قسمة ونصييييييب 🍁 🍁 🍁

الحلقة 13🌟🌟🌟

قسمة ونصييييييب 🍁 🍁 🍁
الحلقة 13
بعنوان {ذكريات تؤلمني}

طق الباب وامشت لامار فتحت الباب
القت بنات العيلة جايين
تغريد :شنجك ياقلبي اموووووواااه .
لامار :امواااااه اموااااه غرودة جيبتيلي قفطاني من حوش جدي .
تغريد :طبعا غلاتي جبته عطتهولي حلومة الصبح
لامار :باهي وين امك خيرا ماجتش
تغريد : تساعد فيهم في التطييب من الصبح امشت لحوش جدي .
سناء:شديتي تغريد اتسلمي وتنشدي فاها وسيبتينا.
لامار :هههههه سلمها الغيورة ياربي انتي عارفة معزتك عندي وعارفة تعلقي بتغريد فماتلوميش عليا ياغالية .
سناء :اييييييييه ايييه سكتيني بكلمتين .
لامار :خلاص حبيبتي ماتزعلي .
سناء :ماينزعل منك انتي .
وخشوا البنات كلهم بعد ماسلمنا تعالو نعرفكم عليهم بالشوية هادم بنات العيلة العسولات ههه راهو (تغريد هادي تؤام روحي كل اسراري معاها وكل اسرارها معاي ومتعلقة باها هلبة هيا بنت عمي محمد وهما ساكنيين جنب حوش جدي فنتلاقي معاها ديما ديما وصلا شخصيتنا متقاربة هلبا بالرغم من انها اكبر مني هيا مواليد 98 واني مواليد 2000 يعني اكبر مني بسنتين )
(سناء هادي اللي شخصيتها قوية يعني بنت بالف راجل كانت ديما اللي تحمينا وترد بالها منه ديماتهمني نصائحها ليا واسلوبها اللي كله عسل يعني قريبة ليا واجد واجد وهيا بنت عمي عبد الفتاح هيا مواليد 97 )
(ندي اخت سناء هيا مواليد 2000 زيني يعني قلبها طيب هلباااااا هلبببا وخجولة للمليون هالبنية وماتعرفش تعبر علي داخلها وتحساها كيوت هلبا وكلمة ممكن انها تجرحها وتخلاها تبكي)
(مودة  هادي ضحوكة العيلة ديما هيا تضحك وجوها مليح ومش متنكدة من شيء وتحب الجو والهبال ماتحبش الروتين اليومي العادي حتي ابسط حاجة تتمتع باها وتتسلي الحق بنت تهببل وهيا مواليد 99 )
"هما هلبا لكن نكتفي حاليا ب4 اهما باش ماتتلخبطوش ياحلوين "
نورا :لمورة بري جيبي التباسة ( "التبسي "قدر يوضع فيه الاكل )من دار الخزين
لامار :حاضر ...
تغريد :توا نمشي معاك
لامار :هي تعالي
امشوا وابدوا يطلعو في التباسه والصواني
تغريد :بيجي انور معاهم
لامار :ايه قال لامه منجي
تغريد:مش مستاحشتيه بكل
لامار (وقفت تفكر في كلامها ):عادي جدا قصدي زي جي زي امشي معادش يهمني.
تغريد (مستغربة ):لكن المرة هادي مهربتيش .
لامار :وعلاش منهرب منه
تغريد:قبل سنتين لما جي اخترتي انك تسافري وماتشوفيشي علي الرغم من انه جاي علي خاطرك.
لامار :هوا ماجاش علي خاطري جيه باش يتأكد انه حبه مازال في قلبي ولا اختفي .
تغريد:انتي قاعدة اتحبيه .
لامار (تنهدت بقوة):  ااااااه لا اني اكتشفت اني ماحبيتاش ولا مرة .
تغريد:امالا اللي كان بينكم شن اسمه .
لامار :طيش طفولة كنت صغيرة هلبا كان عمري 13 السنة لما سيبني وسافر .
تغريد :انتي تعرفي انه هوا يموت فيييييييك ويعشق الارض اللي تمشي علاها ولولا الظروف ماكان سافر.
لامار (اضايقت وتنفست بقوة):اللي يحب مايهجر اللي يحبه بسنيين .
تغريد :معاك حق بس انتي عارفة انه كان لازم يسافر للدراسة وحاول مليون مرة انه يتصل بيك وانتي ماتردي .
لامار :انا ووعدته لو سافر رح يموت قلبي وهوا ماهمه موت قلبي وضحي بيا وراح .
تغريد :بعيد الشر عن قلبك
لامار :تسلمي حبيبتي

