رواية قسمة ونصييييييب 🍁 🍁 🍁
الحلقة 20
بعنوان {مشاعر أغرقتها ايدي القسمة والنصيب }
لامار : ووووووووووه ياكبدي وووووووووه كلب" وخديتها طريق الشياط وابديت نجري ونعيط وهوا ينبح ويجري وراي واني نصيييح " : تعالوووووووولي الحقوووووووني ياميييييييمتي يامييييييمتي وووووووووووه عليييييؤيا وووووووووووووه " وانلف مع الكلب قريب 7 لفات بين الايدة والجنان ومنظري متبهدل وشعري مفكوك والوشاح طاير والكندرة كل فردة في تركينة واني حالتي يعلم باها غر ربي ونلقي راجل واقف قدامي ،الراجل لما شافني قعد يقول ياساتر ياساتر غر شن فيه اتشعبطت في رقبته بإيديا اثنين وابديت نبكي ياميمتي ياميمتي قريب متت "وبكيت بعبرتي " قعدت انقوله بالله عليك لزه واللهي اني انخاف منه لز الكلب تربح ....
قالي غر شوية بس حولي وتوا انلزه ......بعدين استاقظت بروحي قعد فمي محلول وخلاص وطحت قعمزت علي الوطا وابديت نندب ونلوح في التراب علي وجي وشعري وووووووووووووك وووووووووووووك ياحشمتي وياقهرتي اني وخلاص ، ياحليلي ياحليلي اتبهدلت علي آخر هالعمر عقابة توا نتلبط واحد براني اااااااااخ ياقهرتي وياخيبتي الكبيرة ....
اشويه قعد يشبح فيا مشوار وابدي يضحك بقوة جاته هستيرية ضحك متواصل ......
لامار " بزعل ودموع وتشهق من البكاء " : وتضحك تاني مبردك انت وكلبك .
مجد " وعيونه دموع من كثرة الضحك " : باهي اني شن دخلي اني طالع في آمان الله انتي تكعبشتي في رقبتي .
لامار : ااااااااااخ ياشرف اهلي اللي تمرمد في الوطاء يامصيبتي السوداء اللي مالها حل .
مجد " يضحك " : تغر خلاص يهديك ربي يابنت الناس ، ماصار شيء راهو .
لامار : حتي بنت الناس معادش تقدر ادقولها عليا توا ، كلبك طيح شرف اهلي في الوحل .
مجد : لاطاح لا شيء انتي اصلا مني ولمني جاية اهنايا .
لامار : ماليكش علاقة اني مني ، جاية لاختك البقرة وفاء .
مجد "يضحك " : خيرها علاش بقرة هههههههههه.
لامار "بزعل " :الحيوانة ماقالتليش انه عندكم هذا الوحش في الحوش .
مجد " يضحك بقوة " : لأنه جديد أمس جبته قلت خلي يحرس الحوش، واليوم طلقته قلت خلي يدير جولة ويتعرف علي المكان .
لامار " حطت ايدها علي راسها وتكلمت بهزوة " : اييييه مانحكيلكش والله تعرف علي المكان كله *اني وياه * درنا جولة ملييييييحة ااااااااخ اااخ ياعضامي ويارجليا وووووووك عليا ووووووووك .
مجد " شد بطنه من كثرة الضحك " تواللهي علييييك جووووو يهببببببل يابنت ،تغر نوضي نوضي خير مايجي حد يحساب طالع شن درت فيك .
لامار " بعبرتها " : وين وشاحي ووين كندرتي ، برا دورهملي .
مجد : حاضر غر نوضي بس ربي يسترك نوضي .
"نضت نكركر في روحي زي الميتة بالضبط جابلي وشاحي وكندرتي وطلع شيشة المية من سيارته ، بخيت باها وجهي وشربت منها ولبست وشاحي وكندرتي وانتبهت عليه لقيته متكي علي السيارة ويتأمل فيا ، قتله خيرك فيا حاجة وجهي اصفر ولا شني .
مجد " ارتبك وغير وقفته " : لالا مافيك شيء غر خشي داخل قبل مايشبحك حد واقفة معاي بعدين يلبسوني تهمة .
لامار : لالالا ، لاتهمة لاشيء اكيدة الجيران شافو الفيلم كله فنصيحة مني برا قعمز انت وصاحبك الكلب تفاهموا وحددوا موعد العرس بالوساع .
مجد " يضحك " : لالا تعالي انتي اتفاهمي معاه انتي تقدري تتعاملي معاه عاااااااد ماشاءالله بديتي خبرة وبيناتكم جري وتنقيز .
لامار " اتحشمت وركبت "
أنت تقرأ
قسمة ونصييييييب 🍁 🍁 🍁
Romanceروايتي باللهجة الليبية انا فتاة في سن المراهقة عمري 17 عاما ........ لعبت بي ايدي القسمة والنصيييب وكأنني لعبتها المفضلة ....وضعتني امام الهاوية ...لارمي بجسدي الممزق بها .......لم اعد اعلم ماهو الحب ......ولا كيف احمي نفسي منه ...........وهل فعلا...
