قسمة ونصييييييب 🍁 🍁 🍁

الحلقة عشرة 🌻🌻🌻

مصطفي :عندي لييييكم مفاجأة
سليم وماجدة مع بعض :شن هيا
هناء :هيا قوللهم والا انقوللهم اني راهوا
مصطفي :لالا اني انقوللهم وبالصوت والصورة ..هيا تعالوا معاي .
امشوا كلهم وراء مصطفي وستنوا يشوفوا المفاجأة
امشوا نيين وصلوا للحوش اللي جنبهم لاصق فيهم ..وقف مصطفي قدام الحوش وقاللهم باركوا باركوا ....
سليم :تي علي شني ياراجل
مصطفي :تي ابديت جاركم
سليم احضن مصطفي بقوة وماجدة باركت لهناء بحرارة
سليم :ونعم الجار ياخوي
مصطفي(بابتسامة ):يعني وراك وراك مش مسيبك افرح تلقي من يحللك مشاكلك قبل ماتكبر
سليم :ههههههه ربي مايجيبش مشاكل يارب
كلهم :  يارب

مضت الايام مسرعة وتزوج مصطفي وهناء واقاموا حفل زفاف صاخب جمييييل واقاموا في البيت المجاور لسليم (في شيء نبي انقولهولكم متابعينا الكرام ان  مصطفي وسليم تربطهم مش بس صداقة واخوة وعشرة عمر لكن هما بيناتهم قرابة وهما تحت نفس اللقب اللي هوا {☆الشقيري☆})

بعد  عدة سنواااااااات ⌛⏳⌛⏳

ماجدة :اهفت انت وياه ياسركم عراكات اني معاش قادرة يامحمد اهفت علي خوووك ياسر من الهبال امتعكم نوضوا يلا

محمد :ياماما هوا اللي ابدي قالي انت مش خووي
ماجدة :ياحليييييلي منكم ومن هبالكم علاش قتله ياعبد الفتاح انك مش خوه
عبدالفتاح :لان هوا اخدي مني اللعبة امتعته مايبينيش نلعب باها
ماجدة :لاحول الله ياربي صبرني ياااااارب علاش خديت منه اللعبه
محمد :ياماما هوا يعجب فيا ومايحبنيييش (وابدي يبكي )
عبد الفتاح :لالا ياماما اني انحبه لكن هوا مايحبنيش (وقعمز حتي هوا يبكي )
ماجدة "حالتها لاتوصف حاطة ايد علي راسها وايد علي بطنها لانها حامل في الشهر السابع والصغار جنبها يبكوا "
علي خشت سلييييم
سليم :خيرهم الحلوين يبكوا تعالو لبابا هيا تعالو
وجي احضنهم وابدي يسكت فيهم
اهلييييين مجوووودة حبي
ماجدة :اهلين سلومتي صغارك شيبوني
سليم :توا انجيبلك حد يساعدك في الحوش من غدوة
ماجدة :لاش خسارة الفلوس مش لازم
سليم :الحمدلله الاوضاع في تحسن وحالتنا ابدت مرتاحة ومش ناقصنا شيء واني مانبيش انتعبك
ماجدة :علي راحتك ياعمري

رن جرس الباب  
فتحت ماجدة الباب وسليم كان فوق راقد مع الصغار
اهليييين هنوشتي كيف حالك ياعمري
هناء :اموووا ه امووواه باهي والله الحمدلله بشوفتك مجووودة
قعمزوا في الصالة
ماجدة :كييف حال حملك ياعمري
هناء :والله الحمدلله ياروحي وعلي حد علمك قداش اتعبت باش احملت نييين ربي اكرمني... لا والحلو في الموضوع انا اني وياك احملنا مع بعض وأنشاالله منجيبوا في نفس اليوم .
ماجدة :ههههه انشالله  وانسموهم نفس الاسماء
هناء :عاااااد نديروهم تؤام وخلاص احني
ماجدة :تؤام لكن الارحام  مختلفة
هناء:ههههههههههه والله يجي اسم مسلسل حلوووو  ههههههه عجبني
ماجدة :هذا من ذوقك ياحنة
هناء :انتي شن خاطرك اتسميه
ماجدة :اتفاهمنا نسموه صلاح وانتم
هناء :احني تفاهمنا نسموه يوسف
وأنشاالله انيدرولهم لمة جماعية
ماجدة :انشالله يارب والله فرحة لاتوصف
هناء :اييييه الحمدلله ربي يسترها معانا يارب ويعطيني عمر انشوفه مقعمز علي الكوشة هوا وعروسته
ماجدة :هههههه انشالله انتي ادعي انك اتشوفيه وهوا مقعمز علي كرسي المقعد في المدرسة مازال علي كرسي الكووشة تبي تكبرينا فيسع
هناء :هههههههه والله مني عيني انشوفه ونكحل عيوني بيييه اني ومصطفي امنهبلوا علي الصغار
ماجدة :انشالله  يارب ويفرحك بييه ومايحرمكم منه
هناء :تسلمي ياغالية
ماجدة :عندك مشاريع في هالعطلة
هناء :والله اييييه امنمشوا للبحر في جنزور
ماجدة :سعيدكم ياحنة اني مع هالصغار لانطلع ولانخش
هناء :ربي يخليهملك يارررب
ماجدة :آمييييييين لكن امتي بتمشوا
هناء امنمشوا نهاية الشهر امنقعدوا غادي اسبوع وانجوا .
ماجدة :يعني هههههه احتمال ادجيبي في الطريق يامخفوقة .
هناء :هههههههههه تخيلي انجيييب في الطريق يوالله حالة بعدييين
ماجدة :عادي عادي هههههه مافيها شيء غر يطلقك مصطفي بس
هناء :هههههههه لا مافيها شيء وغر انجي اندير العدة عندك  وندرهلك كبدك وكبد راجلك ونهججه من الحووووووش
ماجدة :ههههههههههههههههه لا ياودي باذن الله مادجيبيش نييين ادجي لغريان باش انجيبوا مع بعض ولانسيتي الوعد
هناء:هههههه لا ماانسيتش