قسمة ونصييييييب 🍁 🍁 🍁

الخاتمه

خاتمه قسمه ونصييييييب 🍁 🍁 🍁
😍😍نعرفكم بنفسي
اني الكاتبه هنايا القدر ❤  اللي اسمي رزان مواليد 2000 كاتبه روايه قسمه ونصيب ، صح الروايه غير حقيقيه ومن تأليفي الخاص لكن تحكي علي واقع مر حبيت اني نلطفه شويه ونحاول نخليه مستساغ  ومقبول لكن الواقع أصعب ويوجع اكثر ومع ذلك اني نؤمن انه الحياة فاها الفرح زي مافاها الحزن ، وكل شخص ربي كاتبله الفرح في حياته مهما طال الالم .
تعرفو ابديت في الروايه من نهايه رمضان 2017 يعني شهر 6 وكملتها في شهر عشرة 2018 ،مريت بهلبا ظروف وهلبا حاجات وجعتني واني متأكدة لو نقرر نكتب قصتي في روايه مش حتصدقاها وحدقولو كذب لانه ديما الواقع غير مقبول وصعب يستوعبه العقل  ، لكن الحمدووووالله في كل مرة نطيح فاها انوض اقوي من الاول ، علمتني الدنيا هلبا حاجات علي صغر سني ،اني مرة كتبت شكر لشخص عطاني الدافع  نكتب ، نفسه هذا الشخص نشكره مليون مرة انه طلع من حياتي ، لانه حياتي بدت اجمل بدونه ، مش ديما خروج اشخاص من حياتنا يكون وجع ، احيانا يكون فرح ،لانه تلقي اشخاص تانيه يزهو في عيونك الدنيا  ، واحلي شيء تجربتي في الكتابه ونجاحي الباهر اللي ماكنتش نتوقعه ، نشكر كل متابعيني وكل اللي ساعدوني ودعموني ونشكر ربي اللي وفقني وساعدني
الروايه كانت علي جزأين لكن شاءت الاقدار انديرها جزء واحد ونحدف احداث

وندير اهداء لأ شخاص عزيزين علي قلبي (سرو ودوسه وذوذو ) صديقاتي اللي قرو روايتي ودعموني نكمل

وصف للشخصيات ##

ندي ❤ومروان
الحب الكبييييير اللي واجهاته هلبا مصااايب ومشاكل
الحب اللي عارضوه الاهل والوقت والمواقف والظروف وكل شيء ، اثنين حبو بعض واهلهم فرقوهم ، مروان زوجوه غصبا عنه وهوا استسلم وندي انجرحت من مروان وتعذبت من خاها ومن وحشيته  في التصرف معاها،

إلي متي تضل المرأة تعامل كالدابه بدون رحمه بحجة الشرف والعار💔💔💔

ونوهت انه الهروب مايحل شيء ويسبب هلبا مشاكل مع الوقت تطلع .........
وفي الاخير تزوجو وعاشو بسعادة
وندي جابت بنوته لكن تعبت هلبا وصارلها نزيف واضطرو يستأصلولها الرحم بالكامل 💔
لذلك من حكمه ربي انه تكون معاهم سهي الصغرونه ويربو زوز صغار ويعوضهم ربي باها باش تكون اخت لجيهان الصغرونه .
~~~~~~~~~
طبعا النهايه ماكنتش هكي
النهايه كانت انه ندي تتزوج عبدو ومروان يتزوج سهي وتنتهي قصتهم
لكن حبيت نغيرها
~~~~~~~~
جمال ووقار❤
جمال وسوار 💔
جمال الشخص اللي كان يلعب بالبنات ومن بنت لبنت ناسي او متناسي انه الدنيا دوارة وانه حيجيه عليه الدور وحيتوجع زي ماوجع قلوب اللي حبوه .
حبه لسوار كان نقي وصادق واول مرة يحب من قلبه بصدق ، حبها باسم عفه ،

كان يبحث عن عفه الأنثي
وكأنه لم يكن  أقذر رجل
👌👌
ربي خلاه يذوق الوجع تصفايه حسابات مع هلبا بنات تحسبنو عليه وقت وجع قلوبهم
واولهم وقار البنت الحلوة اللي حباته وهوا لعب باها وضحك علاها ، ببساطه حرقت وجها وقعدت بين الحياة والموت علي خاطر شني ترا
علي خاطر واحد فاضي من داخل قبل البرا قاعد يتسلي  ببنات الناس متناسي انه ربي فوقه وانه حيحاسبه وحيشربه من نفس الكأس
###
سوار اتزوجت الشخص اللي يستاهلها
الانسانه التقيه اللي تخاف من ربي واللي رغم جمالها لبسها كله محتشم ومستور ،ولو وحدة تانيه بجمالها راهي لبست قصير ومقطع وراهي لعبت الشباب علي ايد واحدة ، لكن هيا صانت روحها ، وجاها اللي نسااها وعوضها علي كل شيء
جابت تؤام زوز ولاد يشبهاها عيون ملونه وبيض وسافرت تحضر برا عيا وصغارها وراجلها وعاشت في ماليزيا
~~~~~~~~~~~~
سعد وسناء ومؤيد
سعد وياااااااه قداش تحمل سعد وقداش نوصفه بأنه فعلا رااااجل مش ذكر وخلاص ، برغم انه بنت خاله غلطت وبعتت شرفها لواحد كلب باعها برخيص ،هوا وقف معاها وسترها وخدالها حقها ومش هكي وبس ، حبها ❤ وقداش صعبه علي راجل شرقي انه يحب بنت عارف ماضيها ، لكن لانه كان رااااجل وقاعدة نعاود فاها رااااااجل وقف معاها وحبها من كل قلبه برغم معاملتها الجافه وكل القسوة اللي في قلبها من بعد اللي صار ، قدر يذوب كل الجليد وكل الخوف وكل شيء وتزوجها بالحلال صح صارت مشاكل هلبا واولهم رفض سناء ومحاوله اغتصابها وكل شيء لكنه ماقدرش يطلع حبها من قلبه .
سناء
وقداش كميه الخدلان والوجع اللي شافتهم علي صغر سنها ، ماأصعبها اللي حبيتيه من كل قلبك يغدر بيك وبطعنك بأبشع الطرق اللي هيا شرفك ، اللي مفروض يكون شرفه ، صح غلطت لما بعتت صورها واني توا انوه لكل  بنت ايااااااك الا صورك الا شرفك الا هادي لانه مافيش راجل ييستاهل توطي راس بوك وخوتك علي خاطره ، استاقظو راهو وحق ربي اغلبهم كان مش كلهم يضحكو علي بنات الناس ويعشمو فيهم وبس ، تي الراجل اللي يبيك بجديات يجي يطق علي حوش بوك وغير هكي دوة فاضيه ، سناء من بعد اللي صار تحولت لكتله من البرود ووجود سعد معاها صح كان حلو لكن ماكانتش تبي تظلمه وتظلم نفسها لانها توقعت يعايرها بماضيها ، لكن سعد طلع راااجل وصانها وعمره مانزل دمعتها
وجابت منه تؤام زوز بنات ياخدو العقل واخدين لون عيون بوهم وعاشو اسرة سعيدة