قسمة ونصييييييب 🍁 🍁 🍁
الحلقة 21 🌟🌟🌟
بعنوان. { سخرية القدر }
وسام : باهي قعدتوا سنتين علي هادي الحالة علاش مامشيتش خطبتها .
نجم الدين : اني لما قررت نمشي نخطبها بعتلها رسالة نباها تخبر اهلها ،ولسوء حظي طاحت هادي الرسالة بين ادين خوها المتخلف .
أنور : وااااااااااك مابيخه الموقف .
جمال " بحزن " : باهي شن صار بعدين .
نضال " بتحسر " : غر قولي شن صار فاها مسكينة .
نجم الدين " بوجع وعصبية : اني اصلا عرفت ان الرسالة وقعت بين ايدين خاها من بنت خالي قالتلي انه حبيبتي حصلت طريحة من خاها وضربها بشكل وحشي هالحيوان لدرجة انه قاماها من بين ايديه كلها دم ، والمشكلة الكبيرة انه البنت عندها السكر ومن كثرة الضرب والخبط صارلها هبوط حاد في السكر ورفعاها حالة اسعاف للمستشفي .
الشباب كلهم متأثرين بالموقف وحالة الدهشة باينة علي وجوهم
ربيع " بأسف وحزن ": باهي وانت لما عرفت شن درت .
نجم الدين " بعصبية وتضايق " : طلعت زي المجنون ومشيت لحقتها للمستشفي ، تعاركت اني وخاها ، هوا عرفني لما مشيت سألت علاها ، فأتهجم عليا هالحقير .
وسام " بغضب " : ماوقحه هالسخييييف تغر كان ناديتنا بس كنهذا رانا ادفناه في مكانه .
نجم الدين " بتنهيدة قوية " :خشيت شفتها بصعوبة كانت ايدها مجبسة وعندها كسر في الحوض وخاشة في غيبوبة سكر وحاطين علاها الاجهزة حالتها تبكي "دموعه نزلوا وامسحهم وقتي " شديتلها ايدها بكيييت بكييييت نييين ادقطعت بالطرف علاها ، فتحت عيونها اشوية وقالتلي انحببببك واتشهدت وتوفت "مسح دمعته الحارة اللي نزلت من قوة الموقف"
الشباب كلهم حزيينين عالقصة المأساوية هادي ..
نجم الدين : عاهدت نفسي اني مانفكر ولا نحب غيرها واني مانذزوح من بعدها وحنقعد وفي لها طووول العمر ومن وقتها واني عصبي وخلوقي في شيشة وأعصابي مش متحملة حتي كلمة خصوصا في موضوع الزواج .
جمال " بحزن " : هذا علاش انت رافض موضوع الزواج ..
نجم الدين " بيأس " : ايييييه مش حنتزوج ، ومستحيل هذا القلب يرجع ينبض لغيرها .
////^^^^^///^^^^^^///^^^^^//////
مروان" قعد حاط ايده علي وجه من قوة الكف " .
!....... !"والغضب يشع من عيونه نيييين عروقه طالعات وضاغط علي سنونه " : اااااخ ياكلب ياسافل واللهي ماتتحشم تإنت ياحيوان " وزاد عطاه كف تاني "
ومروان يشبحله وماقدرش يرد بحرف لانه هوا اللي غالط .
°☆نائف ☆° : ياكلب ماهي شرفك وعرضك ياسفيه ولا انت خلاص العيلة وسمعتها معاش اتهمك ياعديم الشرف والناموس تراااااهي عملتك الواطي يتحشم يديرها " وشده من حوايجه ودفه للحيط وندي تبكي بحرقة " انت مش طبيعي واللهي ماك مزبوط تشن زارط يافرخ الربي باش جاي تتحكك علي شرف حوش عمك ياكلبب ، ماهوا احني مضاحيك ولا ، جاي في وسط حوشنا وادير في غرامياتك مع هالصاقطة اللي مش متربية ، اني كان نعرف بس منييين جاتك هالجرأة والسخافة انك ادجي قدام حوشنا وتطعن في شرفنا وتمسح بيه الارض ، تشوفني غر شوف تبالك رياقتي تسكسك ولا مختوم علي قفاي حمار ، باش تهزي عليا الهزوة هادي ، ولا مش راجل ولا ناكل في لحم الخنزير تغر فهمني ياحقير ، اااااااخ اااااااااااااااااااااااااخ تواللهي العظيم خايف نقتلك يحسبوك عليا راجل ااااااااااااخ ااااااخ .
مروان " ببرود " :اني نحبها ونبيها غصبا عن الكل .
نائف " بغضب وغل وهمجية " : تقسم بالله عمري ماشفت واحد وقح زيك تي باكلب كانك تباها رااااك جيتها طلبتها من الباب مش
مش ادير معاها شن تبي وتتصيع معاها يامنحط وبعدين ادقولي نباها تي اتفو عليك اتفوووووووووووو "
وانتي ياكلبة الكلاب جاي دورك تواللهي لما نخليك تتمني الموت وماتحصليشي.
مروان " شاف لندي " : بري امشي لحوشنا .
نائف " بغضب وعاصر علي سنونة وشاد مروان بكل قوته " :وقاعد عندك عين تكلمها ياحيوان واللهي موتك حيكون علي ايديا ، وانتي ماعندك وين تهربي مني سيروك وتحصلي بين ايديا
ندي تبكي بعبرة
نائف : تواللهي الا قتلك ياكلب حلال حلاااااااال حلالااااااااااااااااال ولما نذبحك وي النعجة انت وهاكلبة هادي ." وبدي يفشخ فيه ويضرب " .
أنت تقرأ
قسمة ونصييييييب 🍁 🍁 🍁
Romanceروايتي باللهجة الليبية انا فتاة في سن المراهقة عمري 17 عاما ........ لعبت بي ايدي القسمة والنصيييب وكأنني لعبتها المفضلة ....وضعتني امام الهاوية ...لارمي بجسدي الممزق بها .......لم اعد اعلم ماهو الحب ......ولا كيف احمي نفسي منه ...........وهل فعلا...
