كان الوضع متأزم في المستشفي الكل في حالة توتر مصطفي اللي حاس روحه مخنوق من اللي صار في صاحبه وحبيب عمره سليم وهناء اللي حاسة روحها السبب في الخلاف والشك اللي نشأ بين ماجدة وسليم وتلوم في روحها الف مرة ومتمنية انها ادير اي شيء باش تساعدهم وواجعها حال ماجدة المسكينة اللي ماتهنت في حياتها ولاشافت راحة البال ....
وماجدة اللي شادة العيل امتعها ترضع فيه ودميعاتها علي خدها وحاسة قلبها بينقسم علي شقفتين ومش عارفة من شني ....وسليم اللي ملوح بين الاجهزة ياعالم ينوض منها ولالا ...... يعني الحالة مطمنش نهائيا ...
مصطفي مقعمز علي الكرسي امتع الانتظار وشاد راسه وحاس روحها تعبببان وروحه بتطلع وقلبه واجعه علي سلييييم هلبببا وفجاة ينوض بقوة وعصبية
:هادي الكلبة شن جابها اهني توالله الما نقتلها جتني برجلاها ▪
نوال ادور زي المجنونة وحالتها اتسخف شعرها طالع ووشاحها مصرم وكعبها مكسر فردة في ايدها وفردة في رجلها ووجها شاحب والكحل اللي سايل من كثرة البكي باختصار مشلتة ▪
وشدها مصطفي زي المجنون من وشاحها وشد ايدها ولواها وراء ظهرها بقوة وهيا تعيييط وادقوله اطلقني اطلقني ▪
هناء وماجدة يسمعوا في الدوشة من الحجرة امتعهم امشي طلعت هناء تبي اتشوف شن فيه القت دوشة وناس واقفين ممرضين ودكاترة وقصة طويلة عريضة المهم شافت اشوية وقربت والقت مصطفي في نص العركة يهبك بايديه ورجليه في نوال والمشكلة الدكتور خاش بيناتهم يحز ونص الرفس جاي في الدكتور .و نوال اتوخر وتوليله بدفله باهية هههه ومصطفي يوخر وادجيه في الدكتور مسكين رونتله وجها ومصطفي يجبدها من شعرها والدكتور يشد فيه وهوا يعافر فيه ومرة مرة يحصل الدكتور تيروا امليح من مصطفي ونوال تبي تختم العركة تمشي تاخد عصاة المكنسة وادجي بتضرب باها مصطفي ضربة قوية امشي مصطفي طبس راسه وادجي الخبطة في الدكتور يجيه طايح طووول ...المهم عركة حامية ونوال لما لقت العركة فاها ضحايا طلعت تجري من المستشفي نفدت بجلدها فيسع فيسع ومصطفي مقعمز علي الزليز في التركينة وسوريته امزقة وشعره مشفشف وسرافته مرمدة
جاته هناء تهدي فيه :حبيبي مصطفي بالله عليك معادش ادير في روحك هكي معادش تاكل روحك باذن الله سليم ينوض منها سالم غانم يعني انت اكرم من ربي ....
مصطفي :اااااااااااه ياهناء اااااااه انكسر ظهري بمرضة سليم قلبي ماااااااااات معادش نبي نعيش اخلاص (وابدي يبكي زي العيل بالضبط قربت منه هناء وحضناته )
:مصطفي انت راجل وصاحبك ورفيق عمرك مأمن فيك تكون قوي وتتحمل مسؤولية حوشة صدقني ربي حيشبح فيه وحينوض منها لو عنده عمر صدقني يامصطفي وانت نوض شوف الدكتور واسأل علي حالته ...
مصطفي :حاظر توا انشوفه لكن اسمعي ردي بالك تحكي لماجدة عن الحادث .
هناء : ايه اصلا مش حنقوللها لانه حالتها ماتسمحش اطلاقا بخبر زي هذا
مصطفي :تمام حبيبتي بري انتي لماجدة .
