رواية قسمة ونصييييييب 🍁 🍁 🍁
الحلقة 27 🌟🌟🌟
جداي ماجدة " بخوف " : قصدك قلبها ضعيف وماتقدرش حتي تتزوج ولا تحمل؟
وسام شاد في الحيط وحاس روحه بيفقد الوعي
وانور الدمعة نزلت منه لااراديا
والكل كانوا مترقبين اجابة الدكتور
الدكتور نزل راسه بيأس : للاسف حيكون صعب علاها حتي تحمل وتدزوج .
ماجدة " قعدت تعيط بكل قوتها " : لا يابنيتي لااااااا ياكبيتي لاااااااا ادمرت حياتك ادمرررت .
وسام ركب يجري لغرفتي
خش بقوة وووجها احمر
اني " بتعب " : وسام فييييك شيء .
وسام " بابتسامة " : لا حبيبتي مافيا شيء ؛ بس خفت علييييك ياعيوني .
اني " ابتسمت " : اااااخ ياوسام ربي عوضني بييييك علي كل شيء شوفته في حياتي .
وسام " بخوف " : قوليلي علي من كانت تقصد عمتي مروة لما قالت انك تحبي حد
اني " بلعت ريقي وتوترت " : هو بصرااااحة اني انحب .
وسام " برعشة " : من تحبي ؟
اني : مم
خش انور وقطع عليا كلامي ، وبيني وبينكم ارتحت ، لاني مانبيش نقول لوسام اني نحب حد ومانعرفش يحبني ولالا ، مش حلوة الفكرة .
انور " بحزن " : كيف حالك توا يالمار .
اني :تمام احسن بهلبا ، طلعوني من اهني مليييت ، وعلاش حاطين جهاز علي قلبي .
انور ووسام يشوفو لبعض وماقدروش ينطقوا .
وسام "غير الموضوع ": تبي تطلعي من اهني حاضر ، توا نمشي نكلم الدكتور ، ونوقعلك علي اوراق الخروج .
طلع وسام وطلع بعده انور .
----------------------------
صلاح : اني ضااايع ، شن منقول لمصطفي لما يروح ، البنت مستقبلها ضااااع .
احمد " شاد ادموعه " : باهي علاش ماتسفروهاش برا من ليبيا ، اهني واالهي مايفهوا حاجة راهو .
سلييم " برعشة " : خلاااص وتولها اجراءات السفر .
ماجدة " بحزن وحسرة " : مش مفروض حد يعرف بمرضها راهو ، حتي هيا نفسها .
احمد : باهي كيف بتقبل تسافر وتخش مستشفي وهيا مش عارفة انها مريضة .
صلاح : يمه البنت لازم تعرف باش تعواننا وتساعد روحها ، شوفو من يقدر يقوللها ويفهمها انه كل شيء لييه حل .
ماجدة " حاطة ايدها علي راسها " : اني واللهي ماني عااارفة ، في اسرع وقت لازم نسفرااااها .
وسام وانور : السلام عليكم
الكل وعليكم السلام
انور ضرب ايده علي الحيط : اسمعوا من الاخير ، البنت اني نباها ونبي ندزوجها ، وهذا الكلام مايهمني بشيء .
وسااام " الشرارة بتطلع من عيونه " : انت وااحد مجنوووون ، واني مش حنخليييك اضيع لمار بتهورك .
انور جي بيرد علي وسام شده صلاح وسكته
احمد : احني منسفرو لمار نعالجاها برا ، ونبوا حد يفتح الموضوع معاها .
وسام : اني نقوللها بس مش توا خلي يفوت بيان احلام وتغير جوها وبعدين ساااهل كل شيء ، واني حندير اتصالاتي مع دكاترة اصحابي ونزيد نفهم حالتها اكثر .
صلاح : باهي تمام .
يلا امالا كملو لها وراقي الخروج خلي نروحوا .
بعد ثلاثة ايام
غدوة بيان احلام وباديين نوتو كلنا وجونا مليييح
عماتي بايتات في حوش جدي ونساويين عمامي يمشوا ويجو ، والحق هوا البيان مدايره جدي كبييير كبيييير ، وعازميين عليييه هلببا نااس ، واني عازمه صاحباتي كلهم .
