قسمة ونصييييييب 🍁 🍁 🍁

الحلقة التاسعة 🌻🌻🌻

الدكتور يعيط والممرضات يجروا ومصطفي واقف مش فاهم شيء وخايف علي سليم دفه حد من الممرضين برا غرفة العناية المركزة وطلع وهوا مش فاهم شيء والتوتر باين علي ملامحة وقعد يدور في الممر ماشي جاي وعلي اعصابه ويدعي ربه انه سليم يطلع منها سالم غانم ..........
بعد انتظار طويل ......🕙🕡🕔
طلع الدكتور من العناية جاه مصطفي يجري
مصطفي :طمني يادكتور اني علي اعصابي طمني قولي انه سليم بخير
الدكتور (نزل الكمامة من علي فمه وهوا في حالة توتر ):والله ماني عارف شن انقولك ياخوي .
مصطفي :مادقولهاش ارجوووك لا والله مانقدر نسمعها.
الدكتور :لالا هوا حي لكن ...
مصطفي (بتوتر وقلق ):لكن شني بالضبط  .
الدكتور :هوا خش في غيبوبة قبل اشوي قلبه وقف ورجع ينبض بالصدمات الكهربائية وتوا هوا عايش لكن للاسف تحت الاجهزة .
مصطفي (بحزن والم ):لاامتي يادكتور بيقعد علي هادي الحالة انت قولي لاأمتي .
الدكتور :العلم عند ربي للاسف احني درنا كلنا شيء والباقي علي الله ومايناش الا الدعاء .
مصطفي :باهي نقدر انشوفة يادكتور لو سمحت خليني انشوفه .
الدكتور :ايه اكيد في اي وقت اتحب وعلي فكرة هوا يسمع في كل شيء تقدر ادقوله كل شيء في خاطرك حيكون مستمع .
مصطفي (بيأس وتعب):شكرا يادكتور .
خش مصطفي لسليم وقعمز جنبه ولا إراديا نزلت دمعته اااااااه ياصاحبي ااااااااه يارفيق عمري ااااااه ياقلبي المكسور عليك اااااه ياسليم اني معادش قادر نكمل انت كنت كل حياتي اني مانقدر نعيش بدونك ياخيي والله مانقدر ...اني عارف انك تسمع فيا ارجوك ياسليم  ارجعلنا احني محتاجينك تعالي نوض شوف ولدك تعرف انه  نسخة طبقة الاصل عنك واالله العظيم ماقادر انشوفك هكي اني منموووووووووووت عليك ياصاحبي ارجوووووك ارجعلنا ماتخليناش كلنا محتاجينك ومسح ادموعه  وطلع يجري برا ......
":":":":":":":"::":":":":":":":":":":":":":":"
هناء شادة البيبي  تلعب فيه ومقعمزة جنب ماجدة ....وماجدة شاردة وسرحانة وبالها مع سليم ...
هناء: اني منحط البيبي في الحظانة ومنروح وغدوة باذن الله من الصبح حنكون معاك توا انجيبلك الحاجات اللي ناقصات غدوة انشالله   ....
ماجدة :شكرا بجديات شكرا
هناء :ياحبيبتي هذا مش بيناتنا احني اخوة باذن الله
ماجدة :آسفة اني شكيت فيك اني آسفة انتي ماتستاهليش مني الموقف اللي حطيتك فيه انتي انسانه رائعة والله العظيم انتي بنت اصل .
هناء حطت البيبي وقربت من ماجدة :ماجدة انتي اختي اني نتشرف انك تكوني اختي .
ماجدة :اني حنكون زي اي وحدة من خواتك باذن الله .
هناء :اني اصلا ماعنديش اخوات لاني يتيمة مانعرفش اهلي اطلاقا  ماتوا لما كان عمري سنة .
ماجدة حضنت هناء بقوة :حبيبتي حتني يتيمة الام وحكم يتيمة الاب الحال من بعضه صدقيني ربي يصبرنا ويخلينا لبعض .
هناء :احني اخوات باذن الله .
":":":":":":":":":":":":":":":"::":":":":":
هناء ومصطفي روحوا ....
وماجدة اتكت تبي ترقد ...
وفجأة ناضت علي صوت الممرضات يهدرزوا بحداها وهكذا دار الحديث بينهم

الممرضة 1:شفتي الطرف اللي راقد في العناية ايييييييي يهبببببببببل 😍😍😍
الممرضة 2:ااايه ياحبيني يقتل يشيب عوينات زرق والشعر والعضلات والله لكن صخفني تعرفي ..
الممرضة 1:ايه والله احوينته هالشبوب حالته صعبة
الممرضة 2:ايه لكن قالو متزوج
الممرضة 1:اييييه ياقهرتي طلع متزوج الواحد ماعنداش حظ بكل لكن تعرفي غريبة ماجتش زارته مراته ولامرة  .
الممرضة 2:قالو مرته جابت ياحنة هذا باش ممشتش شافاته .
(( طبعا كل هذا الحديث دار بيناتهم  وهما يركبو في التغدية لماجدة ويتاكدوا من حالتها وطبعا ماجدة سمعت كل الكلام اللي قالوه لكن قاعدة مغمضة عيونها يسحابوها راقدة ))ماجدة قلبها ابدي ينبض بقوة ومعادش قدرت اتهديه وحست انا الكلام اللي يقولوا فيه الممرضات كان علي سليم .....
فدارت روحها استاقضت وشدت في ايد الممرضة :لو سمحتي الشخص اللي كنت تحكوا عليه تعرفي اسمه.
الممرضة 2 :ااامممم وعلاش تبيه ياحلوة .
ماجدة :اني حاسة روحي نعرفة لو سمحتي شن اسمه .
ا الممرضة 2: اسمه اسمه معاش نذكر .
ماجدة :بالله عليك اذكري القصة  حياة اوموت  راهو بالله عليك اذكري .
الممرضة 2:بالك سالم سالف فهيم نعيم معاش نضبط .
ماجدة (بخوف وارتباك ) :سل سليم اسمه سليم
الممرضة :ايواه عليك نور اسمه سليم