هناء (علامات الفرحة واضحة علي وجهها وقلبها يدق دقان قوي وتبتسم واتشوف لمصطفي )▪
مصطفي :تي خيرك في حاجة في وجي خيرك اتشوفيلي هكي شن في.
هناء:اول مرة ادقولي حبيبتي الله محلاها الكلمة ليا شهور نحلم باها لكن ماتوقعتهاش حلوة هكي ااااه يامصطفي حقا تحبني ولا اتجامل فيا .
مصطفي (شاد ضحكته ومبتسم ):تي ربي يشبح فيك اني فاش وانتي فاش يابنت الحلال مش وقته هذا توا .
هناء (وهيا تتصنع علامات الزعل دارت روحها زعلانة كتفت ايداها وقعدت اتشوفله بنظرات البراءة ):مانبيش مالياش علاقة بيك توا توا ادجاوبني مش حنتحرك نيييييييين ادجاوبني تحبني ولالا .
مصطفي (يشوفلها بابتسامة وحاس قلبه بيطلع من مكانة ويمشيلها وقاللها بصوت حنون وهادي ): انحببببببببببببببببببك😍😍 هناء انحبك يامجنونة والله انحبك ♡♡♡♡.
هناء امشت لغرفة ماجدة وهيا قريب اطير من الفرحة عاد واخيرا اعترف مصطفي انه يحبها .......
خشت لقت ماجدة متكية وجنبها البيبي انشي قالتلها كيف حالك مجودة توا انشالله احسن ....
ردت ماجدة بصوت مرهق الحمدلله من ربي بخير ...
امشي عدلت تتكايتها وخدت البيبي ترضع فيه وباين علي وجهها علامات الحزن ....
انتبهتلها هناء وسألتها خيرك زعلانة في وحدة عندها هذا الملاك الصغير وتزعل ...
ماجدة (بصوت مهزوز ودموع حارة ):اتخيلي ماجاش يشوف ولده اللي قعد يستني فيه 5 سنين معقولة يكون بكمية القسوة هادي معقولة سليم يكوووون هكي اني منموووووووووووت بجد منموت.
هناء (شافتلها باسف علي حالتها المزرية ):اااه سليم مايقدرش ايجي في الوقت الحالي .....
ماجدة (بخووووووف شديد ):علاش خيرا شن فيه ...
هناء : لالالالا ماتخافيش مافيه شيء هوا غر بس رجله انكسرت والدكتور منعه من الطلوع من الحوش اوتحريكها بس .....
ماجدة (بخوف واستغراب😦😯 ):من شني رجله انكسرت قوليلي هناء ماتكذبيش عليا هوا مايبيش ايجي يشوفني ولا .....
هناء :والله ماصارت صدقيني هوا قريب يطير يبي يجي يشوفك لكن للاسف الدكتور مانعه ماهو عرفتي انتي لما طلعتي بالسيارة هوا طلع يجري لكنه اعتر وطاح من فوق الدرج فتكسرت رجله .....
ماجدة (حست انه هناء مخبية علاها شيء وماتبيش ادقوله فقررت انها تسايرها نيييين تفهم شن مدرقه علاها ):ااااه سلامته ياربي 😐😟.
":":":":":":":":":":":":":":":":":":":":""":":":
امشي مصطفي يبي يشوف سليم امشي لقي حركة مش مضبوطة في الممر والعناية والممرضات يجروا والدكتور يعيط وحالة استنفار خش يجري زي المهبول خاف علي سليم يكون لاقدر الله.......
انتهت الحلقة الثامنة من قسمة ونصييييييب 🍁 🍁
تابعوا الحلقات القادمة
❤❤❤هنايا القدر ❤ ❤ ❤
أنت تقرأ
قسمة ونصييييييب 🍁 🍁 🍁
Romansaروايتي باللهجة الليبية انا فتاة في سن المراهقة عمري 17 عاما ........ لعبت بي ايدي القسمة والنصيييب وكأنني لعبتها المفضلة ....وضعتني امام الهاوية ...لارمي بجسدي الممزق بها .......لم اعد اعلم ماهو الحب ......ولا كيف احمي نفسي منه ...........وهل فعلا...
