قسمة ونصييييييب 🍁 🍁 🍁

الحلقة 12🌟🌟🌟

قسمة ونصييييييب 🍁 🍁
الحلقة 12🌻🌻🌻
بعنوان" كاد يقلتني الشوق لكم"❤
بعد سنيين من الوفاء والتضحية والاخلاص بين زوجين يعشقان طعم الصبر عند المحن والمصائب أشرقت شمس الثراء والمودة والتألف والاخاء .........

في بيت دافيء جميييل انيق ومرتب خرجت من احدي غرفه فتاة طويلة جميلة حنطاوية البشرة ذات عينان سوداء متلألئة كنجوم الليل تلمعان بشغف وشعر طويييل اسود كثيف بغمازة تزين وجنتيها الصغيرتين  ...كانت كالملاك .....!!!
كانت ترتدي فستانا قصيرا يصل الي الركبة لونه وردي وفيه ازهار ربيعية جميلة وكان شعرها ملفوف  ورقبتها مزينة  بسلسال ذهبي  به فراشة عند المنتصف .....هذا عقدها المفضل لانه هدية من والداها في عيد ميلادها الخامس عشر ....صارت ترتديه ولا تخلعه من عنقها ابدا .......كانت تجوب الغرف وتبحث ...........~~~~
{ ستبدأ حكاية فتاة لعب بها النصيييب وارغمها علي قبول كل التنازلات لكي ترضي بقسمتها وبحياتها دوون تغييير }
♡♡♡♡♡♡♡♡♡♡♡♡♡♡♡♡♡♡♡
ياي وين حطيتها والله نسيت بالك في دار أمي
العفو وين بتمشي والله   معقولة مانلقهاش مش حنلقي وقت نرجع نشري تاني  .....
..... £رن جرس الباب امشيت منفتح  £
::::مني
نورا::اني مرة عمك نورا افتحي
(ابتسمت بكل حب وافتحت الباب وحضنتهاا بقوة)::استتتتتتتاحشتك باهي ولا
نورا::ههههههههه اقتلتيني يامهبولة مش كنتي عندي امس ولا فقدتي الذاكرة تاني
:::والله انتي اللي تتكلمي علي الهبال ههههه تي انتي نبدا قاعدة مطلعتش من فم الباب ادقوليلي استاحشتك يانكارة .
نورا :ياحبيبتي يالمورة انموووووووووووووووت فييييك انتي بنتي اللي ماجبتهاش بطني .
لامار :ههههههه لا عادي زي بطنك زي بطن ماما مافيش فرق .
نورا :عاااد انتي فرحانة اليوم هلبا
لامار :اييييييييه هلبا هلبا ليا 8 شهور ماشفتهمش
نورا ::معليشي حبيبتي توا ايجوا وتملي عيونك منهم ياغالية .
لامار :ااااااااااااه انشالله؛   وبعدين تعالي جاي حتي انتي فرحانة لانه أنور جاي معاهم .
نورا (غمزتلها وضحكت):اييييه مش غر اني المفروض نفرح لان انور جاي من المانيا صح ولا.
لامار (وجهي ولا احمر زي الطماطمة وسكتت بخجل مع اني فاهمة تلميحاتها لكن ماحبيتش انعلق )

