رواية قسمة ونصييييييب 🍁 🍁 🍁
الحلقة 37 🎹🎹🎹
بعنوان [ربي يسعدك ياحبيبي مع غيري ]
اعنف عبارة ادبية {اتمني لك السعادة مع غيري }
مش كل القلوب تقدر ادقولها
فتحو غرفة ندي والقاها لابسة قفطان بودري طويل وانييق ولافة شعرها زي التسريحة وطالعة روووعة
ماجدة وسناء شهقو بالقوة
ربيع علي الخط وكان السبيكر مفتوح ويعيط : تي شششششنننن فييييه شننن صااااير خيرها ندي .
ايمن فك من ربيع التلفون بقوة لدرجة الكل انصدم : الووووو ندي باللهي اعليك ماديراها ياااندي ماتنتحري راني انحببك واللهي انحبك ومانرضي فيك الشوكة وكان مروان اذزوج راهو في مية الف واحد يتمناك واني اولهم ومستعد ندير المستحيل وناخدك ومايقدر حد يعاارض (واسكت )
الكل كان في حالة صدمة
-----------------------------
طاحت الصفرة من بين ايديا وعيوني تعبو دمووع كنت مش مصدقة وذاني تمنييت في هادي اللحظة انكون طرشة ومعاش نسمع حتي حاجة تمنيت انمووووت ولا نعرف اني مريضة بهالمرض .
اني " برعشة ودموع " : ااااااا ههه انتو شن ادقولو اااا ههه قص قصدكم هههه ااااا ااانن انني مانننقدرش نننن نتز نتزوج ونجيب صص صغااار " وابديت انخبط وننذب ونريش في شعري وهما يسكتو فيا " وممممممجد ممجد شن منقوووووولة حراااااام عليكم يااااريتكم قولتولي رااااااااااااااااااني ماعشمتاااااااااش بييييييااااااااااا ياحلليييييييلي ياحليلي .
احلام " شادتلي ايديا " : خلاص وكلي امرك لله ، كل شيء وليه علاج ، وهذا ابتلاء من ربي ارضيي بييييه ارضي بقضااااااء الله يالمار .
اني " نبكي برعشة " : ونعم بالله ونعم بالله ، هاتولي التلفون .
اخديت التلفون وحطيت علي رقم مجد
مرتين بعدين رد
مجد الووو بعدين نتكلمو
اني " بدموع " : لالا مانقدرش توا لازم تسمعني .
مجد " انخلع " : تي شن فييييه خيرك تبكي .
اني نتكلم ونشهق من البكاء ": اني عندي مرض القلب ، تسمع فيا عندي القلب وتوا اكتشفت بالصدفة هذا الشيء ، اني مانقدر لانكون زوجة ولا ام يامجد ، ماااااانقدر مااااااانقدر .
مجد " في حالة صدمة " : القققققلب !!!!
وسام يشبح في مجد والدم وصل لعروقة لانه لمار عرفت .
لمار " بعبرة " : خلاص شوف حياتك وصدقني مش طالبة منك اي شيء ، اللي بيناتنا كان حلو لذلك خليه ينتهي في هالدقيقة (هناء تعيط عليا وادقولي ماديريش هكي دفيتها وكملت ) انت انسان كويس وتستاهل بنت تكون كاملة واني للاسف مانقدر نحققلك رغباتك مني ولا نجيبلك اصغار تملي عيونك منهم ربي يسعدك ياحبيبي مع غيري ...........
-----------------------------
كثير من العيون التي فرحت بالحب، لكن أبكاها النصيب.
💔💔
وصل مروان للشباب وابدت الزفة
ربيع احضن مروان الي كان وجها اصفر وعيونه منفخات وحالته تبكي : خلاص ياوخيي نصيبك وقسمتك ارضي باللي اكتبهولك ربي وماتعترضش المكتوب مافيش منه مهرب .
أنت تقرأ
قسمة ونصييييييب 🍁 🍁 🍁
Romanceروايتي باللهجة الليبية انا فتاة في سن المراهقة عمري 17 عاما ........ لعبت بي ايدي القسمة والنصيييب وكأنني لعبتها المفضلة ....وضعتني امام الهاوية ...لارمي بجسدي الممزق بها .......لم اعد اعلم ماهو الحب ......ولا كيف احمي نفسي منه ...........وهل فعلا...
