":":":":":"::"":":":":":":":":":":
وسام يمسد علي شعر لامار برفق وشادها لحضنه
تغريد وجها ابدي احمر من الموقف والمشكله انهم اثنين مش فايقين لرواحهم بكل لامار مرعوبة من الكابوس وقاعد علاها آثار المخدر ووسام خايف علاها ومش حاسس بشيء بحداه .
وسام  بخوف وحنية : حبيبتي خيرك شنهوا الكابوس احكيلي حبيبتي نسمع فيييك .
لامار بعبرة ودموع : مانعرفش ياوسام كابوس غريب في زوز بناويت صغار يشبهوا بعض نسخة طبق الاصل عن بعض ياوسام اول مرة كانوا يلعبوا مع بعض وبعدين بدوا اثنين  يبكوا هلبا هلبا وواحدة منهم امشت وقعدت التانية بروحها تبكي وسام قلبي قريب يوقف ياوسام حسيت بغصة مانعرفش علاش راسي بيتفجر .
وسام شدلها راسها وقربها ليييه هلبا وخلاها تشوف لعيونه : حبيبي بعيد الشر علييييك معاش ادقولي هكي هذا مجرد كابوس  وتوا ياعمري حاولي ترجعي ترقدي ، هيا لمورة عاااد.
ساواها علي السرير وغطاها وقرب منها وهذا كله وتغريد واقفة جهة الباب وشايطة حراراة من الموقف .
واتكي جنبها وهيا تشوفله وهوا يشوفلها وشادلها ايداها وابدي يمسدلها علي شعرها ويغنيلها نييين رقدت .
امشت تغريد طلعت للصالة وابدت تمروح علي وجهها
اشوية وطلع وسام وشكله ماكانش يندري ان تغريد كانت في الدار
قعمز علي الصالون وقال لتغريد  :اهي رقدت
تغريد (تزمط في رياقتها ): خيرها شن فاها .
وسام : تحلم .
تغريد : باهي انت شن درتلها .
وسام اتخضر وجهه واتحمر : شن منديرلها يعني هديتها نبيين رقدت .
جي الصبح واشرقت الانوار وانتهي اليوم الطوييييييييل وآخيرا
👑ﻧَﺘَﺄﻟَﻢُ ﻣﻦْ ﺍﻟﺪَﺍﺧﻞ ﻭَ ﻧَﺨﻔِﻲ ﺍﻟﻜَﺜِﻴﺮَ ﻣﻦْ ﺃﺣﺰَﺍﻧﻨﺎ ﻟﻨُﺒَﺮﻫﻦَ
ﺏ ﺃﻧّﻨﺎ ﻧَﺘﺤﻤَّﻞ ﻭَ ﻧَﺤﻦُ ﻋَﻜﺲَ ﺫَﻟﻚَ..👑