نورا ::اني اول وحدة وصلت ؟ماجي حد يعني ؟
لامار ::ههههه انتي شن رآيك
نورا ::يلا ندوروا دورة في الحوش قبل مايوصلو
لامار ::ههه ايه ياشطورة يلا تعالي دوري معاي
نورا ::علي شن ادوري
لامار ::الزينة اللي منعلقها معادش نندري علي روحي وين حطيتها.
نورا:ههههه باهي توا اندور معاك ياشكلاطة
لامار::ههههعهههعه تباهي باهي يابسكويتة انتي
نورا:: والله احلي شكلاطة في الدنيا كلها
£رن تلفون لامار £
الووو وسام
.....الووو شن اخباره الحلو
.....الحلو زعلان
....لالا معاش ولا كان اللي يزعلك
.....اهو عايش ويتنفس ويكلم فيا توا بكل برود
......اني هوا اني اللي مزعلك
........اكيد
.....ههههه باهي علاش زعلانة
.....لاني من الصبح نتصل بيك وخضرتك مطنشني
.....ههههه لا والله الا كان عندي شغل ماقدرتش انرد
《نبي نحكي عن طبيعة علاقتي بوسام ؛وسام بالنسبة ليا كل شيء متعلقة بيه هلبببببببا هلبببببا
《               يعني ديما نطلع ونخش اني وياه اصلا احني عيلتنا متفتحة  والأمور هادي معندناش فاها مشكلة هوا انسان عزيز عليااا هلببببا هوا خوي اللي ماجبتاش امي خصوصا انه وقف معاي في عز  أزمتي وماتخلاش عني ....هوا انسان عزيز علي قلبي واااجد وااااجد علي فكرة هوا يكبرني بسنتين يعني عمره 19 السنة واني عمري 17     》
وسام:باهي شن كنتي تبي يادلوعة
لامار:كنت نبي نوصيك علي حاجات ناقصة في العزومة .
وسام :من عيوننني اللي تبيه اكتبيهولي في رسالة وابعتيهولي .
لامار :سلم عيونك ياربي
وسام :ولو
.............................................................................
لامار:باهي شن الحل توا 
نورا :في شني
لامار : لاحول الله مش قتلك الزينة شكلها رايحة ومعادش نندري علاها ويين
نورا :باهي توا انكلم حسام يجيبلنا زينة
لامار (متكنطية وزعلانة ):هادي الزينة غالية علييييا واجد كل مايجوا  الغوالي انطلعها ونزين باها الحوش .
نورا (حضنت لامار بقوة ):ياحبيبتي يابنتي خلاص صدقيني حنلقاها وتوا معليشي انجيبوا زينة جديدة من باب التغيير .
طق الباب بقوة 🙌🙌
امشت نورا فتحت الباب وأني مقعمزة علي الكرسي والحزن علي وجهي نقيم راسي نلقا عمتي مفيدة انوض نجري ونتلقاها بالحضن
مفيدة :لمورة حبيبتي استاحشتك ياكلبة
لامار :امشي يطلعلك تستاحشي والله
مفيدة:ههههههه علاش ياحيوانة خيرني
لامار (بنبرة زعل):انتي سكنتي في طرابلس وانسيتينا
مفيدة :باهي انتي عارفة المشوار بعيييد وديما والله انقول لمفيد اني مستاحشه ونبي انجي وهوا يقولي باهي لكن ماوتتش فرصة والصغار مدرسة يعني ارتباطات .
لامار :اييييييه هما كلهم اهم مني يعني.
مفيدة :هههههه لالا مش اهم منك يادلوعة ؛وحقا تعالي جاي انتي علاش ماجيتيش كانك مستاحشه عندك حوشي وحوشكم اللي في طرابلس وحوش جدك هادم كلهم الحياش تحت امرك هذا من غير حوش اختي اماني .
لامار :والله استاحشتها عمتي اماني واستاحشت بنتها هناء وولدها عبدو وراجلها عمي صالح كلهم استاحشتهم .
نورا :اهم توا يجوا من المانيا كلنا مستاحشينهم .
لامار (تنهدت بقوة ):حقا وين صغارك وراجلك.
مفيدة :قعدوا في حوش جدك غادي شدت فيهم امي يقعمزوا وقالتلهم توا نمشوا مع بعض .
نورا :ابدوا يوتوا في المأكلة غادي ولاشني .
مفيدة :ايييه والله  سلفاتك كلهم غادي وخواتي ويطيبوا وجوهم امليح وشباب العيلة ماشيين جايين يجيبوا في الحاجات .
لامار :خسارة ياريتني غادي لكن للاسف الحوش يبي الف حاجة قبل مايوصلوا .
نورا :اهو توا يجوا الصبايا اهني ونتساعدوا في الضمان والتجهيز .
لامار :بري وصي ولدك حسام علي الزينة فيسع فيسع فيسع معاش وقت .
نورا:هههههه حاضر حاضر .