وصلو للمطبخ وغسلوهم هما والبنات واتصل تلفون لامار
الووو وسام
:الوووو ياحلو
لامار :خيرك عطلت
وسام:شني مستاحشيني ياحبي
لامار  : مستاحشه الحاجات اللي وصيتك عليهم اكثر.
وسام :باهي اني قدام الباب افتحي .
لامار:اوكي

خشيت لبست عبايتي ووشاحي وطلعتله لقيته واقف ومتكي علي الفردة امتع الباب ويبتسم
لمار: خيرك تبتسم عقدتني.
وسام:هههههههه علاش عقدتك بدل ماتفرحي انه في حد معبرك .
لمار :  ايه تعرف انه ميته من الفرح لان حضرتك تشبحلي .
وسام : ايه امالا شني لازم تفرحي لكن بالله مش لدرجة الموت قاعدين نبوك عايشة .
لمار :شن بدير بيا نموت ونفكك من طلباتي مش خيرلك.
وسام :تعرفي والله فاها وجهة نظر .
ضربته علي ايده بقوة  واخديت الشكاير وخشيت فيسع ونسمع فيه يضحك عليا بقوة مابرده وخلاص .
المهم دخلت الشكاير للكوجينة  وخشيت للدار مع البنات امنبدا نوتي روحي .
وطبعا الزينة جابها حسام وعلقناها من بكري ..
ونورا ومفيدة مقعمزين يوتوا في السلايط والمقبلات
والبنات اللي تمكيج واللي تستشور في شعرها واللي تلبس اني خشيت غسلت حمام استحميت يعني وطلعت نجفف في شعري وابدت سناء تجبدلي في شعري "يعني تفرد فيه "بعدين سألتها
لامار :    اممممممم سناء
سناء:انعم ياحلوة
لامار :   تذكري في طفولتي
سناء :كيييف يعني مافهمتكش.
لامار :يعني لكا كنت صغيرة
سناء (حاولت تتهرب من سؤالها):وشني انتي توا كبيرة هاك صغيرونة.
لامار(بغضب واصرار) :جاوبيني
سناء :يابنتي اني غر نذكر طفولتي البائسة امنذكر طفولتك انتي.
لامار (تنهدت بحزن):ااااااممم
سناء:خيرك لمورة فاش تفكري وعلاش تسألي
لامار (بصوت حزين):اااااه اني مانذكر في ولا حاجة نبي نذكر لما كنت صغيرة .
سناء :كلنا مانذكروش في طفولتنا مش غر انتي وهذاا الطبيعي .
لامار:لالا مش صح يمكن ماتقدريش تذكري حاجات وانتي صغيرة هلبا لكن مش معقولة مانذكر في اي شيء صار معاي نييين ابدي عمري 11 السنة
سناء : هذا لانك فقدتي الذاكرة
لامار : ايه عارفة لكن مش معقولة مانذكر شيء الي هادي اللحظة .
سناء (تبي تغير الموضوع ):عادي حبيبتي وبعدين شن فاها كان ماذكرتيش.... هاديكا الايام ماصار فيهم شيء مهم .
لامار سكتت
كملت سناء من لامار وامشت للكوجينة لقت نورا تغسل في الطاسات ومفيدة ادقرض في الخيار ..فتحت الثلاجة وخدت تفاحة وشافت للتفاحة بتأمل وقالت تقريبا لامار ابدت تذكر .
طاحت الطاسة من ايد نورا وشافت بصدمة كبيرة وضربت وجها بايدها وقالت قصدك رجعتلها الداكرة

انتهت الحلقة 13 تابعونا
عارفة اني في اسئلة هلبا في راسكم واشارات استفهام لكن في الحلقات الجاية توا تفهموا باذن الله

❤هنايا القدر ❤