احلام " تنادي " : يالمار فيسع قريب يجي احمد .
اني نسيق في الحمام حاشاكم : تبااااهي يااحلام ، من بكري نقولك اني مش فاضية ، في راسي الف حاجة ، ارفعي معاك حد تاني وفوتيني .
احلام " بغضب " : قداااش مرة منعاوودهااااالك ، اني نبي ناخد رايك في القفطان اللي منشريه ، ذووقك حلو ويعجب فيا ، وحتي انتي بتاخدي قفطان .
اني : لالا عادي مانبيش ناااخد .
نقزتلي مودة : امالا شن بتلبسي ، كان ماتبيش تشري .
اني : تي ياودي اني مانبي نلبس منقعد حاصلة في العواله مش حنلحق نلبس ، فلذلك فوتوني.
ماجدة " بابتسامة " : لا ياحبيبتي نبيييك تلبسي احلي قفطان واديري تسريحة وتطلعي احلي واحدة في البيان والعوالة ماهيش ليييك ، توا بنات العيلة يتساااعدوا .
مودة " قعدت تشبح لجداها بغضب ، شن قصدها جداي ، يعني احني تطلع علينا العوالة ، ولامار اللبس والجو "
اني : لالا توا انعول معاهم ، ولا اني مش من بنات العيلة .
ماجدة " رغم انها عارفة انه لمار تبصر لكن الكلمة خااافت منها هلبببببا وتفكر شن بدير لمار لما بتعرف "
احلام " بعصبية " : يلا يادراااااه البسي فيسع .
اني " بتذمر " : توا نمشي امري لله .
خشيت فيسع لداري ولبست عباية ووشاح ودرت كريمة ورسمت عيني
وقعدت نشبح لكتاباتي : يوالله حالة ليا 3 ايام مامشيتش للثانوية وحتي غدوة مانقدرش نمشي وعندي واجبات وقراية والامتحانات قريبة ، توا يتم البيان ونلهي بقرايتي .
^نبي نوضحلكم اني شااطرة شااطرة ونجيب فاها ديما الاولي علي الثانوية ، والابلات يشهدوا علي اخلاقي وذوقي ^
طلعت فيسع لقيت حوش عمي عبد الفتاح كيف خشوا
مرت عمي فاتن وندي وسناء وشكله نائف جايبهم لكنه ماخشش .
باين علي وجه ندي الذبوول وضاعفة هلبا البنت ، وسناء حتي هيا ضاعفة وذابلة ، اشرتلهم بمعني لينا هدرزة وطلعت نجري اني واحلام وامشينا للسوق .
ركبت ندي من الدرووج وماشية في الممر تبي تحط شنطتها في دار البنات وهيا سارحه واتخش في شخص ، ريحته مألوفة قلبها ابدي ينبض بقوة قامت عيونها فيييه ، شافت لحيته المهملة ، وعيونه الحمر ، والسواد اللي تحتهم ، وجسمه الضااعف من قلة الماكلة ، نزلت دمعة سخونة علي خدها مسحتها فيسع وامشت تجري .
شدها من ايدها بقوة وجابها في حضنه وهيا ماقدرتش تقااوم خشت في حضنه زي الطفلة اللي متشبتة ببوها وخايفة انه يبعد علاها .
دموعه ينزلو علي شعرها ودموعها غرقو سوريته
لكن هل هذا حضن الفرااااق ولا حضن الشوق وانتهاء الفراق .
أنت تقرأ
قسمة ونصييييييب 🍁 🍁 🍁
Romanceروايتي باللهجة الليبية انا فتاة في سن المراهقة عمري 17 عاما ........ لعبت بي ايدي القسمة والنصيييب وكأنني لعبتها المفضلة ....وضعتني امام الهاوية ...لارمي بجسدي الممزق بها .......لم اعد اعلم ماهو الحب ......ولا كيف احمي نفسي منه ...........وهل فعلا...
