قسمة ونصييييييب 🍁 🍁 🍁

الحلقة 31 🎉 🎉 بعنوان {{ تعب قلبي من الدنيا }}

رواية قسمة ونصييييييب 🍁 🍁 🍁
الحلقة 31 🎉🎉🎉
بعنوان   {{ تعب قلبي من الدنيا  }}

يوم البيان
نضنا الصبح وابدينا نوتو وانضمو وحطينا الفطور فيسع فيسع
اتصلت بوسام باش يرفعني اني وتغريد انجيبو الطلبيات
الحلو والحار
قررنا انديرو رز مسقي بالبصلة ووصينا علي مبطن وبوريك ولفافة الدجاج بكريمة الفطر  وطاجين جبن ، وبالنسبة للحلو وصينا علي مقروض وغريبة وقلب شكلاطة بيضاء وقرينات وبكلاوة وكنافة .

حطيت عبابتي ولفيت وشاحي  وشديت التلفون وطلعت ، تغريد كانت متأنقة وطارحة ، استغربت فاها بجد ، ركبنا في السيارة وطبعا اني من القدام كالعادة ، مانعرفش علاش حسيتها اضايقت ولاول مرة انركز علي هذا الشيء وفوتت الموضوع،ركبت في السيارة وتلفتت للروشن لاني بجد كنت مضايقة ولافه بيا الدنيا وحتي وسام يسوق وهوا ساكت علي غير العادة ، قلوبنا مجروحة ونحاولو نكااابرو
اني وياه حبينا حب مستتحيل ، ااااااخ وخلاص ربي يصبرنا ،تغريد سالت وسام كان يقدر يفوتنا علي محل  فساتين سهرة .
وسام " استغرب " : وعلاش معقولة لتوا ماشريتيش قفطان ياتغريد ، والله الا مضغوط اليوم وانتي عارفة وصعب .
تغريد " اضايقت وحمقت " : ماهوش ليا القفطان لي لمار لانها قاعدة ماشرتش وماعندهاش شن تلبس .
وسام " حس باحراج ": ااا مااانقصدش اني .
لمار " قطعت عليه " : لالالا اصلا اني مانبيش نشري .
وسام " سكت "
وامشينا خدينا الحاجات كلها وبعدين وسام درس قدام محل وقالي انزلي قتله شن مازال منجيبوا تمينا قالي غر انزلي هيا انزلت اني وتغريد وامشينا وراه خشينا لمحل قفطاين سهرة سلم علي الراجل وابدي يختار في قفاطين وكل مايشد قفطان يتلفت ويتأملني ويرجعه نيين اتحشمت من الموقف وخدودي ولو زي الطماطمة وبعدين حط أيده علي قفطان احمر طويل  بلا كمام صدريته علي هيئة قلب ومن التالي شفاف دانتيل طويل يجنن زي امتع الاميرات كله طروف طروف نيين توصلي للوطا،  عيوني ولو قلووب قلوووب تلفتلي القاني مبتسمة حطه للراجل وجي بيخلص طلعت تغريد قالت منستني في السيارة واني طلعت فلوسي من شنطتي فنص فيا وقالي رجعيهم وخلص هوا ، واني مابيتش نتكلم قدام الراجل وركبت في السيارة قتله واللهي ماصارت القفطان حقه غالي وانت مش مجبور تصرف عليا واني الحمدلله فلوسي في جيبي يعني نقدر ندفع ، عض علي فمه بعتب " حركته تهبببل تجلط اذوبك مع بعضك نيين خلاني نسرح فيه  " وقالي عييب تدفعي واني معااك انتي تؤمري أمر  والغالي يرخصلك " وقعدنا انشوفو لبعض بتأمل لاإراادي نيين تغريد كحت باش وسام تحشم وحرك السيارة وروحنا "

------------------------
نورا اطق علي الباب
انور " حول المخدة من علي وجه وحك عيونه " : تخيرك يمه علي الصبح شن فييه .
نورا " فتحت الباب وخشت " : خييرك ماتفتحش ساعة واني انطق دهشتني .
انور " بتدمر " : شن تبي .
نورا " بحزن مع تنهيدة علي حال ولدها " : فهمني لوين تبي توصل ، علاش مداير في روحك وفينا هكي علااش .
انور " سكر عيونه بغضب وتأفف " : قتلك مليون مرة اني خلوووووني في حااااالي اللي فيا مكفيييني ماااااافيش حد ليه علاقة بيااااا .
نورا " بغضب " : يااااسر منه الاسلوب هذا ، تخييرك انت معاش عندك احترااام لحد ، تخييرك تبي تقتلني ياولد ، تنوووض ياااسرك ادلاع .
انور " بغيض " : بااااهي اني ندلع كلكم مش حاسين بيا اصلا ، مافيش حد يحبني وكلكم تكرهوني ، اني مافهمتش شن مدايرلكم باش اتعاملو فيا هكي ، شوفيني فيا حاجة غلط فيا ، خيرا الكل كارهني ومش متحملي كلمة ، اني منسافر ومعاش حنقعد اهني منهج منمشي نقلب وجهي باش ترتاحو مني .
نورا " بأسي والم علي ولدها " : ياولدي مني الي مايحبكش كلنا نحبوك ونحترموك انت فخر ليا ولبوك ماشاءالله دكتور اسنان وشهادتك من المانيا واخلاق وجمال وكل شيء واللهي مية بنت تتمني نظرة منك .
انور " بحزن ووجع " : لكني من المية نبي وحدة بس ، نبااااها ومانقدر نتخيلها لواااحد تاني ، " حط راسه بين ايديه بتعب "اني تعبببان حسو بيا ، اللي نحبها ونعشقها تحب غيري وتكرهني ،  بنت عمي حب طفولتي تركتني علي شان واحد براني  اااااااااخ اااااااخ،  راني في عذااااب.
نورا " دمعت عينها قعمزت جنبه علي السرير وحطت ايدها علي ظهره " : لكنك سافرت وسيبتها في عز وجعها ، كان صعب علاها واللهي صعب ، انت كنت كل شيء في حياتها ، رقدت وناضت علي زلزال رحيلك للبلاد اللي حرمتها من اهلها .
انور " ضحك بألم واستهزاء " : لكنه الموضوع ماكانش باختياري ،اني مشيت بناء علي طلب من امها ، خصوصا لاني كنت ديما نمشي لالمانيا وقادر نتحمل مسؤولية عمي وهذاك الوقت عبدو ولد عمتي اماني كان يقرا في الداخلي ومايقدرش يوقف معاهم في مرضة باها ، يعني اني غالط لاني ماقلتلهاش راهو بوك مريض وفي المستشفي بين الحياة والموت .
نورا " تبكي " : لا ياوليدي ماكش غالط ، هيا ماتعرفش الحقيقة وسيوره وكل شيء ينكشف وترجعلك .